Delhi News : ਹਾਲਾਂਕਿ ਪਹਿਲਾਂ ਆਰਡਰ ਕੀਤੀਆਂ ਗਈਆਂ ਖੇਪਾਂ ਅਜੇ ਵੀ ਪਹੁੰਚਣਗੀਆਂ, ਸੇਬ ਜਾਂ ਹੋਰ ਉਤਪਾਦਾਂ ਦਾ ਕੋਈ ਹੋਰ ਵਪਾਰ ਅੱਗੇ ਨਹੀਂ ਹੋਵੇਗਾ।’’
Delhi News in Punjabi : ਏਸ਼ੀਆ ਦੀ ਫਲਾਂ ਅਤੇ ਸਬਜ਼ੀਆਂ ਦੀ ਸੱਭ ਤੋਂ ਵੱਡੀ ਥੋਕ ਮੰਡੀ ਆਜ਼ਾਦਪੁਰ ਮੰਡੀ ਨੇ ਮੌਜੂਦਾ ਕੂਟਨੀਤਕ ਸਥਿਤੀ ਦਾ ਹਵਾਲਾ ਦਿੰਦੇ ਹੋਏ ਤੁਰਕੀ ਤੋਂ ਸੇਬ ਦੀ ਆਯਾਤ ਬੰਦ ਕਰਨ ਦਾ ਫ਼ੈਸਲਾ ਕੀਤਾ ਹੈ। ਆਜ਼ਾਦਪੁਰ ਫਲ ਮੰਡੀ ਦੇ ਚੇਅਰਮੈਨ ਮੀਠਾ ਰਾਮ ਕ੍ਰਿਪਲਾਨੀ ਨੇ ਕਿਹਾ, ‘‘ਅਸੀਂ ਤੁਰਕੀ ਤੋਂ ਸੇਬਾਂ ਦੀ ਸਾਰੀ ਨਵੀਂ ਆਯਾਤ ਬੰਦ ਕਰਨ ਦਾ ਫੈਸਲਾ ਕੀਤਾ ਹੈ। ਹਾਲਾਂਕਿ ਪਹਿਲਾਂ ਆਰਡਰ ਕੀਤੀਆਂ ਗਈਆਂ ਖੇਪਾਂ ਅਜੇ ਵੀ ਪਹੁੰਚਣਗੀਆਂ, ਸੇਬ ਜਾਂ ਹੋਰ ਉਤਪਾਦਾਂ ਦਾ ਕੋਈ ਹੋਰ ਵਪਾਰ ਅੱਗੇ ਨਹੀਂ ਹੋਵੇਗਾ।’’ ਕ੍ਰਿਪਲਾਨੀ ਨੇ ਕਿਹਾ ਕਿ ਸਥਿਤੀ ਦੀ ਧਿਆਨਪੂਰਵਕ ਸਮੀਖਿਆ ਤੋਂ ਬਾਅਦ ਇਹ ਫੈਸਲਾ ਲਿਆ ਗਿਆ ਹੈ ਅਤੇ ਭਵਿੱਖ ’ਚ ਕੋਈ ਨਵਾਂ ਆਰਡਰ ਨਹੀਂ ਦਿਤਾ ਜਾਵੇਗਾ।
ਕ੍ਰਿਪਲਾਨੀ ਅਨੁਸਾਰ ਆਜ਼ਾਦਪੁਰ ਮੰਡੀ ਨੇ ਲੰਮੇ ਸਮੇਂ ਤੋਂ ਤੁਰਕੀ ਦੇ ਸੇਬਾਂ ਨੂੰ ਤਰਜੀਹ ਦਿਤੀ ਸੀ ਅਤੇ 2024 ’ਚ ਆਯਾਤ 1.16 ਲੱਖ ਟਨ ਤਕ ਪਹੁੰਚ ਗਈ ਸੀ। ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਭਾਰਤ ਪ੍ਰਤੀ ਤੁਰਕੀ ਦੇ ਰਵੱਈਏ ’ਚ ਹਾਲੀਆ ਘਟਨਾਵਾਂ ਨੇ ਨਿਰਾਸ਼ਾ ਪੈਦਾ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਇਹ ਕਦਮ ਮੰਡੀ ਦੀ ਸੋਰਸਿੰਗ ਰਣਨੀਤੀ ਵਿਚ ਇਕ ਮਹੱਤਵਪੂਰਣ ਤਬਦੀਲੀ ਨੂੰ ਦਰਸਾਉਂਦਾ ਹੈ ਕਿਉਂਕਿ ਇਹ ਆਉਣ ਵਾਲੇ ਮਹੀਨਿਆਂ ਵਿਚ ਸੇਬ ਆਯਾਤ ਕਰਨ ਲਈ ਵਿਕਲਪਕ ਸਪਲਾਇਅਰਾਂ ਦੀ ਭਾਲ ਕਰਨਾ ਚਾਹੁੰਦਾ ਹੈ।
ਦਿੱਲੀ ਭਰ ਦੇ ਵਪਾਰੀ ਤੁਰਕੀ ਦੇ ਸਾਮਾਨ ਦੀ ਆਯਾਤ ਅਤੇ ਮਾਰਕੀਟਿੰਗ ’ਤੇ ਪਾਬੰਦੀ ਲਗਾਉਣ ਦੀ ਮੰਗ ਕਰ ਰਹੇ ਹਨ। ਦਿੱਲੀ ਵਪਾਰੀ ਸੰਗਠਨਾਂ ਅਨੁਸਾਰ ਤੁਰਕੀ ਦਾ ਭਾਰਤ ਪ੍ਰਤੀ ਤਾਜ਼ਾ ਸਿਆਸੀ ਰੁਖ ਅਸਵੀਕਾਰਯੋਗ ਹੈ ਅਤੇ ਇਸ ਨੇ ਕੌਮੀ ਭਾਵਨਾਵਾਂ ਨੂੰ ਠੇਸ ਪਹੁੰਚਾਈ ਹੈ।
(For more news apart from Delhi fruit traders decide to stop import of apples from Turkey News in Punjabi, stay tuned to Rozana Spokesman)
