ਕੋਰੇਗਾਂਵ ਹਿੰਸਾ ਮਾਮਲੇ ਵਿਚ ਬਾਂਬੇ ਹਾਈ ਕੋਰਟ ਨੇ ਕਾਰਕੁਨ ਆਨੰਦ ਤੇਲਤੁੰਬੜੇ ਨੂੰ ਵੱਡੀ ਰਾਹਤ ਦਿਤੀ ਹੈ। ਕੋਰਟ ਨੇ ਉਨ੍ਹਾਂ ਦੀ ਗ੍ਰਿਫਤਾਰੀ 'ਤੇ 26 ਅਕਤੂਬ...
ਭੀਮਾ - ਕੋਰੇਗਾਂਵ : (ਭਾਸ਼ਾ) ਕੋਰੇਗਾਂਵ ਹਿੰਸਾ ਮਾਮਲੇ ਵਿਚ ਬਾਂਬੇ ਹਾਈ ਕੋਰਟ ਨੇ ਕਾਰਕੁਨ ਆਨੰਦ ਤੇਲਤੁੰਬੜੇ ਨੂੰ ਵੱਡੀ ਰਾਹਤ ਦਿਤੀ ਹੈ। ਕੋਰਟ ਨੇ ਉਨ੍ਹਾਂ ਦੀ ਗ੍ਰਿਫਤਾਰੀ 'ਤੇ 26 ਅਕਤੂਬਰ ਤੱਕ ਲਈ ਪਾਬੰਦੀ ਲਗਾ ਦਿਤੀ ਹੈ। ਪੁਣੇ ਪੁਲਿਸ ਨੇ ਉਨ੍ਹਾਂ ਦੇ ਮਾਓਵਾਦੀਆਂ ਨਾਲ ਤਾਰ ਜੁਡ਼ੇ ਹੋਣ ਦਾ ਇਲਜ਼ਾਮ ਲਗਾਉਂਦੇ ਹੋਏ ਮਾਮਲਾ ਦਰਜ ਕੀਤਾ ਹੈ। ਆਨੰਦ ਤੇਲਤੁੰਬੜੇ 'ਤੇ ਮਾਓਵਾਦੀਆਂ ਨਾਲ ਸਬੰਧ ਹੋਣ ਦੇ ਇਲਜ਼ਾਮ ਵਿਚ ਮਹਾਰਾਸ਼ਟਰ ਦੀ ਪੁਣੇ ਪੁਲਿਸ ਨੇ ਮਾਮਲਾ ਦਰਜ ਕੀਤਾ ਸੀ। ਆਨੰਦ ਤੇਲਤੁੰਬੜੇ ਦੇ ਭਰਾ ਭੌਰਾ ਤੇਲਤੁੰਬੜੇ ਪ੍ਰਤੀਬੰਧਿਤ ਸੰਗਠਨ ਭਾਰਤੀ ਕੰਮਿਉਨਿਸਟ ਪਾਰਟੀ (ਮਾਓਵਾਦੀ) ਦੇ ਸੀਨੀਅਰ ਮੈਂਬਰ ਹਨ।
Activist Anand Teltumbde
ਆਨੰਦ ਤੇਲਤੁੰਬੜੇ ਦਲਿਤ ਵਿਚਾਰਕ ਹਨ। ਪੁਣੇ ਦੇ ਭੀਮਾ ਕੋਰੇਗਾਂਵ ਲੜਾਈ ਦੀ ਵਰ੍ਹੇ ਗੰਢ ਤੋਂ ਬਾਅਦ ਹੋਈ ਹਿੰਸਾ ਵਿਚ ਕਈ ਬੁੱਧਿਜੀਵੀਆਂ ਨੂੰ ਪੁਣੇ ਪੁਲਿਸ ਨੇ ਇਸ ਸਾਲ 1 ਜਨਵਰੀ ਨੂੰ ਹਿਰਾਸਤ ਵਿਚ ਲਿਆ ਸੀ। ਪੁਣੇ ਪੁਲਿਸ ਨੇ ਦੇਸ਼ ਦੇ ਵੱਖਰੇ ਸ਼ਹਿਰਾਂ ਵਿਚ ਇਕੱਠੇ ਛਾਪਾ ਮਾਰ ਕੇ ਸਮਾਜਿਕ ਕਰਮਚਾਰੀ ਗੌਤਮ ਨਵਲਖਾ, ਸੁਧਾ ਭਾਰਦਵਾਜ, ਵਰਵਰ ਰਾਵ ਅਤੇ ਵਰਨਾਨ ਗੋਂਸਾਲਵਿਸ ਆਦਿ ਨੂੰ ਗ੍ਰਿਫਤਾਰ ਕਰ ਲਿਆ ਸੀ। ਮਾਮਲੇ 'ਤੇ ਸੁਪਰੀਮ ਕੋਰਟ ਨੇ ਸਾਰੇ ਆਰੋਪੀਆਂ ਨੂੰ ਅੰਤਮ ਫੈਸਲੇ ਤੱਕ ਉਨ੍ਹਾਂ ਦੇ ਘਰਾਂ ਵਿਚ ਨਜ਼ਰਬੰਦ ਰੱਖਣ ਦਾ ਆਦੇਸ਼ ਦਿਤਾ ਸੀ।
ਉਥੇ ਹੀ, ਇਸ ਮਾਮਲੇ ਵਿਚ ਗ੍ਰਿਫ਼ਤਾਰ ਕੀਤੇ ਗਏ ਸਮਾਜਕ ਕਰਮਚਾਰੀ ਗੌਤਮ ਨਵਲਖਾ ਨੇ ਅਪਣੇ ਵਿਰੁਧ ਦਰਜ ਮਾਮਲੇ ਨੂੰ ਖਾਰਿਜ ਕਰਨ ਦੀ ਅਪੀਲ ਬਾਂਬੇ ਹਾਈ ਕੋਰਟ ਵਿਚ ਕੀਤੀ ਹੈ। ਇਸ ਮਹੀਨੇ ਦੀ ਸ਼ੁਰੂਆਤ ਵਿਚ ਹਾਈਕੋਰਟ ਵਿਚ ਦਰਜ ਅਪਣੀ ਪਟੀਸ਼ਨ ਵਿਚ ਨਵਲਖਾ ਨੇ ਪੁਣੇ ਪੁਲਿਸ ਵਲੋਂ ਉਨ੍ਹਾਂ ਦੇ ਵਿਰੁਧ ਦਰਜ ਐਫਆਈਆਰ ਨੂੰ ਖਾਰਿਜ ਕਰਨ ਦੀ ਬੇਨਤੀ ਕੀਤੀ ਹੈ। ਪੁਣੇ ਪੁਲਿਸ ਨੇ ਦਾਅਵਾ ਕੀਤਾ ਸੀ ਕਿ ਆਰੋਪੀਆਂ ਕੋਲੋਂ ਜ਼ਬਤ ਕੀਤੇ ਗਏ ਦਸਤਾਵੇਜ਼ਾਂ ਨਾਲ ਉਨ੍ਹਾਂ ਦੇ ਮਾਓਵਾਦੀ ਨੇਤਾਵਾਂ ਦੇ ਨਾਲ ਸੰਪਰਕ ਹੋਣ ਦਾ ਖੁਲਾਸਾ ਹੋਇਆ ਹੈ।
Arresting of Five Activist
28 ਅਗਸਤ ਨੂੰ ਪੰਜ ਕਰਮਚਾਰੀਆਂ ਨੂੰ ਇਕ ਐਫਆਈਆਰ ਤੋਂ ਬਾਅਦ ਗ੍ਰਿਫਤਾਰ ਕੀਤਾ ਗਿਆ ਸੀ। ਪਿਛਲੇ ਸਾਲ 31 ਦਸੰਬਰ ਨੂੰ ‘ਯੇਲਗਾਰ ਪਰਿਸ਼ਦ’ ਆਯੋਜਿਤ ਹੋਈ ਸੀ, ਜਿਸ ਦੇ ਨਾਲ ਪੁਣੇ ਵਿਚ ਕੋਰੇਗਾਂਵ - ਭੀਮਾ ਪਿੰਡ ਵਿਚ ਹਿੰਸਾ ਭੜਕੀ ਸੀ। ਇਸ ਤੋਂ ਬਾਅਦ ਇਹ ਐਫਆਈਆਰ ਦਰਜ ਕੀਤੀ ਗਈ ਸੀ।
