ਇਸ ਮਿਊਜ਼ੀਅਮ ਵਿਚ 40 ਤੋਂ ਵੱਧ ਗੈਲਰੀਆਂ ਹਨ ਜਿਹਨਾਂ ਵਿਚ ਭਾਰਤੀ ਸਿਨੇਮਾ ਦੀ ਸੰਪੂਰਨ ਤਸਵੀਰ ਨੂੰ ਪੇਸ਼ ਕੀਤਾ ਗਿਆ ਹੈ।
ਮੁੰਬਈ : ਪੀਐਮ ਮੋਦੀ ਨੇ ਮੁੰਬਈ ਵਿਖੇ ਨੈਸ਼ਨਲ ਮਿਊਜ਼ੀਅਮ ਆਫ ਇੰਡੀਅਨ ਸਿਨੇਮਾ ਦੀ ਨਵੀਂ ਇਮਾਰਤ ਦਾ ਉਦਘਾਟਨ ਕੀਤਾ। ਇਸ ਮੌਕੇ ਪੀਐਮ ਮੋਦੀ ਨੇ ਕਿਹਾ ਕਿ ਫਿਲਮਾਂ ਅਤੇ ਸਮਾਜ ਦੋਵੇਂ ਇਕ ਦੂਜੇ ਦਾ ਅਕਸ ਹਨ। ਜੋ ਕੁਝ ਸਮਾਜ ਵਿਚ ਵਾਪਰਦਾ ਹੈ, ਉਸੇ ਨੂੰ ਹੀ ਫਿਲਮ ਵਿਚ ਕਹਾਣੀ ਰਾਹੀਂ ਪੇਸ਼ ਕੀਤਾ ਜਾਂਦ ਹੈ। ਪੀਐਮ ਨੇ ਕਿਹਾ ਕਿ ਪਹਿਲਾਂ ਦੀਆਂ ਫਿਲਮਾਂ ਵਿਚ ਸਿਰਫ ਗਰੀਬੀ ਅਤੇ ਬਿਚਾਰਗੀ ਹੀ ਦਿਖਾਈ ਜਾਂਦੀ ਸੀ,
PM Modi
ਪਰ ਹੁਣ ਸਾਡੇ ਕੋਲ ਅਜਿਹੀਆਂ ਫਿਲਮਾਂ ਹਨ ਜਿਹਨਾਂ ਵਿਚ ਸਮੱਸਿਆਵਾਂ ਤਾਂ ਹਨ ਪਰ ਨਾਲ ਹੀ ਉਹਨਾਂ ਸਮੱਸਿਆਵਾਂ ਦਾ ਹੱਲ ਵੀ ਦਰਸਾਇਆ ਗਿਆ ਹੁੰਦਾ ਹੈ। ਮੋਦੀ ਨੇ ਕਿਹਾ ਕਿ ਭਾਰਤ ਦੀਆਂ ਫਿਲਮਾਂ ਵਿਦੇਸ਼ਾਂ ਵਿਚ ਵੀ ਸ਼ੌਂਕ ਨਾਲ ਦੇਖੀਆਂ ਜਾਂਦੀਆਂ ਹਨ। 140 ਕਰੋੜ ਦੀ ਲਾਗਤ ਨਾਲ ਤਿਆਰ ਕੀਤੇ ਗਏ ਇਸ ਮਿਊਜ਼ੀਅਮ ਦਾ ਟੀਚਾ ਸੈਲਾਨੀਆਂ ਨੂੰ ਭਾਰਤੀ ਸਿਨੇਮਾ ਦੀ ਹੁਣ ਤੱਕ ਦੀ ਸਾਰੀ ਜਾਣਕਾਰੀ ਮੁਹੱਈਆ ਕਰਵਾਉਣਾ ਹੈ।
Indian Cinema
ਮਿਊਜ਼ੀਅਮ ਦੇ ਇੱਕ ਹਿੱਸੇ ਵਿਚ ਗਾਂਧੀ ਗੈਲਰੀ ਵੀ ਬਣਾਈ ਗਈ ਹੈ। ਜਿਥੇ ਮਹਾਤਮਾ ਗਾਂਧੀ ਅਤੇ ਉਹਨਾਂ ਦੇ ਦਰਸ਼ਨ 'ਤੇ ਆਧਾਰਿਤ ਫਿਲਮਾਂ ਦੀ ਪ੍ਰਦਰਸ਼ਨੀ ਲਗੀ ਹੋਈ ਹੈ। ਇਸ ਮਿਊਜ਼ੀਅਮ ਵਿਚ 40 ਤੋਂ ਵੱਧ ਗੈਲਰੀਆਂ ਹਨ ਜਿਹਨਾਂ ਵਿਚ ਭਾਰਤੀ ਸਿਨੇਮਾ ਦੀ ਸੰਪੂਰਨ ਤਸਵੀਰ ਨੂੰ ਪੇਸ਼ ਕੀਤਾ ਗਿਆ ਹੈ। ਇਹ ਇਮਾਰਤ ਲਗਭਗ 8000 ਵਰਗ ਮੀਟਰ ਵਿਚ ਫੈਲੀ ਹੈ।
