ਆਂਢ-ਗੁਆਂਢ ਦੇ ਲੋਕ ਵੀ ਕੁਸ਼ਤੀ ਖੇਡਣ 'ਤੇ ਗੱਲਾਂ ਬਣਾਉਣ ਲੱਗੇ ਹਨ - ਮਹਿਲਾ ਪਹਿਲਵਾਨ
ਨਵੀਂ ਦਿੱਲੀ - WFI ਦੇ ਸਾਬਕਾ ਪ੍ਰਧਾਨ ਬ੍ਰਿਜ਼ ਭੂਸ਼ਣ ਸ਼ਰਨ ਸਿੰਘ 'ਤੇ ਜਿਨਸੀ ਸੋਸ਼ਣ ਦੇ ਦੋਸ਼ ਲੱਗਣ ਤੋਂ ਬਾਅਦ ਹਾਲਤ ਇਹ ਹੋ ਗਈ ਹੈ ਕਿ ਮਾਪੇ ਅਪਣੀਆਂ ਬੱਚੀਆਂ ਨੂੰ ਰੈਸਲਿੰਗ ਛੱਡਣ ਲਈ ਕਹਿ ਰਹੇ ਹਨ। ਕੁੱਝ ਬੱਚੀਆਂ ਨੇ ਇਕ ਨਿੱਜੀ ਚੈਨਲ ਨਾਲ ਗੱਲਬਾਤ ਕੀਤੀ ਤੇ ਕਿਹਾ ਕਿ 'ਮੈਂ ਕੁਸ਼ਤੀ 'ਚ 3 ਰਾਸ਼ਟਰੀ ਤਗਮੇ ਜਿੱਤੇ ਹਨ। ਇੱਕ ਦਿਨ ਪਿਤਾ ਨੇ ਕਿਹਾ, ਹੁਣ ਕੁਸ਼ਤੀ ਨਾ ਖੇਡ। ਆਂਢ-ਗੁਆਂਢ ਦੇ ਲੋਕ ਵੀ ਮੇਰੇ ਕੁਸ਼ਤੀ ਖੇਡਣ 'ਤੇ ਗੱਲਾਂ ਬਣਾਉਣ ਲੱਗੇ। ਫੈਡਰੇਸ਼ਨ ਵਿੱਚ ਜੋ ਹੋਇਆ, ਉਸ ਤੋਂ ਬਾਅਦ ਮੈਂ ਸੋਚਿਆ ਕਿ ਮੇਰਾ ਕਰੀਅਰ ਖ਼ਤਮ ਹੋ ਗਿਆ ਹੈ। ਜਦੋਂ ਨੈਸ਼ਨਲ ਮੈਡਲਿਸਟ ਮਾਨਿਆ ਠਾਕੁਰ ਇਹ ਕਹਾਣੀ ਸੁਣਾਉਂਦੀ ਹੈ ਤਾਂ ਉਸ ਦੀ ਆਵਾਜ਼ ਵਾਰ-ਵਾਰ ਕੰਬ ਜਾਂਦੀ ਹੈ।
“ਕੁਸ਼ਤੀ ਸਿੱਖਣ ਵਾਲੀਆਂ ਕੁੜੀਆਂ ਦੇ ਪਿਤਾ ਦਿਹਾੜੀਦਾਰ ਮਜ਼ਦੂਰ ਹਨ, ਜਦਕਿ ਕੁਝ ਦੇ ਮਾਪੇ ਨੌਕਰੀ ਕਰਦੇ ਹਨ। ਜੋ ਕੁਝ ਹੋਇਆ, ਉਸ ਤੋਂ ਬਾਅਦ ਉਨ੍ਹਾਂ ਨੂੰ ਸਮਝਾਉਣਾ ਮੁਸ਼ਕਲ ਹੋ ਰਿਹਾ ਹੈ। ਹੁਣ ਤਾਂ ਮੈਂ ਕੁੜੀਆਂ ਨੂੰ ਦਾਅ ਲਗਾਉਣ ਬਾਰੇ ਦੱਸਣ ਤੋਂ ਵੀ ਪਰਹੇਜ਼ ਕਰਦਾ ਹਾਂ। ਮੇਰੇ ਮਨ ਵਿਚ ਡਰ ਹੈ ਕਿ ਕੋਈ ਕੁੜੀ ਮੇਰੇ 'ਤੇ ਇਲਜ਼ਾਮ ਨਾ ਲਗਾ ਦੇਵੇ...'
ਗੁਰੂ ਪ੍ਰੇਮਨਾਥ ਅਖਾੜਾ ਦੇ ਕੁਸ਼ਤੀ ਕੋਚ ਵਿਕਰਮ ਸਿੰਘ ਜਦੋਂ ਇਹ ਗੱਲ ਕਹਿ ਰਹੇ ਸਨ ਤਾਂ ਉਨ੍ਹਾਂ ਦੇ ਚਿਹਰੇ 'ਤੇ ਚਿੰਤਾ ਸਾਫ਼ ਝਲਕ ਰਹੀ ਸੀ। ਮਹਾਨਗਰਾਂ ਵਿਚ ਮਹਿਲਾ ਪਹਿਲਵਾਨ ਕੁਸ਼ਤੀ ਛੱਡ ਰਹੀਆਂ ਹਨ। ਕੁਝ ਮਾਪਿਆਂ ਨੇ ਆਪਣੀਆਂ ਧੀਆਂ ਨੂੰ ਸਿਖਲਾਈ ਲੈਣ ਤੋਂ ਇਨਕਾਰ ਕਰ ਦਿੱਤਾ ਹੈ, ਜਦੋਂ ਕਿ ਕੁਝ ਅਖਾੜਿਆਂ ਨੇ ਔਰਤਾਂ ਦੀ ਕੁਸ਼ਤੀ ਦੀ ਸਿਖਲਾਈ ਬੰਦ ਕਰ ਦਿੱਤੀ ਹੈ।
ਨਾਲ ਹੀ, ਕੁਝ ਕੇਂਦਰਾਂ ਨੇ ਪੁਰਸ਼ ਅਤੇ ਮਹਿਲਾ ਪਹਿਲਵਾਨਾਂ ਲਈ ਵੱਖਰੇ ਅਭਿਆਸ ਸ਼ੁਰੂ ਕੀਤੇ ਹਨ। ਦਿੱਲੀ ਵਿਚ ਤੀਸ ਹਜ਼ਾਰੀ ਕੋਰਟ ਤੋਂ ਢਾਈ ਕਿਲੋਮੀਟਰ ਦੂਰ ਗੁੜ ਮੰਡੀ ਵਿਚ ਗੁਰੂ ਪ੍ਰੇਮਨਾਥ ਅਖਾੜਾ ਹੈ। ਇਹ ਅਖਾੜਾ 1974 ਵਿਚ ਸ਼ੁਰੂ ਹੋਇਆ ਸੀ। 3 ਮੰਜ਼ਿਲਾ ਕੁਸ਼ਤੀ ਕੇਂਦਰ ਦੀ ਪਹਿਲੀ ਮੰਜ਼ਿਲ 'ਤੇ ਸਿਰਫ਼ 12-15 ਕੁੜੀਆਂ ਹੀ ਅਭਿਆਸ ਕਰਦੀਆਂ ਹਨ। ਉਹ ਲੜਕੀਆਂ ਨੂੰ ਬੁਲਾ ਕੇ ਕੁਸ਼ਤੀ ਦੇ ਸੱਟੇ ਲਗਾਉਂਦੇ ਹਨ ਅਤੇ ਉਨ੍ਹਾਂ ਨੂੰ ਕੁਸ਼ਤੀ ਬਾਰੇ ਸਮਝਾ ਰਹੇ ਹਨ।
ਕੋਚ ਵਿਕਰਮ ਸਿੰਘ ਨੇ ਦੱਸਿਆ ਕਿ 'ਲੜਕੀਆਂ ਦੀ ਗਿਣਤੀ ਤੇਜ਼ੀ ਨਾਲ ਘਟੀ ਹੈ। ਇੱਥੇ ਜ਼ਿਆਦਾਤਰ ਲੜਕੀਆਂ ਮੱਧ ਵਰਗ ਪਰਿਵਾਰਾਂ ਤੋਂ ਆਉਂਦੀਆਂ ਹਨ। ਫੈਡਰੇਸ਼ਨ ਵਿਚ ਜੋ ਕੁਝ ਵਾਪਰਿਆ, ਉਸ ਤੋਂ ਬਾਅਦ ਮਾਪਿਆਂ ਨੂੰ ਸਮਝਾਉਣਾ ਔਖਾ ਹੋ ਰਿਹਾ ਹੈ। ਹੁਣ ਤਾਂ ਉਹ ਕੁੜੀਆਂ ਨੂੰ ਦਾਅ ਦੱਸਣ ਤੋਂ ਵੀ ਪਰਹੇਜ਼ ਕਰਦਾ ਹਾਂ। ਕੋਟ ਨੇ ਕਿਹਾ ਕਿ ਉਸ ਦੇ ਮਨ 'ਚ ਡਰ ਹੈ ਕਿ ਜੇਕਰ ਬਾਅਦ 'ਚ ਕੋਈ ਕੁੜੀ ਉਸ 'ਤੇ ਇਲਜ਼ਾਮ ਲਾਵੇਗੀ ਤਾਂ ਉਸ ਦਾ ਕਰੀਅਰ ਖ਼ਤਮ ਹੋ ਜਾਵੇਗਾ। ਅਜਿਹੀ ਸਥਿਤੀ ਵਿਚ ਉਹ ਸਮਾਜ ਦਾ ਸਾਹਮਣਾ ਕਿਵੇਂ ਕਰੇਗਾ।
ਕੋਚ ਨੇ ਕਿਹਾ ਕਿ ਉਹ ਹੁਣ ਮਾਪਿਆਂ ਨੂੰ ਵੀ ਕੇਂਦਰ ਵਿਚ ਬੁਲਾਉਣ ਲੱਗ ਪਏ ਹਨ। ਉਹ ਹਫ਼ਤੇ ਵਿਚ ਦੋ ਦਿਨ ਆ ਸਕਦੇ ਹਨ। ਉਹ ਅਪਣੇ ਸਾਹਮਣੇ ਟ੍ਰੇਨਿੰਗ ਦੇਖਣ। ਕੁਝ ਮਾਪੇ ਆਉਂਦੇ ਹਨ, ਪਰ ਸਾਰਿਆਂ ਲਈ ਆਉਣਾ ਸੰਭਵ ਨਹੀਂ ਹੁੰਦਾ। ਓਧਰ 8 ਸਾਲਾਂ ਤੋਂ ਅਖਾੜੇ 'ਚ ਸਿਖਲਾਈ ਲੈ ਰਹੀ ਉੱਨਤੀ ਰਾਠੌਰ ਦਾ ਕਹਿਣਾ ਹੈ ਕਿ ਉਸ ਨੇ ਅੰਤਰਰਾਸ਼ਟਰੀ ਪੱਧਰ 'ਤੇ ਦੇਸ਼ ਲਈ ਤਮਗੇ ਜਿੱਤੇ ਹਨ।
ਉਹਨਾਂ ਦੇ ਸੈਂਟਰ ਵਿਚ 100 ਪਹਿਲਵਾਨ, ਜਿਨ੍ਹਾਂ ਵਿਚ ਲੜਕੇ ਅਤੇ ਲੜਕੀਆਂ ਸ਼ਾਮਲ ਸਨ, ਅਭਿਆਸ ਲਈ ਆਉਂਦੇ ਸਨ। ਉਸ ਨੇ ਦੱਸਿਆ ਕਿ ਦੋਸ਼ਾਂ ਤੋਂ ਬਾਅਦ ਉਹਨਾਂ ਨਾਲ ਪ੍ਰੈਕਟਿਸ ਕਰ ਰਹੀਆਂ ਲੜਕੀਆਂ ਉੱਥੋਂ ਚਲੀਆਂ ਗਈਆਂ। ਕਈ ਹੋਰ ਖੇਡਾਂ ਵੱਲ ਮੁੜ ਗਏ ਹਨ। ਇਸ ਦੇ ਨਾਲ ਹੀ ਹੋਰ ਕੁੜੀਆਂ ਨੇ ਵੀ ਇਹੀ ਕਿਹਾ ਕਿ ਉਹਨਾਂ ਦੇ ਮਾਪੇ ਉਹਨਾਂ ਨੂੰ ਟ੍ਰੇਨਿੰਗ 'ਤੇ ਜਾਣ ਤੋਂ ਰੋਕਦੇ ਹਨ। ਇਕ ਲੜਕੀ ਨੇ ਕਿਹਾ ਕਿ ਹੁਣ ਜਦੋਂ ਉਹ ਟ੍ਰੇਨਿੰਗ ਲਈ ਘਰੋਂ ਨਿਕਲਦੀਆਂ ਹਨ ਤਾਂ ਰਸਤੇ 'ਚ ਕਈ ਲੋਕ ਉਹਨਾਂ ਨੂੰ ਅਜਿਹੀਆਂ ਨਜ਼ਰਾਂ ਨਾਲ ਦੇਖਦੇ ਹਨ ਕਿ ਉਨ੍ਹਾਂ ਦੇ ਮਨ 'ਚ ਕੀ ਹੈ, ਸਮਝ ਆ ਜਾਂਦਾ ਹੈ।
