ਸੀਬੀਆਈ ਜਿਹੀ ਪ੍ਰਮੁੱਖ ਜਾਂਚ ਏਜੰਸੀ ਦੇ ਕੋਲ ਰਾਜਨੀਤਕ ਨੇਤਾਵਾਂ ਨੂੰ ਫਸਾਉਣ ਦੀ ਨੀਅਤ ਵਾਲੀ ਇਕ ਪਹਿਲਾਂ ਤੋਂ ਨਿਰਧਾਰਤ ਯੋਜਨਾ ਸੀ।
ਮੁੰਬਈ : ਗੈਂਗਸਟਰ ਸੋਹਰਾਬੂਦੀਨ, ਉਸ ਦੀ ਪਤਨੀ ਕੌਸਰ ਬੀ ਅਤੇ ਉਸ ਦੇ ਸਹਿਯੋਗੀ ਤੁਲਸੀ ਪ੍ਰਜਾਪਤੀ ਦੀ ਕਥਿਤ ਝੂਠੇ ਮੁਠਭੇੜਾਂ ਵਿਚ ਕਤਲ ਵਿਚ ਸੀਬੀਆਈ ਦੀ ਜਾਂਚ ਰਾਜਨੀਤਕ ਨੇਤਾਵਾਂ ਨੂੰ ਫਸਾਉਣ ਲਈ ਪਹਿਲਾਂ ਤੋਂ ਹੀ ਨਿਰਧਾਰਤ ਕੀਤੀ ਗਈ ਯੋਜਨਾ 'ਤੇ ਆਧਾਰਤ ਸੀ। ਇਹ ਟਿੱਪਣੀ ਵਿਸ਼ੇਸ਼ ਸੀਬੀਆਈ ਅਦਾਲਤ ਦੇ ਜੱਜ ਐਸਜੇ ਸ਼ਰਮਾ ਨੇ ਇਸ ਮਾਮਲੇ ਵਿਚ ਅਪਣੇ 350 ਪੇਜਾਂ ਦੇ ਫ਼ੈਸਲੇ ਵਿਚ ਕੀਤੀ। ਜੱਜ ਸ਼ਰਮਾ ਨੇ ਤਿੰਨ ਜਿੰਦਗੀਆਂ ਦੇ ਖਤਮ ਹੋਣ ਤੇ ਦੁਖ ਪ੍ਰਗਟ ਕੀਤਾ ਸੀ ਪਰ ਸਬੂਤ ਨਾ ਹੋਣ ਕਾਰਨ ਗੁਜਰਾਤ ਅਤੇ ਰਾਜਸਥਾਨ ਪੁਲਿਸ ਦੇ
Sohrabuddin Sheikh & wife
ਪੁਲਿਸ ਕਰਮਚਾਰੀਆਂ ਸਮੇਤ ਸਾਰੇ 22 ਦੋਸ਼ੀਆਂ ਨੂੰ ਇਸ ਮਾਮਲੇ ਵਿਚ ਬਰੀ ਕਰ ਦਿਤਾ ਸੀ। ਹਾਲਾਂਕਿ ਇਸ ਫ਼ੈਸਲੇ ਦੀ ਕਾਪੀ ਉਪਲਬਧ ਨਹੀਂ ਸੀ। ਅਪਣੇ ਫ਼ੈਸਲੇ ਵਿਚ ਜੱਜ ਸ਼ਰਮਾ ਨੇ ਕਿਹਾ ਕਿ ਉਹਨਾਂ ਦੇ ਸਾਬਕਾ ਜੱਜ ਐਸਬੀ ਗੋਸਾਵੀ ਨੇ ਦੋਸ਼ੀ ਨਬੰਰ-16 ਨੂੰ ਬਰੀ ਕਰਨ ਦੀ ਬੈਨਤੀ 'ਤੇ ਫ਼ੈਸਲਾ ਜ਼ਾਰੀ ਕਰਦੇ ਹੋਏ ਟਿੱਪਣੀ ਕੀਤੀ ਸੀ ਕਿ ਇਹ ਜਾਂਚ ਰਾਜਨੀਤੀ ਤੋਂ ਪ੍ਰੇਰਿਤ ਸੀ। ਫ਼ੈਸਲੇ ਵਿਚ ਜੱਜ ਸ਼ਰਮਾ ਨੇ ਕਿਹਾ ਕਿ ਮੇਰੇ ਸਾਹਮਣੇ ਰੱਖੀ ਗਈ ਪੂਰੀ ਸਮੱਗਰੀ 'ਤੇ ਨਿਰਪੱਖ ਵਿਚਾਰ ਕਰਨ ਅਤੇ ਗਵਾਹਾਂ ਅਤੇ ਸਬੂਤਾਂ ਦੀ ਬਾਰੀਕੀ ਨਾਲ ਜਾਂਚ ਕਰਨ ਤੋਂ ਬਾਅਦ ਮੈਨੂੰ ਇਹ ਕਹਿਣ ਵਿਚ ਕੋਈ ਸੰਕੋਚ ਨਹੀਂ ਹੈ,
CBI
ਕਿ ਸੀਬੀਆਈ ਜਿਹੀ ਪ੍ਰਮੁੱਖ ਜਾਂਚ ਏਜੰਸੀ ਦੇ ਕੋਲ ਰਾਜਨੀਤਕ ਨੇਤਾਵਾਂ ਨੂੰ ਫਸਾਉਣ ਦੀ ਨੀਅਤ ਵਾਲੀ ਇਕ ਪਹਿਲਾਂ ਤੋਂ ਨਿਰਧਾਰਤ ਯੋਜਨਾ ਸੀ। ਫ਼ੈਸਲੇ ਵਿਚ ਅੱਗੇ ਕਿਹਾ ਗਿਆ ਹੈ ਕਿ ਸੀਬੀਆਈ ਇਸ ਮਾਮਲੇ ਦੀ ਜਾਂਚ ਦੌਰਾਨ ਸੱਚ ਤੱਕ ਪਹੁੰਚਣ ਦੀ ਬਜਾਏ ਕੁਝ ਹੋਰ ਕੰਮ ਕਰ ਰਹੀ ਸੀ। ਜੱਜ ਸ਼ਰਮਾ ਨੇ ਕਿਹਾ ਕਿ ਪੂਰੀ ਜਾਂਚ ਇਕ ਖਾਸ ਟੀਚੇ ਨੂੰ ਹਾਸਲ ਕਰਨ ਲਈ ਇਕ ਯੋਜਨਾ 'ਤੇ ਹੀ ਆਧਾਰਿਤ ਸੀ। ਇਸ ਪ੍ਰਕਿਰਿਆ ਅਧੀਨ ਰਾਜਨੀਤਕ ਨੇਤਾਵਾਂ ਨੂੰ ਫਸਾਉਣ ਲਈ ਸੀਬੀਆਈ ਦੇ ਦੋਸ਼ ਪੱਤਰ ਵਿਚ ਸਬੂਤ ਪੈਦਾ ਕੀਤੇ
CBI investigation
ਅਤੇ ਗਵਾਹਾਂ ਦੇ ਬਿਆਨ ਸ਼ਾਮਲ ਕੀਤੇ। ਉਹਨਾਂ ਕਿਹਾ ਕਿ ਇਹ ਬਿਆਨ ਅਦਾਲਤ ਦੀ ਨਿਆਇਕ ਸਮੀਖਿਆ ਦਾ ਸਾਹਮਣਾ ਨਹੀਂ ਕਰ ਸਕੇ ਅਤੇ ਗਵਾਹਾਂ ਨੇ ਅਦਾਲਤ ਦੇ ਸਾਹਮਣੇ ਨਿਡਰਤਾ ਨਾਲ ਇਸ਼ਾਰਾ ਕੀਤਾ ਕਿ ਰਾਜਨੀਤਕ ਨੇਤਾਵਾਂ ਨੂੰ ਫਸਾਉਣ ਦੇ ਉਦੇਸ਼ ਨਾਲ ਸੀਬੀਆਈ ਨੇ ਅਪਣੀ ਯੋਜਨਾ ਨੂੰ ਸਹੀ ਠਹਿਰਾਉਣ ਲਈ ਉਹਨਾਂ ਦੇ ਬਿਆਨ ਗਲਤ ਦਰਜ ਕੀਤੇ।
