Cable Ferry News: ਇਸ ਅਤਿ-ਆਧੁਨਿਕ ਫੇਰੀ ਦਾ ਉਦੇਸ਼ ਧਾਰਮਕ ਅਤੇ ਸੈਰ-ਸਪਾਟਾ ਖੇਤਰਾਂ ਨੂੰ ਜੋੜਨਾ ਹੈ ਅਤੇ ਨਾਲ ਹੀ ਰੁਜ਼ਗਾਰ ਨੂੰ ਉਤਸ਼ਾਹਤ ਕਰਨਾ ਹੈ।
The country's first cable ferry will start from Gobind Sagar Lake Bhakra to Talai News : ਦੇਸ਼ ਦੀ ਪਹਿਲੀ 2 ਕਿਲੋਮੀਟਰ ਲੰਬੀ ਕੇਬਲ ਫੈਰੀ ਗੋਬਿੰਦ ਸਾਗਰ ਝੀਲ ਦੇ ਭਾਖੜਾ ਕਿਸ਼ਤੀ ਘਾਟ ਤੋਂ ਸ਼ਾਹਤਲਾਈ ਦੇ ਬ੍ਰਾਹਮਣੀ ਘਾਟ ਤਕ ਸ਼ੁਰੂ ਹੋਵੇਗੀ। ਇਹ ਜਲ ਆਵਾਜਾਈ ਪ੍ਰਾਜੈਕਟ ਨਾ ਸਿਰਫ਼ ਸ਼ਰਧਾਲੂਆਂ ਅਤੇ ਸੈਲਾਨੀਆਂ ਨੂੰ ਵੱਡੀ ਰਾਹਤ ਪ੍ਰਦਾਨ ਕਰੇਗਾ ਬਲਕਿ ਖੇਤਰ ਦੇ ਆਰਥਕ ਵਿਕਾਸ ਨੂੰ ਵੀ ਤੇਜ਼ ਕਰੇਗਾ। ਇਸ ਅਤਿ-ਆਧੁਨਿਕ ਫੇਰੀ ਦਾ ਉਦੇਸ਼ ਧਾਰਮਕ ਅਤੇ ਸੈਰ-ਸਪਾਟਾ ਖੇਤਰਾਂ ਨੂੰ ਜੋੜਨਾ ਹੈ ਅਤੇ ਨਾਲ ਹੀ ਰੁਜ਼ਗਾਰ ਨੂੰ ਉਤਸ਼ਾਹਤ ਕਰਨਾ ਹੈ।
ਖਾਸ ਗੱਲ ਇਹ ਹੈ ਕਿ ਨਾ ਸਿਰਫ਼ ਉੱਤਰ ਭਾਰਤ ਵਿਚ ਸਗੋਂ ਦੇਸ਼ ਵਿਚ ਕਿਤੇ ਵੀ ਅਜਿਹੀ ਕੋਈ ਫੈਰੀ ਸਹੂਲਤ ਨਹੀਂ ਹੈ। ਇਹ ਜਲ ਮਾਰਗ ਨੈਣਾ ਦੇਵੀ ਤੋਂ ਬਾਬਾ ਬਾਲਕ ਨਾਥ ਮੰਦਿਰ, ਦੇਵਤਸਿਧ ਜਾਣ ਵਾਲੇ ਸ਼ਰਧਾਲੂਆਂ ਦੀ ਯਾਤਰਾ ਨੂੰ ਆਸਾਨ ਬਣਾ ਦੇਵੇਗਾ। ਵਰਤਮਾਨ ਵਿੱਚ, ਸ਼ਰਧਾਲੂਆਂ ਨੂੰ ਇਸ ਰਸਤੇ ’ਤੇ ਲਗਭਗ 80 ਕਿਲੋਮੀਟਰ ਦਾ ਸਫ਼ਰ ਤੈਅ ਕਰਨਾ ਪੈਂਦਾ ਹੈ, ਪਰ ਕੇਬਲ ਫੈਰੀ ਸ਼ੁਰੂ ਹੋਣ ਨਾਲ, ਇਹ ਦੂਰੀ ਸਿਰਫ ਕੁਝ ਮਿੰਟਾਂ ਤੱਕ ਘੱਟ ਜਾਵੇਗੀ।
ਇਸ ਫੈਰੀ ਵਿਚ, ਨਾ ਸਿਰਫ਼ ਯਾਤਰੀ, ਸਗੋਂ ਕਾਰਾਂ, ਜੀਪਾਂ, ਬਾਈਕ ਅਤੇ ਸਕੂਟਰ ਵਰਗੇ ਛੋਟੇ ਵਾਹਨ ਵੀ ਇਕ ਕਿਨਾਰੇ ਤੋਂ ਦੂਜੇ ਕਿਨਾਰੇ ਤਕ ਆਸਾਨੀ ਨਾਲ ਯਾਤਰਾ ਕਰ ਸਕਣਗੇ। ਇਸ ਪ੍ਰਾਜੈਕਟ ਦੀ ਕੁੱਲ ਲਾਗਤ ਲਗਭਗ 20 ਕਰੋੜ ਰੁਪਏ ਦੱਸੀ ਜਾ ਰਹੀ ਹੈ। ਪਹਿਲਾਂ, ਸ਼੍ਰੀ ਨੈਣਾ ਦੇਵੀ ਦੇ ਦਰਸ਼ਨ ਕਰਨ ਵਾਲੇ ਸ਼ਰਧਾਲੂ ਇੱਥੋਂ ਮੱਥਾ ਟੇਕਣ ਤੋਂ ਬਾਅਦ ਵਾਪਸ ਆਉਂਦੇ ਸਨ ਪਰ ਕੇਬਲ ਫੈਰੀ ਸ਼ੁਰੂ ਹੋਣ ਤੋਂ ਬਾਅਦ, ਉਨ੍ਹਾਂ ਲਈ ਬਾਬਾ ਬਾਲਕ ਨਾਥ, ਦੇਵਤ ਸਿੱਧ ਜਾਣਾ ਆਸਾਨ ਹੋ ਜਾਵੇਗਾ।
ਕੇਬਲ ਫੈਰੀ ਇਕ ਕਿਸਮ ਦੀ ਕਿਸ਼ਤੀ ਹੈ ਜਿਸ ਨੂੰ ਇਕ ਮਜ਼ਬੂਤ ਕੇਬਲ ਜਾਂ ਰੱਸੀ ਦੀ ਮਦਦ ਨਾਲ ਇਕ ਕਿਨਾਰੇ ਤੋਂ ਦੂਜੇ ਕਿਨਾਰੇ ਤਕ ਖਿੱਚਿਆ ਜਾਂਦਾ ਹੈ। ਇਹ ਕੇਬਲ ਪਾਣੀ ਦੇ ਉੱਪਰ ਜਾਂ ਹੇਠਾਂ ਲਗਾਈ ਜਾਂਦੀ ਹੈ। ਇਹ ਤਕਨਾਲੋਜੀ ਭਾਰਤ ਵਿਚ ਬਹੁਤ ਘੱਟ ਥਾਵਾਂ ’ਤੇ ਦਿਖਾਈ ਦਿੰਦੀ ਹੈ। ਜਿੱਥੇ ਵੀ ਇਹ ਉਪਲਬਧ ਹੈ, ਜ਼ਿਆਦਾਤਰ ਫੈਰੀਆਂ ਬਾਲਣ ’ਤੇ ਚੱਲਦੀਆਂ ਹਨ, ਪਰ ਭਾਖੜਾ ਵਿੱਚ ਪ੍ਰਸਤਾਵਤ ਫੈਰੀ ਪੂਰੀ ਤਰ੍ਹਾਂ ਕੇਬਲ ਅਧਾਰਤ ਹੋਵੇਗੀ, ਜੋ ਇਸ ਨੂੰ ਵਾਤਾਵਰਣ ਦੇ ਦ੍ਰਿਸ਼ਟੀਕੋਣ ਤੋਂ ਵੀ ਵਿਸ਼ੇਸ਼ ਬਣਾਏਗੀ।
ਸ੍ਰੀ ਅਨੰਦਪੁਰ ਸਾਹਿਬ ਤੋਂ ਸ਼ੰਮੀ ਡਾਵਰਾ ਦੀ ਰਿਪੋਰਟ
"(For more news apart from “The country's first cable ferry will start from Gobind Sagar Lake Bhakra to Talai News , ” stay tuned to Rozana Spokesman.)
