ਫ਼ਿਲਮੀ ਅਦਾਕਾਰ ਹੈ ਕੁਮਾਰਸਵਾਮੀ ਦੀ ਦੂਜੀ ਪਤਨੀ ਰਾਧਿਕਾ
ਨਵੀਂ ਦਿੱਲੀ, 21 ਮਈ: ਕਰਨਾਟਕ ਵਿਧਾਨ ਸਭਾ ਚੋਣਾਂ ਤੋਂ ਬਾਅਦ ਸਿਆਸਤ ਵਿਚ ਮਚੀ ਉਥਲ ਪੁੱਥਲ ਦੌਰਾਨ ਮੁੱਖ ਮੰਤਰੀ ਵਜੋਂ ਸਹੁੰ ਚੁੱਕਣ ਤੋਂ ਬਾਅਦ ਵੀ ਬੀਐਸ ਯੇਦੀਯੁਰੱਪਾ ਅਪਣਾ ਬਹੁਮਤ ਸਾਬਤ ਨਹੀਂ ਕਰ ਸਕੇ ਜਿਸ ਕਾਰਨ ਭਾਜਪਾ ਸਰਕਾਰ ਮੁੰਹ ਦੇ ਭਾਰ ਜਾ ਡਿੱਗੀ। ਇਸ ਤੋਂ ਬਾਅਦ ਜੇਡੀਐਸ ਦੇ ਮੁਖੀ ਐਚਡੀ ਕੁਮਾਰਸਵਾਮੀ ਦੇ ਮੁੱਖ ਮੰਤਰੀ ਬਣਨ ਦੀ ਸੰਭਾਵਨਾ ਹੈ।
Kumaraswamy Wife Radhikaਇਸ ਪੂਰੇ ਘਟਨਾਕ੍ਰਮ ਤੋਂ ਬਾਅਦ ਐਚਡੀ ਕੁਮਾਰਸਵਾਮੀ ਦੀ ਦੂਜੀ ਪਤਨੀ ਅਤੇ ਫ਼ਿਲਮੀ ਅਦਾਕਾਰਾ ਰਾਧਿਕਾ ਕੁਮਾਰਸਵਾਮੀ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਜਾਣਕਾਰੀ ਅਨੁਸਾਰ ਐਚਡੀ ਕੁਮਾਰਸਵਾਮੀ ਨੇ ਸਾਲ 2006 ਵਿਚ ਰਾਧਿਕਾ ਨਾਲ ਦੂਜਾ ਵਿਆਹ ਕਰਵਾਇਆ ਸੀ। ਇਸ ਦਾ ਐਲਾਨ ਖ਼ੁਦ ਰਾਧਿਕਾ ਨੇ ਕੁੱਝ ਸਾਲ ਬਾਅਦ ਕੀਤਾ ਸੀ।
Kumaraswamy Familyਇਸ ਮਾਮਲੇ 'ਚ ਹੈਰਾਨੀਜਨਕ ਗੱਲ ਇਹ ਹੈ ਕਿ ਕੁਮਾਰਸਵਮੀ ਦਾ ਪਹਿਲਾ ਵਿਆਹ 1986 ਵਿਚ ਅਨੀਤਾ ਨਾਂ ਦੀ ਮਹਿਲਾ ਨਾਲ ਹੋਇਆ ਸੀ ਅਤੇ ਇਸੇ ਸਾਲ ਰਾਧਿਕਾ ਦਾ ਜਨਮ ਹੋਇਆ ਸੀ। ਕੁਮਾਰਸਵਾਮੀ ਹੁਣ ਜਿਥੇ 58 ਸਾਲਾਂ ਦੇ ਹਨ, ਉਥੇ ਉਨ੍ਹਾਂ ਦੀ ਪਤਨੀ ਰਾਧਿਕਾ ਦੀ ਉਮਰ ਸਿਰਫ਼ 31 ਸਾਲ ਹੈ। ਸਾਲ 2006 ਵਿਚ ਜਦ ਰਾਧਿਕਾ, ਕੁਮਾਰਸਵਾਮੀ ਦੀ ਜ਼ਿੰਦਗੀ ਵਿਚ ਆਈ ਤਾਂ ਉਸ ਸਮੇਂ ਗੌੜਾ ਪਰਵਾਰ ਵਿਚ ਕਾਫ਼ੀ ਉਥਲ ਪੁਥਲ ਮਚ ਗਈ ਸੀ।
Radhikaਇਸ ਪਰਵਾਰ ਨਾਲ ਜੁੜੇ ਸੂਤਰਾਂ ਨੇ ਦਸਿਆ ਕਿ ਇਸ ਵਿਆਹ ਨੂੰ ਲੈ ਕੇ ਕੁਮਾਰਸਵਾਮੀ ਦੇ ਪਿਤਾ ਐਚਡੀ ਦੇਵੇਗੌੜਾ ਨਾਰਾਜ਼ ਸਨ ਕਿਉਂਕਿ ਕੁਮਾਰਸਵਾਮੀ ਪਹਿਲਾਂ ਤੋਂ ਵਿਆਹੇ ਹੋਏ ਸਨ ਜਿਸ ਤੋਂ ਉਨ੍ਹਾਂ ਦਾ ਇਕ ਜਵਾਨ ਬੇਟਾ ਵੀ ਸੀ। ਸੂਤਰਾਂ ਨੇ ਦਸਿਆ ਕਿ ਮੌਜੂਦਾ ਸਮੇਂ ਵਿਚ ਰਾਧਿਕਾ ਅਤੇ ਕੁਮਾਰਸਵਾਮੀ ਇਕੱਠੇ ਨਹੀਂ ਰਹਿੰਦੇ। ਕੁਮਾਰਸਵਾਮੀ ਹਾਲੇ ਵੀ ਅਪਣੀ ਪਹਿਲੀ ਪਤਨੀ ਅਨੀਤਾ ਨਾਲ ਰਹਿੰਦੇ ਹਨ।
