ਕਿਹਾ - ਸਨਮਾਨ ਲਵਾਂਗੇ ਪਰ ਰਾਸ਼ੀ ਨਹੀਂ ਕਿਉਂਕਿ ਕਿਸੇ ਤਰ੍ਹਾਂ ਦਾ ਦਾਨ ਨਾ ਲੈਣਾ ਸਾਡਾ ਸਿਧਾਂਤ ਹੈ
ਨਵੀਂ ਦਿੱਲੀ - ਗੋਰਖਪੁਰ ਆਧਾਰਤ ਗੀਤਾ ਪ੍ਰੈੱਸ ਜੋ ਕਿ ਹਿੰਦੂ ਧਾਰਮਿਕ ਕਿਤਾਬਾਂ ਦੀ ਦੁਨੀਆਂ ਦੀ ਸਭ ਤੋਂ ਵੱਡੀ ਪ੍ਰਕਾਸ਼ਕ ਹੈ, ਉਸ ਨੇ ਇਸ ਵੱਕਾਰੀ ਗਾਂਧੀ ਸ਼ਾਂਤੀ ਪੁਰਸਕਾਰ ਲਈ ਚੋਣ ਹੋਣ ਤੋਂ ਬਾਅਦ ਸ਼ੁਰੂ ਹੋਏ ਸਿਆਸੀ ਵਿਵਾਦ ਮਗਰੋਂ ਪੁਰਸਕਾਰ ਤਹਿਤ ਮਿਲਣ ਵਾਲੀ ਇਕ ਕਰੋੜ ਦੀ ਨਕਦ ਰਾਸ਼ੀ ਲੈਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਪੁਰਸਕਾਰ ਦਾ ਐਲਾਨ ਹੋਣ ਤੋਂ ਬਾਅਦ ਐਤਵਾਰ ਨੂੰ ਦੇਰ ਸ਼ਾਮ ਬੈਠੇ ਪ੍ਰੈੱਸ ਦੇ ਟਰੱਸਟੀ ਬੋਰਡ ਨੇ ਅੱਜ ਕਿਹਾ ਕਿ ਪ੍ਰੈੱਸ ਨੂੰ ਇਹ ਵੱਕਾਰੀ ਪੁਰਸਕਾਰ ਮਿਲਣਾ ਕਾਫ਼ੀ ਮਾਣ ਵਾਲੀ ਗੱਲ ਹੈ ਪਰ ਪ੍ਰੈੱਸ ਵੱਲੋਂ ਪੁਰਸਕਾਰ ਤਹਿਤ ਮਿਲਣ ਵਾਲੀ ਇਕ ਕਰੋੜ ਦੀ ਨਕਦ ਰਾਸ਼ੀ ਨਹੀਂ ਲਈ ਜਾਵੇਗੀ।
ਟਰੱਸਟੀ ਬੋਰਡ ਨੇ ਇਸ ਪੁਰਸਕਾਰ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਸਭਿਆਚਾਰਕ ਮਾਮਲਿਆਂ ਬਾਰੇ ਕੇਂਦਰੀ ਮੰਤਰੀ ਦਾ ਧੰਨਵਾਦ ਕੀਤਾ। ਗੀਤਾ ਪ੍ਰੈਸ ਦੇ ਮੈਨੇਜਰ ਲਾਲਮਨੀ ਤ੍ਰਿਪਾਠੀ ਨੇ ਗੋਰਖਪੁਰ ਵਿਚ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਕਿਹਾ, “ਇਹ ਮਾਣ ਵਾਲੀ ਗੱਲ ਹੈ ਕਿ ਪ੍ਰੈੱਸ ਨੂੰ ਇਹ ਪੁਰਸਕਾਰ ਮਿਲ ਰਿਹਾ ਹੈ ਪਰ ਕਿਸੇ ਤਰ੍ਹਾਂ ਦਾ ਦਾਨ ਨਾ ਲੈਣਾ ਸਾਡਾ ਸਿਧਾਂਤ ਹੈ, ਇਸ ਲਈ ਟਰੱਸਟੀ ਬੋਰਡ ਨੇ ਨਕਦ ਇਨਾਮ ਦੀ ਰਾਸ਼ੀ ਲੈਣ ਤੋਂ ਇਨਕਾਰ ਕੀਤਾ ਹੈ।
