ਲਲਿਤ ਝਾਅ ਨੂੰ ਦਿੱਲੀ ਦੀ ਪਟਿਆਲਾ ਹਾਊਸ ਕੋਰਟ ਵਿਚ ਪੇਸ਼ ਕੀਤਾ ਗਿਆ
Parliament Breach Mastermind: ਸੰਸਦ ਸੁਰੱਖਿਆ ਕੁਤਾਹੀ ਮਾਮਲੇ ਦੇ ਮੁਲਜ਼ਮ ਅਤੇ ਮਾਸਟਰਮਾਈਂਡ ਲਲਿਤ ਝਾਅ ਨੂੰ ਦਿੱਲੀ ਦੀ ਪਟਿਆਲਾ ਹਾਊਸ ਕੋਰਟ ਵਿਚ ਪੇਸ਼ ਕੀਤਾ ਗਿਆ। ਦਿੱਲੀ ਦੀ ਪਟਿਆਲਾ ਹਾਊਸ ਕੋਰਟ ਨੇ ਮੁਲਜ਼ਮ ਲਲਿਤ ਝਾਅ ਨੂੰ ਸੱਤ ਦਿਨਾਂ ਦੇ ਪੁਲਿਸ ਰਿਮਾਂਡ ’ਤੇ ਭੇਜ ਦਿਤਾ ਹੈ।
ਸਰਕਾਰੀ ਵਕੀਲ ਨੇ ਕਿਹਾ ਕਿ ਝਾਅ ਇਸ ਘਟਨਾ ਦਾ ਮੁੱਖ ਸਾਜ਼ਿਸ਼ਕਰਤਾ ਹੈ ਅਤੇ ਸਾਰੀ ਸਾਜ਼ਸ਼ ਦਾ ਪਰਦਾਫਾਸ਼ ਕਰਨ ਲਈ ਉਸ ਤੋਂ ਪੁੱਛਗਿੱਛ ਦੀ ਲੋੜ ਹੈ। ਇਸ ਤੋਂ ਬਾਅਦ ਵਿਸ਼ੇਸ਼ ਜੱਜ ਹਰਦੀਪ ਕੌਰ ਨੇ ਝਾਅ ਨੂੰ ਦਿੱਲੀ ਪੁਲਿਸ ਹਿਰਾਸਤ ਵਿਚ ਭੇਜ ਦਿਤਾ। ਅਦਾਲਤ ਨੇ ਇਹ ਹੁਕਮ ਸਿਟੀ ਪੁਲਿਸ ਵਲੋਂ ਦਾਇਰ ਉਸ ਅਰਜ਼ੀ ’ਤੇ ਦਿਤਾ, ਜਿਸ ਵਿਚ ਝਾਅ ਨੂੰ 15 ਦਿਨਾਂ ਲਈ ਹਿਰਾਸਤ ਵਿਚ ਰੱਖਣ ਦੀ ਬੇਨਤੀ ਕੀਤੀ ਗਈ ਸੀ।
ਲਲਿਤ ਝਾਅ ਉਹ ਵਿਅਕਤੀ ਹੈ ਜੋ ਧੂੰਏਂ ਦੇ ਹਮਲੇ ਦੇ ਸਮੇਂ ਸੰਸਦ ਭਵਨ ਦੇ ਬਾਹਰ ਖੜ੍ਹਾ ਸੀ ਅਤੇ ਨੀਲਮ ਅਤੇ ਅਮੋਲ ਦੇ ਵਿਰੋਧ ਦੀ ਵੀਡੀਓ ਬਣਾ ਰਿਹਾ ਸੀ। ਚਾਰਾਂ ਮੁਲਜ਼ਮਾਂ ਦੇ ਫੋਨ ਲਲਿਤ ਝਾਅ ਕੋਲ ਸਨ, ਜਿਸ ਨਾਲ ਉਹ ਫਰਾਰ ਹੋ ਗਿਆ ਸੀ। ਲਲਿਤ ਝਾਅ ਨੂੰ ਇਸ ਘਟਨਾ ਦਾ ਮਾਸਟਰਮਾਈਂਡ ਦਸਿਆ ਜਾ ਰਿਹਾ ਸੀ। ਪੁਲਿਸ ਮੁਤਾਬਕ ਮਾਸਟਰਮਾਈਂਡ ਲਲਿਤ ਝਾਅ ਦਿੱਲੀ ਤੋਂ ਸਿੱਧਾ ਰਾਜਸਥਾਨ ਦੇ ਨਾਗੌਰ ਭੱਜ ਗਿਆ ਸੀ।
(For more news apart from Lalit Jha Sent To 7-Day Police Custody, stay tuned to Rozana Spokesman)
