ਤਾਮਿਲਨਾਡੂ ’ਚ ਵਿਆਹ ਦੌਰਾਨ ਮਹਿੰਗਾਈ ਦਾ ਅਨੋਖਾ ਵਿਰੋਧ

ਚੇਨੱਈ: ਦੇਸ਼ ਵਿਚ ਲਗਾਤਾਰ ਵਧ ਰਹੀਆਂ ਤੇਲ ਦੀਆਂ ਕੀਮਤਾਂ ਨੂੰ ਲੈ ਕੇ ਹਾਹਾਕਾਰ ਮਚੀ ਹੋਈ ਹੈ। ਲਗਾਤਾਰ 12 ਦਿਨਾਂ ਤਕ ਕੀਮਤਾਂ ਵਧਣ ਤੋਂ ਬਾਅਦ ਕਈ ਥਾਵਾਂ ’ਤੇ ਪੈਟਰੋਲ ਦੀ ਕੀਮਤ 100 ਤੋਂ ਵੀ ਪਾਰ ਹੋ ਗਈ ਹੈ।

The bride and groom received a gift of petrol, gas cylinders and onions

ਪੈਟਰੋਲ ਡੀਜ਼ਲ ਹੀ ਨਹੀਂ ਬਲਕਿ ਗੈਸ ਸਿਲੰਡਰ ਦੀਆਂ ਕੀਮਤਾਂ ਵਿਚ ਵੀ ਅਥਾਹ ਵਾਧਾ ਹੋਇਆ ਹੈ, ਜਿਸ ਦਾ ਲੋਕਾਂ ਵੱਲੋਂ ਜ਼ਬਰਦਸਤ ਵਿਰੋਧ ਕੀਤਾ ਜਾ ਰਿਹਾ ਹੈ। ਤਾਮਿਲਨਾਡੂ ਵਿਚ ਇਕ ਵਿਆਹ ਦੌਰਾਨ ਵੀ ਤੇਲ ਅਤੇ ਗੈਸ ਸਿਲੰਡਰ ਦੀ ਮਹਿੰਗਾਈ ਨੂੰ ਲੈ ਕੇ ਕੁੱਝ ਲੋਕਾਂ ਵੱਲੋਂ ਅਨੋਖੇ ਤਰੀਕੇ ਨਾਲ ਵਿਰੋਧ ਕੀਤਾ ਗਿਆ। 

The bride and groom received a gift of petrol, gas cylinders and onions

ਦਰਅਸਲ ਕੁੱਝ ਲੋਕਾਂ ਨੇ ਨਵ ਵਿਆਹੇ ਜੋੜੇ ਨੂੰ ਤੋਹਫ਼ੇ ਦੇ ਰੂਪ ਵਿਚ ਪੈਟਰੋਲ, ਪਿਆਜ਼ ਅਤੇ ਗੈਸ ਸਿਲੰਡਰ ਭੇਂਟ ਕਰਕੇ ਕੇਂਦਰ ਸਰਕਾਰ ’ਤੇ ਤਿੱਖਾ ਤੰਜ ਕੀਤਾ। ਵਿਆਹ ਮੌਕੇ ਅਜਿਹਾ ਤੋਹਫ਼ਾ ਦਿੱਤੇ ਜਾਣ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ’ਤੇ ਕਾਫ਼ੀ ਜ਼ਿਆਦਾ ਵਾਇਰਲ ਹੋ ਰਿਹਾ ਹੈ। 

The bride and groom received a gift of petrol, gas cylinders and onions

 ਕੁੱਝ ਮਹਿਮਾਨਾਂ ਨੇ ਵਿਆਹੇ ਜੋੜੇ ਨੂੰ  ਸਟੇਜ  ਚੜ ਕੇ ’ਤੇ ਹੱਥ ਵਿਚ ਪੈਟਰੋਲ ਦੀ ਪੀਪੀ, ਗੈਸ ਸਿਲੰਡਰ ਅਤੇ ਹੱਥ ਵਿਚ ਪਿਆਜ ਦੀ ਬਣਾਈ ਹੋਈ ਮਾਲਾ  ਫੜਾਈ। ਇਸ ਤੋਂ ਪਹਿਲਾਂ ਵੀ ਅਨੋਖੇ ਤਰੀਕੇ ਨਾਲ ਮਹਿੰਗਾਈ ਦਾ ਵਿਰੋਧ ਕੀਤੇ ਜਾਣ ਦੀਆਂ ਵੀਡੀਓ ਸਾਹਮਣੇ ਆ ਚੁੱਕੀਆਂ ਹਨ।

The bride and groom received a gift of petrol, gas cylinders and onions

ਕੁੱਝ ਦਿਨ ਪਹਿਲਾਂ ਇਕ ਵਿਅਕਤੀ ਵੱਲੋਂ ਪੈਟਰੋਲ ਡੀਜ਼ਲ ਕੀਮਤਾਂ ’ਤੇ ਤਿੱਖਾ ਤੰਜ ਕੀਤਾ ਗਿਆ ਸੀ, ਜਿਸ ਵਿਚ ਉਸ ਨੇ ਵਿਅਕਤੀ ਵੱਲੋਂ ਪੀਐਮ ਮੋਦੀ ਦੀ ਮਮਿੱਕਰੀ ਕਰਦਿਆਂ ਤੇਲ ਕੀਮਤਾਂ ਵਿਚਲੇ ਵਾਧੇ ਨੂੰ ਦੇਸ਼ ਲਈ ਮਾਣ ਵਾਲੀ ਗੱਲ ਦੱਸਿਆ ਗਿਆ ਸੀ।

The bride and groom received a gift of petrol, gas cylinders and onions

ਦਰਅਸਲ ਲਗਾਤਾਰ ਵਧ ਰਹੀ ਮਹਿੰਗਾਈ ਨੇ ਲੋਕਾਂ ਦਾ ਬਜਟ ਹਿਲਾ ਕੇ ਰੱਖ ਦਿੱਤਾ ਹੈ ਪਰ ਕੇਂਦਰ ਸਰਕਾਰ ਇਸ ਦੇ ਬਾਵਜੂਦ ਮਹਿੰਗਾਈ ਘੱਟ ਕਰਨ ਦਾ ਨਾਮ ਨਹੀਂ ਲੈ ਰਹੀ। ਹੁਣ ਜਦੋਂ ਲੋਕਾਂ ਵੱਲੋਂ ਮਹਿੰਗਾਈ ਦਾ ਜ਼ਬਰਦਸਤ ਵਿਰੋਧ ਕੀਤਾ ਜਾ ਰਿਹੈ ਤਾਂ ਦੇਖਣਾ ਹੋਵੇਗਾ ਕਿ ਸਰਕਾਰ ਇਸ ’ਤੇ ਕੋਈ ਕਾਬੂ ਕਰਦੀ ਹੈ ਜਾਂ ਨਹੀਂ।