228 ਕਿਲੋਮੀਟਰ ਲਈ ਦੇਣਾ ਪਵੇਗਾ 500 ਰੁਪਏ ਟੈਕਸ
ਲਗਭਗ ਅੱਧੇ ਸਮੇਂ ਵਿਚ ਤੈਅ ਹੋਵੇਗਾ ਸਫ਼ਰ
ਨਵੀਂ ਦਿੱਲੀ : ਦੇਸ਼ ਦੇ ਸਭ ਤੋਂ ਲੰਬੇ ਦਿੱਲੀ-ਵਡੋਦਰਾ-ਮੁੰਬਈ ਐਕਸਪ੍ਰੈਸਵੇਅ 'ਤੇ ਵਾਹਨਾਂ ਲਈ ਟੋਲ ਟੈਕਸ ਅੱਜ ਰਾਤ 12 ਵਜੇ ਤੋਂ ਸ਼ੁਰੂ ਹੋ ਜਾਵੇਗਾ। ਪਹਿਲੇ ਪੜਾਅ ਵਿੱਚ, ਇਸ ਐਕਸਪ੍ਰੈਸਵੇਅ ਨੂੰ ਗੁਰੂਗ੍ਰਾਮ ਦੇ ਅਲੀਪੁਰ ਤੋਂ ਰਾਜਸਥਾਨ ਦੇ ਦੌਸਾ ਵਿਚਕਾਰ ਪੂਰਾ ਕੀਤਾ ਗਿਆ ਹੈ। ਇਸ ਦਾ ਉਦਘਾਟਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 12 ਫਰਵਰੀ ਨੂੰ ਕੀਤਾ ਸੀ।
ਇਹ ਵੀ ਪੜ੍ਹੋ : ਸਹੁਰਿਆਂ ਤੋਂ ਘਰ ਵਾਪਸ ਜਾਂਦੇ ਸਮੇਂ ਨੌਜਵਾਨ ਨਾਲ ਵਾਪਰਿਆ ਹਾਦਸਾ, ਮੌਕੇ 'ਤੇ ਹੋਈ ਮੌਤ
NHIA ਨੇ ਅੱਜ ਰਾਤ ਯਾਨੀ 15 ਫਰਵਰੀ ਤੋਂ ਟੋਲ ਵਸੂਲੀ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਟੋਲ ਦੇ ਲਿਹਾਜ਼ ਨਾਲ ਇਹ ਐਕਸਪ੍ਰੈਸ ਵੇਅ ਬਾਕੀਆਂ ਨਾਲੋਂ ਵੱਖਰਾ ਹੈ ਕਿਉਂਕਿ ਇਸ ਵਿੱਚ ਤੁਹਾਨੂੰ ਜਗ੍ਹਾ-ਜਗ੍ਹਾ 'ਤੇ ਟੋਲ ਪਲਾਜ਼ਾ ਤੋਂ ਨਹੀਂ ਲੰਘਣਾ ਪਵੇਗਾ। ਜਦੋਂ ਤੁਸੀਂ ਹਾਈਵੇਅ ਤੋਂ ਬਾਹਰ ਨਿਕਲਦੇ ਹੋ, ਤਾਂ ਤੁਹਾਨੂੰ ਕਿਲੋਮੀਟਰ ਦੇ ਹਿਸਾਬ ਨਾਲ ਟੋਲ ਦੇਣਾ ਪਵੇਗਾ।
ਪਹਿਲੇ ਪੜਾਅ ਵਿੱਚ ਲਗਭਗ 19 ਕਿਲੋਮੀਟਰ ਦੀ ਦੂਰੀ ਤੈਅ ਕਰਨ ਲਈ ਡਰਾਈਵਰਾਂ ਤੋਂ ਵੱਧ ਤੋਂ ਵੱਧ 90 ਰੁਪਏ ਦਾ ਟੋਲ ਵਸੂਲਿਆ ਜਾਵੇਗਾ। ਗੁੜਗਾਉਂ ਦੇ ਸੋਹਨਾ ਕਸਬੇ ਦੇ ਅਲੀਮਪੁਰ ਰਾਹੀਂ ਇਸ ਐਕਸਪ੍ਰੈਸ ਵੇਅ ਵਿੱਚ ਦਾਖਲ ਹੋਣ ਤੋਂ ਬਾਅਦ, ਪਹਿਲਾਂ ਆਉਣ ਵਾਲੇ ਖਲੀਲਪੁਰ ਇੰਟਰਚੇਂਜ 'ਤੇ ਉਤਰਦੇ ਸਮੇਂ 90 ਰੁਪਏ ਦਾ ਟੋਲ ਵਸੂਲਿਆ ਜਾਵੇਗਾ।
ਇਹ ਵੀ ਪੜ੍ਹੋ : ਜੇਕਰ ਤੁਸੀਂ ਵੀ ਪੀਂਦੇ ਹੋ ਖੜ੍ਹੇ ਹੋ ਕੇ ਪਾਣੀ ਤਾਂ ਹੋ ਜਾਓ ਸਾਵਧਾਨ!
NHAI ਅਧਿਕਾਰੀਆਂ ਮੁਤਾਬਕ, ਟੋਲ ਚਾਰਜ ਦੂਰੀ ਦੇ ਨਾਲ-ਨਾਲ ਉਸਾਰੀ ਦੇ ਕੰਮ ਜ਼ਰੀਏ ਵੀ ਤੈਅ ਕੀਤਾ ਜਾਂਦਾ ਹੈ। ਟੋਲ ਦਰਾਂ ਉਸੇ ਤਰ੍ਹਾਂ ਤੈਅ ਕੀਤੀਆਂ ਜਾਂਦੀਆਂ ਹਨ ਜਿਵੇਂ ਕੋਈ ਪੁਲ, ਰੇਲਵੇ ਓਵਰਬ੍ਰਿਜ ਜਾਂ ਕਿਸੇ ਹੋਰ ਕਿਸਮ ਦਾ ਪੁਲ ਬਣਾਇਆ ਜਾਂਦਾ ਹੈ। ਅਲੀਪੁਰ ਤੋਂ ਖਲੀਲਪੁਰ ਇੰਟਰਚੇਂਜ ਤੱਕ ਦੇ ਹਿੱਸੇ ਵਿੱਚ ਪੁਲ ਅਤੇ ਅੰਡਰਪਾਸ ਕਾਫੀ ਬਣਾਏ ਗਏ ਹਨ। ਇਹੀ ਕਾਰਨ ਹੈ ਕਿ ਇਸ ਹਿੱਸੇ ਵਿੱਚ ਟੋਲ ਦੀਆਂ ਦਰਾਂ ਵੱਧ ਹਨ।
ਪਹਿਲੇ ਪੜਾਅ 'ਚ ਅਲੀਪੁਰ ਤੋਂ ਦੌਸਾ ਵਿਚਕਾਰ ਲਗਭਗ 228 ਕਿਲੋਮੀਟਰ 'ਚ ਪਹਿਲਾ ਟੋਲ ਹਰਿਆਣਾ ਅਤੇ ਦੂਜਾ ਆਖਰੀ ਟੋਲ ਰਾਜਸਥਾਨ ਦੇ ਬਰਕਾਪਾਰਾ 'ਚ ਲੱਗੇਗਾ। ਜੇਕਰ ਤੁਸੀਂ ਬਰਕਾਪਾਰਾ ਤੋਂ ਬਾਹਰ ਨਿਕਲਦੇ ਹੋ, ਤਾਂ ਤੁਹਾਡੇ ਤੋਂ ਇੱਥੇ ਤੱਕ ਲਗਭਗ 500 ਰੁਪਏ ਦਾ ਟੋਲ ਵਸੂਲਿਆ ਜਾਵੇਗਾ। ਅੱਜ ਰਾਤ ਇਸ ਐਕਸਪ੍ਰੈਸ ਵੇਅ 'ਤੇ ਆਵਾਜਾਈ ਸ਼ੁਰੂ ਹੋਣ ਤੋਂ ਬਾਅਦ ਦਿੱਲੀ ਤੋਂ ਜੈਪੁਰ ਅਤੇ ਦੌਸਾ ਵਿਚਾਲੇ ਦੀ ਦੂਰੀ ਕੁਝ ਘੰਟਿਆਂ ਤੱਕ ਘੱਟ ਜਾਵੇਗੀ।
ਇਹ ਵੀ ਪੜ੍ਹੋ : ਦੇਸ਼ ਦੀ ਸੇਵਾ ਕਰਦਿਆਂ ਕਰਜ਼ੇ 'ਚ ਡੁੱਬੇ ਪੰਜਾਬ ਦੇ ਕਿਸਾਨਾਂ ਦੀ ਕਰਜ਼ਾ ਮੁਆਫੀ ਲਈ ਯੋਜਨਾ ਲਿਆਂਦੀ ਜਾਵੇ: ਸੁਖਬੀਰ ਸਿੰਘ ਬਾਦਲ
ਦਰਅਸਲ, ਦਿੱਲੀ-ਵਡੋਦਰਾ-ਮੁੰਬਈ (DVM) ਐਕਸਪ੍ਰੈਸਵੇਅ ਦੇ ਪੂਰਾ ਹੋਣ ਤੋਂ ਬਾਅਦ, ਕਾਰ ਜ਼ਰੀਏ ਦਿੱਲੀ ਤੋਂ ਮੁੰਬਈ ਦਾ ਸਫ਼ਰ ਸਿਰਫ਼ 12 ਘੰਟਿਆਂ ਵਿੱਚ ਪੂਰਾ ਹੋ ਜਾਵੇਗਾ। ਜਦਕਿ ਹੁਣ ਮੁੰਬਈ ਪਹੁੰਚਣ ਲਈ 24 ਘੰਟੇ ਲੱਗ ਜਾਂਦੇ ਹਨ। ਡੀਵੀਐਮ ਐਕਸਪ੍ਰੈਸਵੇਅ ਗੁਰੂਗ੍ਰਾਮ ਦੇ ਅਲੀਪੁਰ ਤੋਂ ਸ਼ੁਰੂ ਹੋਵੇਗਾ। ਇਸ ਤੋਂ ਬਾਅਦ ਦਿੱਲੀ ਤੋਂ ਜੈਪੁਰ ਅਤੇ ਦੌਸਾ ਦਾ ਸਫਰ ਸਿਰਫ ਸਾਢੇ 3 ਘੰਟੇ 'ਚ ਹੋਵੇਗਾ।
ਪਹਿਲੇ ਪੜਾਅ ਵਿੱਚ ਅਲੀਪੁਰ ਤੋਂ ਦੌਸਾ ਤੱਕ ਐਕਸਪ੍ਰੈਸ ਵੇਅ ਦੀ 228 ਕਿਲੋਮੀਟਰ ਸੜਕ ਨੂੰ ਪੂਰਾ ਕੀਤਾ ਗਿਆ ਹੈ। ਫਿਲਹਾਲ ਦਿੱਲੀ ਤੋਂ ਦੌਸਾ ਪਹੁੰਚਣ 'ਚ 6 ਘੰਟੇ ਦਾ ਸਮਾਂ ਲੱਗਦਾ ਹੈ ਪਰ ਅੱਜ ਰਾਤ ਤੋਂ 3.5 ਘੰਟੇ 'ਚ ਦੌਸਾ ਅਤੇ ਦਿੱਲੀ ਤੋਂ ਜੈਪੁਰ 2.5 ਘੰਟੇ 'ਚ ਪਹੁੰਚਿਆ ਜਾ ਸਕੇਗਾ। ਇਹ ਪ੍ਰੋਜੈਕਟ ਅਗਲੇ ਸਾਲ 2024 ਤੱਕ ਪੂਰਾ ਹੋਣ ਦੀ ਉਮੀਦ ਹੈ। ਇਸ ਤੋਂ ਬਾਅਦ ਦਿੱਲੀ ਤੋਂ ਮੁੰਬਈ ਤੱਕ ਦਾ 1380 ਕਿਲੋਮੀਟਰ ਦਾ ਸਫਰ ਵੀ ਕਾਰ ਰਾਹੀਂ ਸਿਰਫ 12 ਘੰਟਿਆਂ 'ਚ ਪੂਰਾ ਕੀਤਾ ਜਾ ਸਕਦਾ ਹੈ।
ਦੱਸ ਦੇਈਏ ਕਿ ਦਿੱਲੀ-ਮੁੰਬਈ ਗ੍ਰੀਨ ਫੀਲਡ ਐਕਸਪ੍ਰੈੱਸਵੇਅ ਦੇਸ਼ ਦਾ ਸਭ ਤੋਂ ਲੰਬਾ ਐਕਸਪ੍ਰੈੱਸਵੇਅ ਬਣਨ ਜਾ ਰਿਹਾ ਹੈ। ਇਸ ਐਕਸਪ੍ਰੈਸ ਵੇਅ 'ਤੇ ਵਾਹਨ 120 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਚੱਲਣਗੇ। ਨਾਲ ਹੀ ਇਹ 8 ਲੇਨ ਦਾ ਹੋਵੇਗਾ। ਜਿਸ ਨੂੰ ਸਮੇਂ ਅਨੁਸਾਰ 12 ਲੇਨ ਵੀ ਕੀਤਾ ਜਾ ਸਕਦਾ ਹੈ। ਇਸ ਐਕਸਪ੍ਰੈਸਵੇਅ ਨੂੰ ਬਣਾਉਣ 'ਤੇ ਲਗਭਗ 1 ਲੱਖ ਕਰੋੜ ਰੁਪਏ ਖਰਚ ਕੀਤੇ ਜਾਣਗੇ।
ਇਸ ਐਕਸਪ੍ਰੈਸ ਵੇਅ 'ਤੇ ਰੈਸਟੋਰੈਂਟ, ਰੈਸਟਰੂਮ, ਸ਼ਾਪਿੰਗ ਮਾਲ, ਹੋਟਲ ਅਤੇ ਹੋਰ ਸਹੂਲਤਾਂ ਹੋਣਗੀਆਂ। ਹਰਿਆਣਾ ਦੀ ਹੱਦ ਵਿਚ ਪੈਂਦੇ ਇਸ ਐਕਸਪ੍ਰੈਸ ਵੇਅ ਦਾ ਜ਼ਿਆਦਾਤਰ ਕੰਮ ਪੂਰਾ ਹੋ ਚੁੱਕਾ ਹੈ, ਜਿਸ 'ਤੇ ਕਰੀਬ 11 ਹਜ਼ਾਰ ਕਰੋੜ ਰੁਪਏ ਖਰਚ ਕੀਤੇ ਜਾਣਗੇ। ਐਕਸਪ੍ਰੈੱਸਵੇਅ ਦੇ ਖੁੱਲ੍ਹਣ ਨਾਲ ਦਿੱਲੀ-ਜੈਪੁਰ ਹਾਈਵੇ (NH-48) 'ਤੇ ਆਵਾਜਾਈ ਦਾ ਦਬਾਅ ਘੱਟ ਜਾਵੇਗਾ। ਹੁਣ ਤੋਂ ਇਸ ਹਾਈਵੇ ਦੀ ਵਰਤੋਂ ਦਿੱਲੀ ਤੋਂ ਜੈਪੁਰ ਜਾਂ ਮੁੰਬਈ ਜਾਣ ਲਈ ਕੀਤੀ ਜਾਂਦੀ ਹੈ। ਐਕਸਪ੍ਰੈੱਸ ਵੇਅ ਬਣਨ ਤੋਂ ਬਾਅਦ ਦਿੱਲੀ-ਜੈਪੁਰ ਹਾਈਵੇਅ 'ਤੇ ਲੱਗੇ ਜਾਮ ਤੋਂ ਵੀ ਰਾਹਤ ਮਿਲੇਗੀ।
