ਬੋਰਡ ਆਫ ਕੰਟਰੋਲ ਫਾਰ ਕ੍ਰਿਕੇਟ ਇਨ ਇੰਡੀਆ (ਬੀਸੀਸੀਆਈ) ਦੇ ਸੀਈਓ ਰਾਹੁਲ ਜੌਹਰੀ ਉੱਤੇ ਲੱਗੇ ਯੋਨ ਸ਼ੋਸ਼ਣ ਦੇ ਦੋਸ਼ਾਂ ਦੇ ਮਾਮਲੇ ਵਿਚ ਸੁਪਰੀਮ ਕੋਰਟ ਨੇ ਵਿਨੋਦ ਰਾਏ ...
ਨਵੀਂ ਦਿੱਲੀ (ਪੀਟੀਆਈ) :- ਬੋਰਡ ਆਫ ਕੰਟਰੋਲ ਫਾਰ ਕ੍ਰਿਕੇਟ ਇਨ ਇੰਡੀਆ (ਬੀਸੀਸੀਆਈ) ਦੇ ਸੀਈਓ ਰਾਹੁਲ ਜੌਹਰੀ ਉੱਤੇ ਲੱਗੇ ਯੋਨ ਸ਼ੋਸ਼ਣ ਦੇ ਦੋਸ਼ਾਂ ਦੇ ਮਾਮਲੇ ਵਿਚ ਸੁਪਰੀਮ ਕੋਰਟ ਨੇ ਵਿਨੋਦ ਰਾਏ ਦੀ ਪ੍ਰਧਾਨਤਾ ਵਿਚ ਤਿੰਨ ਮੈਂਬਰੀ ਇਕ ਕਮੇਟੀ ਦਾ ਗਠਨ ਕੀਤਾ ਹੈ, ਜੋ ਪੂਰੀ ਘਟਨਾ ਦੀ ਜਾਂਚ ਕਰੇਗੀ। ਇਸ ਕਮੇਟੀ ਦਾ ਗਠਨ ਵੀਰਵਾਰ ਨੂੰ ਕੀਤਾ ਗਿਆ, ਜਿਸ ਵਿਚ ਇਲਾਹਾਬਾਦ ਹਾਈ ਕੋਰਟ ਦੇ ਸਾਬਕਾ ਜੱਜ ਰਾਕੇਸ਼ ਸ਼ਰਮਾ, ਦਿੱਲੀ ਮਹਿਲਾ ਕਮਿਸ਼ਨ ਦੀ ਸਾਬਕਾ ਚੇਅਰਪਰਸਨ ਬਰਖਾ ਸਿੰਘ ਅਤੇ ਸੀਬੀਆਈ ਦੇ ਸਾਬਕਾ ਡਾਇਰੈਕਟਰ ਪੀਸੀ ਸ਼ਰਮਾ ਸ਼ਾਮਿਲ ਹਨ।
ਜਸਟਿਸ ਸ਼ਰਮਾ ਇਸ ਕਮੇਟੀ ਦੇ ਚੇਅਰਮੈਨ ਹੋਣਗੇ। ਤਿੰਨ ਮੈਂਬਰੀ ਇਸ ਕਮੇਟੀ ਨੂੰ ਪੈਨਲ ਨੇ ਆਪਣੀ ਰਿਪੋਰਟ 15 ਦਿਨਾਂ ਦੇ ਅੰਦਰ ਸੌਂਪਣ ਨੂੰ ਕਿਹਾ ਹੈ। ਇਕ ਔਰਤ ਦੁਆਰਾ ਰਾਹੁਲ ਜੌਹਰੀ ਉੱਤੇ ਲਗਾਏ ਗਏ ਸਨਸਨੀਖੇਜ ਇਲਜ਼ਾਮਾਂ ਤੋਂ ਬਾਅਦ ਕਮੇਟੀ ਨੇ ਉਨ੍ਹਾਂ ਨੂੰ ਇਸ ਮਾਮਲੇ ਵਿਚ ਜਵਾਬ ਮੰਗਿਆ ਸੀ। ਇਸ 'ਤੇ ਜੌਹਰੀ ਨੇ 20 ਅਕਤੂਬਰ ਨੂੰ ਆਪਣਾ ਜਵਾਬ ਸੌਂਪਦੇ ਹੋਏ ਸਾਰੇ ਇਲਜ਼ਾਮਾਂ ਨੂੰ ਸਿਰੇ ਤੋਂ ਖਾਰਿਜ ਕਰ ਦਿਤਾ ਸੀ। ਕਮੇਟੀ ਆਫ ਐਡਮਿਨਿਸਟਰੇਟਰਸ (ਸੀਓਏ) ਨੇ ਆਪਣੇ ਬਿਆਨ ਵਿਚ ਕਿਹਾ ਕਿ ਸੁਪਰੀਮ ਕੋਰਟ ਨੇ ਸੀਓਏ ਦਾ ਗਠਨ ਮਾਮਲੇ ਦੀ ਜਾਂਚ ਲਈ ਕੀਤਾ ਹੈ।
BCCI CEO Johri
ਇਸ ਮਾਮਲੇ ਵਿਚ ਇਕ ਆਜਾਦ ਕਮੇਟੀ ਜੌਹਰੀ ਉੱਤੇ ਬੀਸੀਸੀਆਈ ਵਿਚ ਕੰਮ ਦੇ ਦੌਰਾਨ ਲੱਗੇ ਯੋਨ ਸ਼ੋਸ਼ਣ ਦੇ ਇਲਜ਼ਾਮਾਂ ਦੀ ਜਾਂਚ ਕਰੇਗੀ। ਦੱਸ ਦਈਏ ਕਿ ਬੀਸੀਸੀਆਈ ਦੀ ਸੱਤ ਰਾਜ ਇਕਾਈਆਂ ਨੇ ਬੋਰਡ ਦੇ ਸੀਈਓ ਰਾਹੁਲ ਜੌਹਰੀ ਦੇ ਖਿਲਾਫ ਯੋਨ ਸ਼ੋਸ਼ਣ ਦੇ ਇਲਜ਼ਾਮਾਂ ਦੀ ਜਾਂਚ ਲੰਬਿਤ ਰਹਿਣ ਤੱਕ ਉਨ੍ਹਾਂ ਨੂੰ ਮੁਅੱਤਲ ਕਰਣ ਦੀ ਮੰਗ ਕੀਤੀ ਹੈ।
Rahul Johri
ਬੀਸੀਸੀਆਈ ਦੇ ਸਾਬਕਾ ਅਧਿਕਾਰੀ ਨੇ ਗੁਪਤ ਦੀ ਸ਼ਰਤ ਉੱਤੇ ਕਿਹਾ ਸੱਤ ਰਾਜ ਇਕਾਈਆਂ ਸੌਰਾਸ਼ਟਰ, ਤਮਿਲਨਾਡੁ, ਗੁਜਰਾਤ, ਹਰਿਆਣਾ, ਕਰਨਾਟਕ, ਮੱਧ ਪ੍ਰਦੇਸ਼, ਗੋਵਾ ਨੇ ਵੀਰਵਾਰ ਨੂੰ ਪ੍ਰਸ਼ਾਸਕਾਂ ਦੀ ਕਮੇਟੀ (CoA) ਨੂੰ ਵੱਖ - ਵੱਖ ਪੱਤਰ ਲਿਖ ਕੇ ਸੀਈਓ ਰਾਹੁਲ ਜੌਹਰੀ ਨੂੰ ਜਾਂਚ ਲੰਬਿਤ ਰਹਿਣ ਤੱਕ ਮੁਅੱਤਲ ਕਰਨ ਦੀ ਮੰਗ ਕੀਤੀ ਹੈ। ਹੁਣ ਫੈਸਲਾ ਵਿਨੋਦ ਰਾਏ ਨੇ ਕਰਨਾ ਹੈ। ਜ਼ਿਕਰਯੋਗ ਹੈ ਕਿ ਇਕ ਅਣ ਪਛਾਤੀ ਮਹਿਲਾ ਲੇਖਕ ਦੁਆਰਾ ਯੋਨ ਸ਼ੋਸ਼ਣ ਦੇ ਇਲਜ਼ਾਮ ਵਿਚ ਫਸੇ ਭਾਰਤੀ ਕ੍ਰਿਕੇਟ ਕੰਟਰੋਲ ਬੋਰਡ (ਬੀਸੀਸੀਆਈ) ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਰਾਹੁਲ ਜੌਹਰੀ ਨੂੰ ਛੁੱਟੀਆਂ ਉੱਤੇ ਭੇਜ ਦਿੱਤਾ ਗਿਆ ਸੀ।
