ਜੇਕਰ ਤੁਹਾਡੀ ਜਾਣਕਾਰੀ ਦੇ ਬਿਨਾਂ ਤੁਹਾਡੇ ਬੈਂਕ ਅਕਾਊਟ ਵਿਚ ਰਾਤੋਂ-ਰਾਤ 25 ਹਜਾਰ ਰੁਪਏ ਜਮਾਂ....
ਨਵੀਂ ਦਿੱਲੀ : ਜੇਕਰ ਤੁਹਾਡੀ ਜਾਣਕਾਰੀ ਦੇ ਬਿਨਾਂ ਤੁਹਾਡੇ ਬੈਂਕ ਅਕਾਊਟ ਵਿਚ ਰਾਤੋਂ-ਰਾਤ 25 ਹਜਾਰ ਰੁਪਏ ਜਮਾਂ ਹੋ ਜਾਣ ਤਾਂ ਤੁਹਾਡਾ ਅੰਦਾਜ਼ ਕਿਵੇਂ ਦਾ ਹੋਵੇਗਾ? ਸਾਫ਼ ਗੱਲ ਹੈ ਕਿ ਤੁਸੀਂ ਇਸ ਤੋਂ ਹੈਰਾਨ ਹੀ ਹੋਵੋਗੇ। ਕੁੱਝ ਅਜਿਹੀ ਹੀ ਹੈਰਾਨੀ ਵਿਚ ਪੰਛਮ ਬੰਗਾਲ ਦੇ ਬਰਧਮਾਨ ਜਿਲ੍ਹੇ ਦੇ ਲੋਕ ਵੀ ਹਨ ਜਿਥੇ ਦੇ 3 ਬੈਂਕਾਂ ਦੇ ਖਾਤਾ ਅਕਾਊਟ ਵਿਚ ਕਿਸੇ ਅਣਜਾਣ ਸ਼ਖਸ ਨੇ 25-25 ਹਜਾਰ ਰੁਪਏ ਜਮਾਂ ਕਰਾ ਦਿਤੇ ਹਨ।
United Bank
ਪੂਰਵੀ ਬਰਧਮਾਨ ਜਿਲ੍ਹੇ ਦੀ ਕੇਤੂਗਰਾਮ 2 ਨੰਬਰ ਪੰਚਾਇਤ ਕਮੇਟੀ ਦੇ ਸ਼ਿਬਲੂਨ, ਬੇਲੂਨ, ਟੋਲਾਬਾੜੀ, ਸੇਨਪਾੜਾ, ਅੰਬਾਲਗਰਾਮ, ਨਬਗਰਾਮ ਅਤੇ ਗੰਗਾਟੀਕੁਰੀ ਵਰਗੇ ਕਈ ਇਲਾਕੀਆਂ ਵਿਚ ਲੋਕਾਂ ਦੇ ਬੈਂਕ ਖਾਤੀਆਂ ਵਿਚ ਪੈਸੇ ਜਮਾਂ ਹੋ ਚੁੱਕੇ ਹਨ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਅਜਿਹਾ ਇਕ ਵਾਰ ਨਹੀਂ ਸਗੋਂ 2-2 ਵਾਰ ਹੋਇਆ ਹੈ। ਜਿੰਨੇ ਵੀ ਲੋਕਾਂ ਨੂੰ ਪੈਸੇ ਮਿਲੇ ਹਨ ਉਨ੍ਹਾਂ ਦੇ ਖਾਤੀਆਂ ਵਿਚ 10 ਹਜ਼ਾਰ ਜਾਂ 25 ਹਜ਼ਾਰ ਤੱਕ ਦੀ ਰਕਮ ਆਈ ਹੈ। ਇਹ ਪੈਸੇ ਉਨ੍ਹਾਂ ਲੋਕਾਂ ਨੂੰ ਮਿਲੇ ਹਨ ਜਿਨ੍ਹਾਂ ਦਾ ਖਾਤਾ ਯੂਕੋ ਬੈਂਕ, ਯੂਨਾਇਟੈਡ ਬੈਂਕ ਆਫ਼ ਇੰਡੀਆ ਅਤੇ ਐਸਬੀਆਈ ਵਿਚ ਹੈ।
SBI bank
ਮੀਡੀਆ ਰਿਪੋਰਟਸ ਦੇ ਮੁਤਾਬਕ ਬੈਂਕਾਂ ਤੋਂ ਇਸ ਬਾਰੇ ਵਿਚ ਪੁੱਛਿਆ ਗਿਆ ਤਾਂ ਉਨ੍ਹਾਂ ਨੂੰ ਵੀ ਇਸ ਦਾ ਕੋਈ ਅੰਦਾਜਾ ਨਹੀਂ ਹੈ। ਤੁਹਾਨੂੰ ਦੱਸ ਦਈਏ ਜਦੋਂ ਲੋਕਾਂ ਦੇ ਖਾਤੀਆਂ ਵਿਚ ਪੈਸੇ ਆਏ ਹਨ, ਬੈਂਕ ਦੇ ਬਾਹਰ ਲੋਕਾਂ ਦੀਆਂ ਲੰਬੀਆਂ ਲਾਈਨਾਂ ਲੱਗ ਗਈਆਂ ਹਨ। ਲੋਕਾਂ ਦੇ ਖਾਤੀਆਂ ਵਿਚ ਇਹ ਪੈਸੇ (NEFT) ਦੇ ਜਰੀਏ ਆ ਰਹੇ ਹਨ। ਇਸ ਬਾਰੇ ਵਿਚ ਕੇਤੁਗਰਾਮ ਦੇ ਟੀਐਮਸੀ ਵਿਧਾਇਕ ਸ਼ੇਖ ਸ਼ਾਹਨਵਾਜ ਨੇ ਕਿਹਾ ਕਿ ਪੀਐਮ ਮੋਦੀ ਨੇ ਕਿਹਾ ਸੀ ਕਿ ਅਕਾਊਂਟ ਵਿਚ ਪੈਸੇ ਆਉਣਗੇ ਹੋ ਸਕਦਾ ਹੈ ਇਹ ਓਹੀ ਪੈਸੇ ਹੋਣ। ਹਾਲਾਂਕਿ ਇਹ ਸਾਫ਼ ਨਹੀਂ ਹੋਇਆ ਹੈ ਕਿ ਇਹ ਪੈਸਾ ਆਇਆ ਕਿਥੇ ਤੋਂ ਹੈ?
