Punjab Police
ਪੁਲਿਸ ਨੇ ਦੋਵਾਂ ਪਿਸਟਲਾਂ ਨੂੰ ਆਪਣੇ ਕਬਜ਼ੇ 'ਚ ਲੈ ਕੇ ਸ਼ੁਰੂ ਕੀਤੀ ਕਾਰਵਾਈ
Punjab News : ਥਾਣਾ ਖਾਲੜਾ ਅਧੀਨ ਆਉਂਦੇ ਪਿੰਡ ਕਲਸੀਆਂ ਤੋਂ ਸਾਂਝੇ ਸਰਚ ਅਪਰੇਸ਼ਨ ਦੌਰਾਨ ਬੀਐਸਐਫ ਤੇ ਪੰਜਾਬ ਪੁਲਸ ਨੇ 2 ਗਲਾਕ ਪਿਸਟਲ ਮੇਡ ਇਨ ਆਸਟ੍ਰੀਆ ਬਰਾਮਦ ਕਰਨ ਵਿੱਚ ਵੱਡੀ ਸਫਲਤਾ ਹਾਸਲ ਕੀਤੀ ਹੈ।
ਸੂਤਰਾਂ ਪਾਸੋਂ ਮਿਲੀ ਜਾਣਕਾਰੀ ਅਨੁਸਾਰ ਇੱਕ ਮਈ ਦੀ ਦੁਪਹਿਰ ਸਮਾਂ ਕਰੀਬ 3 ਵਜੇ ਜਸਵੰਤ ਸਿੰਘ ਪੁੱਤਰ ਜਰਨੈਲ ਸਿੰਘ ਵਾਸੀ ਪਿੰਡ ਕਲਸੀਆਂ ਖੁਰਦ ਦੇ ਖੇਤਾਂ ਵਿੱਚੋਂ ਬੀਐਸਐਫ ਤੇ ਥਾਣਾ ਖਾਲੜਾ ਦੀ ਪੁਲਸ ਨੇ ਗੁਪਤ ਸੂਚਨਾ ਦੇ ਆਧਾਰ 'ਤੇ ਦੋ ਗਲਾਕ ਪਿਸਟਲਾਂ ਨੂੰ ਬਰਾਮਦ ਕੀਤਾ ਹੈ।
ਖਾਲੜਾ ਪੁਲਿਸ ਤੇ ਬੀਐੱਸਐਫ ਨੇ ਬਰਾਮਦ ਕੀਤੇ ਦੋਵਾਂ ਪਿਸਟਲਾਂ ਨੂੰ ਆਪਣੇ ਕਬਜ਼ੇ ਵਿੱਚ ਲੈ ਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਦੱਸਣਯੋਗ ਹੈ ਕਿ ਬਿਨਾਂ ਮੈਗਜ਼ੀਨਾਂ ਤੋਂ ਬਰਾਮਦ ਹੋਏ ਪਿਸਟਲਾਂ 'ਚੋਂ ਇੱਕ ਦਾ ਰੰਗ ਕਾਲਾ ਤੇ ਦੂਜੇ ਦਾ ਭੂਰਾ ਹੈ ।
