Uttar Pradesh: Verdict in the murder case of 24 Dalits after 40 years
3 ਜਣਿਆਂ ਨੂੰ ਦੋਸ਼ੀ ਠਹਿਰਾਇਆ ਗਿਆ
ਮੈਨਪੁਰੀ (ਯੂ.ਪੀ.) : ਉੱਤਰ ਪ੍ਰਦੇਸ਼ ਦੀ ਇਕ ਸਥਾਨਕ ਅਦਾਲਤ ਨੇ ਤਿੰਨ ਵਿਅਕਤੀਆਂ, ਕਪਤਾਨ ਸਿੰਘ, ਰਾਮ ਪਾਲ ਅਤੇ ਰਾਮ ਸੇਵਕ ਨੂੰ 1981 ਦੇ ਦਿਹੁਲੀ ਦਲਿਤ ਕਤਲੇਆਮ ’ਚ ਉਨ੍ਹਾਂ ਦੀ ਭੂਮਿਕਾ ਲਈ ਦੋਸ਼ੀ ਠਹਿਰਾਇਆ ਹੈ। ਇਸ ਕਤਲ ਕਾਂਡ ’ਚ 24 ਦਲਿਤ ਮਾਰੇ ਗਏ ਸਨ। ਇਹ ਕਤਲੇਆਮ 18 ਨਵੰਬਰ, 1981 ਨੂੰ ਹੋਇਆ ਸੀ, ਜਦੋਂ ਡਕੈਤਾਂ ਦੇ ਇਕ ਗਿਰੋਹ ਨੇ ਦਿਹੁਲੀ ਪਿੰਡ ’ਚ ਦਲਿਤਾਂ ’ਤੇ ਹਮਲਾ ਕੀਤਾ ਸੀ, ਜਿਸ ’ਚ ਔਰਤਾਂ ਅਤੇ ਬੱਚਿਆਂ ਸਮੇਤ 24 ਲੋਕਾਂ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿਤੀ ਗਈ ਸੀ ਅਤੇ ਉਨ੍ਹਾਂ ਦਾ ਸਾਮਾਨ ਲੁੱਟ ਲਿਆ ਸੀ।
ਜ਼ਿਲ੍ਹਾ ਸਰਕਾਰ ਦੇ ਵਕੀਲ ਪੁਸ਼ਪੇਂਦਰ ਸਿੰਘ ਚੌਹਾਨ ਨੇ ਦਸਿਆ ਕਿ ਦੋਸ਼ੀਆਂ ਨੂੰ 18 ਮਾਰਚ ਨੂੰ ਸਜ਼ਾ ਸੁਣਾਈ ਜਾਣੀ ਹੈ। ਇਹ ਸਜ਼ਾ ਕਤਲੇਆਮ ਦੇ ਚਾਰ ਦਹਾਕਿਆਂ ਬਾਅਦ ਆਈ ਹੈ ਅਤੇ ਪੀੜਤਾਂ ਅਤੇ ਉਨ੍ਹਾਂ ਦੇ ਪਰਵਾਰਾਂ ਲਈ ਨਿਆਂ ਦੀ ਦਿਸ਼ਾ ’ਚ ਇਕ ਮਹੱਤਵਪੂਰਨ ਕਦਮ ਹੈ। (ਪੀਟੀਆਈ)
