ਨਾਗਰਿਕਤਾ ਸੋਧ ਕਾਨੂੰਨ ਅਤੇ ਐਨਆਰਸੀ ਨੂੰ ਲੈ ਕੇ ਪੂਰੇ ਦੇਸ਼ ਵਿਚ ਪ੍ਰਦਰਸ਼ਨ ਜਾਰੀ ਹਨ।
ਨਵੀਂ ਦਿੱਲੀ: ਨਾਗਰਿਕਤਾ ਸੋਧ ਕਾਨੂੰਨ ਅਤੇ ਐਨਆਰਸੀ ਨੂੰ ਲੈ ਕੇ ਪੂਰੇ ਦੇਸ਼ ਵਿਚ ਪ੍ਰਦਰਸ਼ਨ ਜਾਰੀ ਹਨ। ਭਾਜਪਾ ਸਰਕਾਰ ‘ਤੇ ਇਲਜ਼ਾਮ ਲਗਾਏ ਜਾ ਰਹੇ ਹਨ ਕਿ ਸਰਕਾਰ ਨਾਗਰਿਕਤਾ ਸੋਧ ਕਾਨੂੰਨ ਅਤੇ ਐਨਆਰਸੀ ਰਾਹੀਂ ਇਕ ਧਰਮ ਨੂੰ ਨਿਸ਼ਾਨਾ ਬਣਾ ਰਹੀ ਹੈ। ਭਾਜਪਾ ਦਾ ਕਹਿਣਾ ਹੈ ਕਿ ਕਿਸੇ ਵੀ ਭਾਰਤੀ ਨਾਗਰਿਕ ਨੂੰ ਘਬਰਾਉਣ ਦੀ ਲੋੜ ਨਹੀਂ ਹੈ।
ਅਮਿਤ ਸ਼ਾਹ ਨੇ ਖੁਦ ਵੀ ਇਹੀ ਕਿਹਾ ਹੈ। ਇਸ ਦੇ ਨਾਲ ਹੀ ਸਰਕਾਰ ਦਾ ਵੀ ਇਹੀ ਕਹਿਣਾ ਹੈ ਕਿ ਦੇਸ਼ਭਰ ਵਿਚ ਐਨਆਰਸੀ ਲਾਗੂ ਕਰਨ ਦੀ ਵੀ ਕੋਈ ਤੁਰੰਤ ਯੋਜਨਾ ਨਹੀਂ ਹੈ। ਅਮਿਤ ਸ਼ਾਹ ਦੇ ਬਿਆਨ ਦਾ ਇਕ ਟਵੀਟ ਕਾਫੀ ਵਾਇਰਲ ਹੋ ਰਿਹਾ ਹੈ। ਇਹ ਟਵੀਟ 11 ਅਪ੍ਰੈਲ ਦਾ ਹੈ। ਜਿਸ ਵਿਚ ਕਿਹਾ ਗਿਆ ਸੀ ਕਿ ਅਸੀਂ ਦੇਸ਼ ਭਰ ਵਿਚ ਐਨਆਰਸੀ ਲਾਗੂ ਕਰਾਂਗੇ ਅਤੇ ਬੁੱਧ, ਸਿੱਖ ਅਤੇ ਹਿੰਦੂਆਂ ਨੂੰ ਛੱਡ ਕੇ ਇਕ-ਇਕ ਘੁਸਪੈਠੀਏ ਨੂੰ ਦੇਸ਼ ਵਿਚੋਂ ਮਿਟਾ ਦੇਵਾਂਗੇ।
Hey @amitmalviya why has @BJP4India bravely deleted this tweet ?
— Thakursahab (@65thakursahab) December 19, 2019
Did @AmitShah personally approve the move to delete the tweet ?
Or is this just another Savarkar ?#CAA_NRC pic.twitter.com/9vgiIBhvSQ
ਇਹ ਟਵੀਟ ਭਾਜਪਾ ਦੇ ਅਧਿਕਾਰਕ ਟਵਿਟਰ ਹੈਂਡਲ ਤੋਂ ਕੀਤਾ ਗਿਆ ਸੀ। ਜਿਸ ਸਮੇਂ ਇਹ ਟਵੀਟ ਕੀਤਾ ਗਿਆ ਸੀ, ਉਸ ਸਮੇਂ ਲੋਕ ਸਭਾ ਚੋਣਾਂ ਦਾ ਪ੍ਰਚਾਰ ਚੱਲ ਰਿਹਾ ਸੀ ਪਰ ਜੇਕਰ ਹੁਣ ਇਸ ਬਿਆਨ ਨੂੰ ਖੋਜਿਆ ਜਾਵੇ ਤਾਂ ਇਹ ਬਿਆਨ ਨਹੀਂ ਮਿਲੇਗਾ। ਇਸ ਟਵੀਟ ‘ਤੇ ਲੋਕ ਭਾਜਪਾ ਦੇ ਆਈਟੀ ਸੈੱਲ ਦੇ ਮੁਖੀ ਅਮਿਤ ਮਾਲਵੀਅ ਨੂੰ ਪੁੱਛ ਰਹੇ ਹਨ ਕਿ, ‘ਸਾਹਿਬ ਕਿਉਂ ਅਤੇ ਕਿਸ ਦੇ ਕਹਿਣ ‘ਤੇ ਇਹ ਟਵੀਟ ਡਿਲੀਟ ਕੀਤਾ?
