ਮਿਜ਼ਾਈਲ ਫ੍ਰੀਗੇਟ ‘ਆਈ. ਐੱਨ. ਐੱਸ. ਬ੍ਰਹਮਪੁੱਤਰ’ ’ਤੇ ਤਾਇਨਾਤ ਸੀ ਨੌਜਵਾਨ
ਨਵੀਂ ਦਿੱਲੀ : ਨੇਵੀ ਕਰਮਚਾਰੀ ਮੋਹਿਤ, ਜੋ ਕਿ ਹਲ ਆਰਟੀਫਿਸਰ 4 ਸੀ, ਨੂੰ ਗਾਈਡਿਡ ਮਿਜ਼ਾਈਲ ਫਰੀਗੇਟ ਆਈਐਨਐਸ ਬ੍ਰਹਮਪੁੱਤਰ 'ਤੇ ਤਾਇਨਾਤ ਕੀਤਾ ਗਿਆ ਸੀ।
ਅਧਿਕਾਰੀਆਂ ਨੇ ਦੱਸਿਆ ਕਿ ਸਮੁੰਦਰ 'ਚ ਆਪਰੇਸ਼ਨ ਦੌਰਾਨ ਫਰੰਟਲਾਈਨ ਮਿਜ਼ਾਈਲ ਫ੍ਰੀਗੇਟ 'ਤੇ ਗੰਭੀਰ ਸੱਟਾਂ ਲੱਗਣ ਕਾਰਨ ਭਾਰਤੀ ਜਲ ਸੈਨਾ ਦੇ 23 ਸਾਲਾ ਜਵਾਨ ਦੀ ਮੌਤ ਹੋ ਗਈ। ਇਹ ਹਾਦਸਾ ਸ਼ਨੀਵਾਰ ਨੂੰ ਵਾਪਰਿਆ।
ਸਮੁੰਦਰੀ ਸੈਨਾ ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ, "8 ਅਪ੍ਰੈਲ ਨੂੰ ਸਮੁੰਦਰ ਵਿੱਚ ਇੱਕ ਮੰਦਭਾਗੀ ਦੁਰਘਟਨਾ ਵਿੱਚ, ਮੋਹਿਤ, ਹਲ ਆਰਟੀਫਿਸਰ 4, ਉਮਰ 23 ਸਾਲ, ਨੇ ਸਮੁੰਦਰ ਵਿੱਚ ਅਪਰੇਸ਼ਨਾਂ ਦੌਰਾਨ ਆਈਐਨਐਸ ਬ੍ਰਹਮਪੁੱਤਰ ਵਿੱਚ ਸੱਟਾਂ ਨਾਲ ਦਮ ਤੋੜ ਦਿੱਤਾ।"
ਉਨ੍ਹਾਂ ਕਿਹਾ ਕਿ ਇਸ ਕਾਰਨ ਦੀ ਜਾਂਚ ਲਈ ਬੋਰਡ ਆਫ਼ ਇਨਕੁਆਇਰੀ ਦੇ ਹੁਕਮ ਦਿੱਤੇ ਜਾ ਰਹੇ ਹਨ।
ਹਲ ਆਰਟੀਫਿਸਰ 4 ਪੈਟੀ ਅਫਸਰ ਦੇ ਬਰਾਬਰ ਦਾ ਦਰਜਾ ਹੈ। ਹਾਦਸੇ ਦੇ ਵੇਰਵੇ ਤੁਰੰਤ ਪਤਾ ਨਹੀਂ ਹਨ।
ਜਲ ਸੈਨਾ ਦੇ ਮੁਖੀ ਐਡਮਿਰਲ ਆਰ ਹਰੀ ਕੁਮਾਰ ਅਤੇ ਜਲ ਸੈਨਾ ਦੇ ਸਾਰੇ ਕਰਮਚਾਰੀਆਂ ਨੇ ਮੋਹਿਤ ਨੂੰ ਸ਼ਰਧਾਂਜਲੀ ਭੇਟ ਕੀਤੀ।
