File Photo
ਯੂਪੀ ਦੇ ਮੇਰਠ ਵਿਚ ਡਾਕਟਰ ਦੀ ਸ਼ੱਕੀ ਹਾਲਾਤ ਵਿਚ ਮੌਤ ਹੋ ਗਈ। ਮੁੱਖ ਮੈਡੀਕਲ ਅਧਿਕਾਰੀ ਡਾ. ਰਾਜ ਕੁਮਾਰ ਨੇ ਦਸਿਆ ਕਿ ਡਾ. ਆਸ਼ੀਸ਼ ਨੈਸ਼ਨਲ ਇੰਟਰ
ਮੇਰਠ, 22 ਅਪ੍ਰੈਲ : ਯੂਪੀ ਦੇ ਮੇਰਠ ਵਿਚ ਡਾਕਟਰ ਦੀ ਸ਼ੱਕੀ ਹਾਲਾਤ ਵਿਚ ਮੌਤ ਹੋ ਗਈ। ਮੁੱਖ ਮੈਡੀਕਲ ਅਧਿਕਾਰੀ ਡਾ. ਰਾਜ ਕੁਮਾਰ ਨੇ ਦਸਿਆ ਕਿ ਡਾ. ਆਸ਼ੀਸ਼ ਨੈਸ਼ਨਲ ਇੰਟਰ ਤੋਂ ਕੋਵਿਡ-19 ਡਿਊਟੀ ਕਰ ਕੇ ਸਕੂਟਰ 'ਤੇ ਮਵਾਨਾ ਅਪਣੇ ਘਰ ਜਾ ਰਹੇ ਸਨ। ਮਵਾਨਾ ਖ਼ੁਰਦ ਲਾਗੇ ਹਾਦਸੇ ਵਿਚ ਉਨ੍ਹਾਂ ਦੀ ਮੌਤ ਹੋ ਗਈ। ਉਨ੍ਹਾਂ ਦਸਿਆ ਕਿ ਇਹ ਪਤਾ ਨਹੀਂ ਲੱਗ ਸਕਿਆ ਕਿ ਹਾਦਸਾ ਕਿਵੇਂ ਵਾਪਰਿਆ?
ਉਧਰ, ਸਥਾਨਕ ਅਖ਼ਬਾਰ ਨੇ ਦਾਅਵਾ ਕੀਤਾ ਕਿ ਡਾ. ਆਸ਼ੀਸ਼ ਬੇਹੋਸ਼ੀ ਦੀ ਹਾਲਤ ਵਿਚ ਕਮਰੇ ਵਿਚ ਮਿਲੇ ਸਨ ਜਿਸ ਤੋਂ ਬਾਅਦ ਸੀਐਚਸੀ ਹਸਪਤਾਲ ਵਿਚ ਲਿਜਾਇਆ ਗਿਆ ਜਿਥੇ ਉਸ ਦੀ ਮੌਤ ਹੋ ਗਈ। ਇਕ ਹੋਰ ਅਖ਼ਬਾਰ ਮੁਤਾਬਕ ਡਾ. ਆਸ਼ੀਸ਼ ਡਿਊਟੀ ਕਰ ਕੇ ਅਪਣੇ ਘਰ ਵਾਪਸ ਜਾ ਰਹੇ ਸਨ। ਰਸਤੇ ਵਿਚ ਉਸ ਦਾ ਸਕੂਟਰ ਡਿੱਗ ਗਿਆ। ਉਸ ਦਾ ਹਸਪਤਾਲ ਵਿਚ ਇਲਾਜ ਕੀਤਾ ਗਿਆ ਜਿਥੇ ਉਸ ਦੀ ਮੌਤ ਹੋ ਗਈ। (ਏਜੰਸੀ)
