ਕਿਹਾ ਸਾਨੂੰ ਸਭ ਨੂੰ ਬਹੁਤ ਕੁਝ ਸਿੱਖਣ ਨੂੰ ਮਿਲਿਆ ਹੈ ।
ਨਵੀਂ ਦਿੱਲੀ, ਅਰਪਨ ਕੌਰ : ਦਿੱਲੀ ਧਰਨੇ ਵਿਚ ਕਿਸਾਨਾਂ ਨੇ ਨਵੀਂ ਮਿਸਾਲ ਕੀਤੀ ਪੈਦਾ ਧਰਨੇ ਵਿੱਚ ਹੀ ਸਕੂਲ ਖੋਲ੍ਹ ਕੇ ਗ਼ਰੀਬ ਬੱਚਿਆਂ ਨੂੰ ਪੜ੍ਹਾਉਣ ਦਾ ਕੰਮ ਸ਼ੁਰੂ ਕੀਤਾ। ਦਿੱਲੀ ਬਾਰਡਰ ਧਰਨੇ ਵਿੱਚ ਕਿਸਾਨਾਂ ਦੁਆਰਾ ਖੁੱਲ੍ਹੇ ਦੇ ਸਕੂਲ ਵਿੱਚ ਪੜ੍ਹਦੇ ਬੱਚਿਆਂ ਨੇ ਕਿਹਾ ਕਿ ਇਸ ਧਰਨੇ ਨੇ ਸਾਡੀ ਜ਼ਿੰਦਗੀ ਨੂੰ ਬਦਲ ਦਿੱਤਾ ਹੈ । ਸਪੋਕਸਮੈਨ ਨਾਲ ਬੱਚਿਆਂ ਨੇ ਗੱਲਬਾਤ ਕਰਦਿਆਂ ਕਿਹਾ ਕਿ
photoਇਸ ਧਰਨੇ ਵਿਚ ਸ਼ਾਮਲ ਅਧਿਆਪਕ ਸਾਨੂੰ ਹਰ ਰੋਜ਼ ਪੜ੍ਹਾਉਦੇ ਹਨ ਅਤੇ ਸਕੂਲ ਦਾ ਕੰਮ ਕਰਾਉਂਦੇ ਹਨ, ਸਾਨੂੰ ਸਭ ਨੂੰ ਅਧਿਆਕਾਂ ਤੋਂ ਬਹੁਤ ਕੁਝ ਸਿੱਖਣ ਨੂੰ ਮਿਲਿਆ ਹੈ । ਬੱਚਿਆਂ ਨੇ ਦੱਸਿਆ ਕਿ ਅਸੀਂ ਪਹਿਲਾਂ ਕਦੀ ਵੀ ਅਜਿਹੀ ਭੀੜ ਵਾਲੀ ਥਾਂ ਨਹੀਂ ਦੇਖੀ ਜਿਥੇ ਪੜ੍ਹਨ ਲਈ ਸਕੂਲ ਹੋਵੇ ਅਤੇ ਖਾਣ ਲਈ ਰੋਟੀ ਦਾ ਪ੍ਰਬੰਧ ਹੋਵੇ । ਉਨ੍ਹਾਂ ਕਿਹਾ ਕਿ ਸਾਡਾ ਇਸ ਧਰਨੇ ਵਿੱਚ ਆ ਕੇ ਬਹੁਤ ਮਨ ਲੱਗਦਾ ਹੈ ਅਤੇ ਅਸੀਂ ਸਾਰਾ ਦਿਨ ਪੜ੍ਹਦੇ ਹਨ
photoਇੱਥੇ ਹੀ ਖੇਡਦੇ ਹਾਂ। ਬੱਚਿਆਂ ਨੇ ਅਧਿਆਪਕਾਂ ਦੀ ਤਾਰੀਫ਼ ਕਰਦਿਆਂ ਕਿਹਾ ਕਿ ਸਾਨੂੰ ਅਧਿਆਪਕ ਬਹੁਤ ਹੀ ਪਿਆਰ ਨਾਲ ਪੜ੍ਹਾਉਂਦੇ ਹਨ, ਜਿਹੜੀਆਂ ਚੀਜ਼ਾਂ ਸਾਡੇ ਕੋਲ ਨਹੀਂ ਹੁੰਦੀਆਂ ਉਹ ਸਾਨੂੰ ਆਪਣੇ ਕੋਲੋਂ ਲੈ ਕੇ ਵੀ ਦਿੰਦੇ ਹਨ । ਬੱਚਿਆਂ ਨੇ ਦੱਸਿਆ ਕਿ ਜਦੋਂ ਅਸੀਂ ਇਹ ਸਾਰਾ ਕੁਝ ਆਪਣੇ ਘਰ ਜਾ ਕੇ ਦੱਸਦੇ ਹਾਂ ਤਾਂ ਸਾਡੇ ਮਾਤਾ ਪਿਤਾ ਵੀ ਸਾਨੂੰ ਧਰਨੇ ਵਿੱਚ ਭੇਜ ਦਿੰਦੇ ਹਨ ਅਤੇ ਅਸੀਂ ਇੱਥੇ ਆ ਕੇ ਆਪਣੇ ਆਪ ਨੂੰ ਸੁਰੱਖਿਅਤ ਮਹਿਸੂਸ ਕਰਦੇ ਹਾਂ।
