Priyanka Gandhi
ਪ੍ਰਿਯੰਕਾ ਨੇ ਗੱਡੀ ਰੋਕ ਲੋਕਾਂ ਨਾਲ ਹੱਥ ਮਿਲਾਇਆ ਤੇ 'ਆਲ ਦਿ ਬੈਸਟ' ਕਿਹਾ
ਇੰਦੌਰ- ਲੋਕ ਸਭਾ ਚੋਣਾਂ ਆਪਣੇ ਆਖ਼ਰੀ ਪੜਾਅ 'ਤੇ ਪੁੱਜ ਚੁੱਕੀਆਂ ਹਨ। 19 ਮਈ ਨੂੰ ਚੋਣਾਂ ਦੇ ਸੱਤਵੇਂ ਅਤੇ ਆਖ਼ਰੀ ਪੜਾਅ ਲਈ ਵੋਟਾਂ ਪੈਣਗੀਆਂ। ਇਸ ਦੌਰਾਨ ਚੋਣ ਪ੍ਰਚਾਰ ਕਰ ਰਹੇ ਨੇਤਾਵਾਂ ਨੂੰ ਕਈ ਵਾਰ ਅਜ਼ੀਬ ਸਥਿਤੀਆਂ ਦਾ ਸਾਹਮਣਾ ਕਰਨਾ ਪੈ ਜਾਂਦਾ ਹੈ, ਅਜਿਹਾ ਹੀ ਕੁੱਝ ਪ੍ਰਿਯੰਕਾ ਗਾਂਧੀ ਨਾਲ ਇੰਦੌਰ ਵਿਚ ਹੋਇਆ। ਇੰਦੌਰ ਵਿਚ ਕੁੱਝ ਲੋਕਾਂ ਨੇ ਪ੍ਰਿਯੰਕਾ ਦੇ ਕਾਫ਼ਲੇ ਨੂੰ ਦੇਖ ਕੇ ਮੋਦੀ-ਮੋਦੀ ਦੇ ਨਾਅਰੇ ਲਗਾਉਣੇ ਸ਼ੁਰੂ ਕਰ ਦਿਤੇ।
Indor
ਤਾਂ ਪ੍ਰਿਯੰਕਾ ਨੇ ਕਾਰ ਤੋਂ ਉਤਰ ਕੇ ਨਾਅਰੇ ਲਗਾਉਣ ਵਾਲਿਆਂ ਨਾਲ ਹੱਥ ਮਿਲਾਇਆ ਅਤੇ ਉਨ੍ਹਾਂ ਨੂੰ 'ਆਲ ਦਿ ਬੈਸਟ' ਵੀ ਕਿਹਾ ਇਸ ਘਟਨਾ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਿਹਾ ਹੈ। ਦਸ ਦਈਏ ਕਿ ਪ੍ਰਿਯੰਕਾ ਗਾਂਧੀ ਪਾਰਟੀ ਲਈ ਜਮ ਕੇ ਚੋਣ ਪ੍ਰਚਾਰ ਕਰ ਰਹੀ ਹੈ ਅਤੇ ਇਸੇ ਦੌਰਾਨ ਉਹ ਮੱਧ ਪ੍ਰਦੇਸ਼ ਵਿਚ ਗਈ ਹੋਈ ਸੀ। ਮੱਧ ਪ੍ਰਦੇਸ਼ ਵਿਚ ਆਖ਼ਰੀ ਪੜਾਅ ਵਿਚ 8 ਸੀਟਾਂ 'ਤੇ ਵੋਟਿੰਗ ਹੋਣੀ ਹੈ।
