Agra News : ਫੌਜੀ ਕਾਰਵਾਈ ਦੇ ਸਨਮਾਨ ’ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਪੱਥਰ ਦੀ ਪੱਚੀਕਾਰੀ ਕੀਤੀ ਹੈ
Agra News in Punjabi : ਆਗਰਾ ’ਚ ਮੁਸਲਿਮ ਕਾਰੀਗਰਾਂ ਦੇ ਇਕ ਸਮੂਹ ਨੇ ਪਹਿਲਗਾਮ ਅਤਿਵਾਦੀ ਹਮਲੇ ’ਤੇ ਭਾਰਤ ਵਲੋਂ ਕੀਤੀ ਗਈ ਫੌਜੀ ਕਾਰਵਾਈ ਦੇ ਸਨਮਾਨ ’ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਪੱਥਰ ਦੀ ਪੱਚੀਕਾਰੀ ਕੀਤੀ ਹੈ।
ਟੀਮ ਦੀ ਅਗਵਾਈ ਕਰਨ ਵਾਲੇ ਇਸਰਾਰ ਨੇ ਕਲਾਕਾਰੀ ਦਾ ਵਰਣਨ ਕਰਦਿਆਂ ਕਿਹਾ, ‘‘ਪੱਚੀਕਾਰੀ ਢਾਈ ਫੁੱਟ ਲੰਮੀ ਅਤੇ ਤਿੰਨ ਫੁੱਟ ਚੌੜੀ ਹੈ। ਅਸੀਂ ਇਸ ਨੂੰ ਬਣਾਉਣ ਲਈ ਬੈਲਜੀਅਮ, ਬਰਮਾ ਅਤੇ ਸ਼੍ਰੀਲੰਕਾ ਤੋਂ ਪ੍ਰਾਪਤ ਪੱਥਰਾਂ ਦੀ ਵਰਤੋਂ ਕੀਤੀ। ਤਾਜ ਮਹਿਲ ’ਚ ਵੇਖੇ ਗਏ ਗੁੰਝਲਦਾਰ ਪੱਥਰ ਦੇ ਕੰਮ ਦੀ ਤਰ੍ਹਾਂ ਪੱਚੀਕਾਰੀ ਨੂੰ ਵੀ ਬੜੀ ਮਿਹਨਤ ਨਾਲ ਤਿਆਰ ਕੀਤਾ ਗਿਆ ਹੈ।’’ ਉਨ੍ਹਾਂ ਕਿਹਾ ਕਿ ਛੇ ਮੁਸਲਿਮ ਕਲਾਕਾਰਾਂ ਦੀ ਇਕ ਟੀਮ ਨੇ 15 ਦਿਨਾਂ ’ਚ ਪੱਚੀਕਾਰੀ ਨੂੰ ਪੂਰਾ ਕੀਤਾ।
ਪੱਚੀਕਾਰੀ ਨੂੰ ਬਣਾਉਣ ਵਾਲੇ ਅਦਨਾਨ ਸ਼ੇਖ ਨੇ ਕਿਹਾ, ‘‘ਅਸੀਂ ਆਪਰੇਸ਼ਨ ਸੰਧੂਰ ਦੇ ਸਨਮਾਨ ਵਿਚ ਇਕ ਯਾਦਗਾਰੀ ਕਲਾਕਾਰੀ ਬਣਾਉਣਾ ਚਾਹੁੰਦੇ ਸੀ ਜਿਸ ਨੇ ਪਾਕਿਸਤਾਨ ਨੂੰ ਸਬਕ ਸਿਖਾਇਆ। ਮੈਨੂੰ ਉਮੀਦ ਹੈ ਕਿ ਜਲਦੀ ਹੀ ਪ੍ਰਧਾਨ ਮੰਤਰੀ ਨੂੰ ਮਿਲਣ ਅਤੇ ਉਨ੍ਹਾਂ ਨੂੰ ਕਲਾਕਾਰੀ ਪੇਸ਼ ਕਰਨ ਲਈ ਮਿਲਣ ਦਾ ਸਮਾਂ ਮਿਲੇਗਾ।’’
(For more news apart from Tribute to Operation Sandhoor: Muslim artisans from Agra create stone portrait of PM Modi News in Punjabi, stay tuned to Rozana Spokesman)
