'ਮੀਡੀਆ ਅਤੇ ਕੁੱਝ ਲੋਕ ਮੈਨੂੰ ਭਾਜਪਾ ਦਾ ਬੰਦਾ ਦੱਸਣ ਦੀ ਕੋਸ਼ਿਸ਼ ਕਰ ਰਹੇ ਹਨ'
ਚੇਨੰਈ : ਕਮਲ ਹਸਨ ਅਤੇ ਰਜਨੀਕਾਂਤ ਨੇ ਸ਼ੁਕਰਵਾਰ ਨੂੰ ਚੇਨੰਈ ਵਿਚ ਰਾਜ ਕਮਲ ਫਿਲਮ ਇੰਟਰਨੈਸ਼ਨਲ ਦੇ ਨਵੇਂ ਦਫ਼ਤਰ ਵਿਚ ਮਹਰੂਮ ਫਿਲਮ ਨਿਰਦੇਸ਼ਕ ਬਾਲਚੰਦਰ ਦੇ ਬੁੱਤ ਦਾ ਉਦਘਾਟਨ ਕੀਤਾ। ਇਸ ਮੌਕੇ ਰਜਨੀਕਾਂਤ ਨੇ ਕਮਲ ਹਸਨ ਦੇ ਰਾਜਨੀਤੀ ਵਿਚ ਆਉਣ ਨੂੰ ਲੈ ਕੇ ਕਿਹਾ ਕਿ ਉਹ ਸਿਨੇਮਾ ਨੂੰ ਕਦੇ ਨਹੀਂ ਭੁੱਲਣਗੇ। ਉਹ ਹਮੇਸ਼ਾ ਆਪਣੀ ਕਲਾ ਨੂੰ ਅੱਗੇ ਵਧਾਉਣਗੇ।
Rajinikanth
ਰਜਨੀਕਾਂਤ ਨੇ ਕਿਹਾ ਕਿ ਕੁੱਝ ਲੋਕ ਅਤੇ ਮੀਡੀਆ ਇਹ ਦੱਸਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਕਿ ਮੈਂ ਭਾਜਪਾ ਦਾ ਬੰਦਾ ਹਾਂ। ਇਹ ਸੱਚ ਨਹੀਂ ਹੈ। ਕੋਈ ਵੀ ਰਾਜਨੀਤਿਕ ਦਲ ਖੁਸ਼ ਹੋਵੇਗਾ ਜੇ ਕੋਈ ਉਸ ਦਾ ਸਾਥ ਦੇਵੇ ਪਰ ਇਸ ਦਾ ਫੈਸਲਾ ਲੈਣਾ ਮੇਰੇ ਉੱਤੇ ਨਿਰਭਰ ਹੈ। ਉਨ੍ਹਾਂ ਕਿਹਾ ਕਿ ਭਾਜਪਾ ਮੈਨੂੰ ਭਗਵਾ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਉਨ੍ਹਾਂ ਨੇ ਤਿਰੂਵਲੁਵਰ (ਤਾਮਿਲ ਕਵੀ) ਦੇ ਨਾਲ ਵੀ ਇਹ ਕਰਨ ਦੀ ਕੋਸ਼ਿਸ਼ ਕੀਤੀ। ਅਸਲੀਅਤ ਇਹ ਹੈ ਕਿ ਨਾ ਤਾਂ ਤਿਰੂਵਲੁਵਰ ਅਤੇ ਨਾ ਹੀ ਮੈਂ ਉਸ ਦੇ ਜਾਲ ਵਿਚ ਫਸਣਗੇ।
BJP
ਤਿਰੂਵਲੁਵਰ ਨੂੰ ਭਗਵਾ ਚੋਲਾ ਪਹਿਨਾਉਣ 'ਤੇ ਰਜਨੀਕਾਂਤ ਨੇ ਕਿਹਾ ਕਿ ਇਹ ਭਾਜਪਾ ਦਾ ਏਜੰਡਾ ਹੈ। ਇਹੋ ਜਿਹੇ ਕਈ ਮੁੱਦੇ ਹਨ ਜੋ ਬਹੁਤ ਮਹੱਤਵਪੂਰਨ ਹਨ ਜਿਨ੍ਹਾਂ 'ਤੇ ਚਰਚਾ ਦੀ ਲੋੜ ਹੈ। ਮੈਨੂੰ ਲੱਗਦਾ ਹੈ ਕਿ ਇਕ ਬੇਕਾਰ ਮੁੱਦਾ ਹੈ। ਅਯੁਧਿਆ ਵਿਵਾਦ ਮਾਮਲੇ ਵਿਚ ਆਉਣ ਵਾਲੇ ਫੈਸਲੇ 'ਤੇ ਵੀ ਰਜਨੀਕਾਂਤ ਨੇ ਲੋਕਾਂ ਨੂੰ ਸ਼ਾਂਤ ਰਹਿਣ ਅਤੇ ਫੈਸਲੇ ਦਾ ਸਨਮਾਨ ਕਰਨ ਦੀ ਅਪੀਲ ਕੀਤੀ ਹੈ।
