CM Yogi Mothers Health News: ਸੀਐਮ ਗੋਰਖਪੁਰ ਤੋਂ ਸਿੱਧੇ ਉਤਰਾਖੰਡ ਲਈ ਹੋਏ ਰਵਾਨਾ
CM Yogi Mothers health News: ਸੀਐਮ ਯੋਗੀ ਦੀ ਮਾਂ ਸਾਵਿਤਰੀ ਦੇਵੀ ਦੀ ਸਿਹਤ ਵਿਗੜ ਗਈ ਹੈ। ਉਨ੍ਹਾਂ ਨੂੰ ਜੌਲੀ ਗ੍ਰਾਂਟ ਹਸਪਤਾਲ ਵਿਚ ਦਾਖ਼ਲ ਕਰਵਾਇਆ ਗਿਆ ਹੈ। ਸੀਐਮ ਆਪਣੀ ਮਾਂ ਨੂੰ ਮਿਲਣ ਲਈ ਗੋਰਖਪੁਰ ਤੋਂ ਉੱਤਰਾਖੰਡ ਲਈ ਰਵਾਨਾ ਹੋਏ ਹਨ। ਸਾਵਿਤਰੀ ਦੇਵੀ ਦੀ ਉਮਰ ਕਰੀਬ 85 ਸਾਲ ਹੈ।
ਇਸ ਤੋਂ ਪਹਿਲਾਂ 7 ਜੂਨ ਨੂੰ ਉਨ੍ਹਾਂ ਦੀ ਸਿਹਤ ਵਿਗੜ ਗਈ ਸੀ। ਉਨ੍ਹਾਂ ਨੂੰ ਰਿਸ਼ੀਕੇਸ਼ ਏਮਜ਼ 'ਚ ਭਰਤੀ ਕਰਵਾਇਆ ਗਿਆ ਸੀ। ਉਸ ਸਮੇਂ ਉਨ੍ਹਾਂ ਨੂੰ ਅੱਖਾਂ ਦੀ ਸਮੱਸਿਆ ਸੀ। ਸੀਐਮ 16 ਜੂਨ ਨੂੰ ਉਨ੍ਹਾਂ ਨੂੰ ਮਿਲਣ ਆਏ ਸਨ। ਉਨ੍ਹਾਂ ਨਾਲ 20 ਮਿੰਟ ਤੱਕ ਮੁਲਾਕਾਤ ਕੀਤੀ।
ਸੀਐਮ ਯੋਗੀ ਨੇ 2 ਸਾਲ ਪਹਿਲਾਂ ਯਾਨੀ 2022 ਵਿੱਚ ਆਪਣੀ ਮਾਂ ਨਾਲ ਮੁਲਾਕਾਤ ਕੀਤੀ ਸੀ। ਉਸ ਸਮੇਂ ਮੁੱਖ ਮੰਤਰੀ ਆਪਣੀ ਮਾਂ ਨੂੰ ਮਿਲਣ ਉੱਤਰਾਖੰਡ ਦੇ ਪਿੰਡ ਪੰਚੂਰ ਗਏ ਹੋਏ ਸਨ। ਇਸ ਦੌਰਾਨ ਮਾਤਾ ਨੇ ਵੀ ਯੋਗੀ ਦੇ ਸਿਰ 'ਤੇ ਹੱਥ ਰੱਖ ਕੇ ਆਸ਼ੀਰਵਾਦ ਦਿੱਤਾ। ਮਾਂ ਅਤੇ ਪੁੱਤਰ ਲਈ ਇਹ ਬਹੁਤ ਹੀ ਭਾਵੁਕ ਪਲ ਸਨ। ਉਸ ਸਮੇਂ ਮੁੱਖ ਮੰਤਰੀ ਨੇ ਸੰਨਿਆਸ ਦੇ 28 ਸਾਲ ਬਾਅਦ ਆਪਣੇ ਘਰ ਰਾਤ ਕੱਟੀ ਸੀ।
ਸੀਐਮ ਯੋਗੀ ਮੂਲ ਰੂਪ ਤੋਂ ਪੌੜੀ ਜ਼ਿਲ੍ਹੇ ਦੇ ਯਮਕੇਸ਼ਵਰ ਬਲਾਕ ਦੇ ਪੰਚੂਰ ਪਿੰਡ ਦੇ ਰਹਿਣ ਵਾਲੇ ਹਨ। ਉਨ੍ਹਾ ਦਾ ਪਰਿਵਾਰ ਪਿੰਡ ਵਿੱਚ ਹੀ ਰਹਿੰਦਾ ਹੈ। ਸਾਵਿਤਰੀ ਦੇਵੀ ਇੱਕ ਘਰੇਲੂ ਔਰਤ ਹੈ। ਮੁੱਖ ਮੰਤਰੀ ਯੋਗੀ ਸਮੇਤ ਉਨ੍ਹਾਂ ਦੇ ਕੁੱਲ ਚਾਰ ਪੁੱਤਰ ਅਤੇ ਤਿੰਨ ਧੀਆਂ ਹਨ।
