ਪ੍ਰਦੂਸ਼ਣ ਨੂੰ ਰੋਕਣਾ ਇਕੱਲੇ ਅਦਾਲਤ ਦਾ ਕੰਮ ਨਹੀਂ ਹੈ: ਸੁਪਰੀਮ ਕੋਰਟ

Ban on Crakcers : ਪਟਾਕਿਆਂ ’ਤੇ ਪਾਬੰਦੀ ਲਗਾਉਣ ਦੇ ਮਾਮਲੇ ’ਤੇ ਸੁਣਵਾਈ ਕਰਦਿਆਂ ਸੁਪਰੀਮ ਕੋਰਟ ਨੇ ਕਿਹਾ ਹੈ ਕਿ ਉਸ ਵਲੋਂ ਦਿਤੇ ਗਏ ਪਿਛਲੇ ਹੁਕਮ ਸਿਰਫ਼ ਦਿੱਲੀ ਲਈ ਨਹੀਂ ਸਨ ਅਤੇ ਬੇਰੀਅਮ ਤੇ ਪਾਬੰਦੀਸ਼ੁਦਾ ਰਸਾਇਣਾਂ ਵਾਲੇ ਪਟਾਕਿਆਂ ’ਤੇ ਪਾਬੰਦੀ ਲਗਾਉਣ ਦਾ ਉਸ ਦਾ ਹੁਕਮ ਪੂਰੇ ਦੇਸ਼ ਲਈ ਸੀ। 
ਅਦਾਲਤ ਨੇ ਸਪੱਸ਼ਟੀਕਰਨ ਦਿੰਦਿਆਂ ਕਿਹਾ ਕਿ 2021 ’ਚ ਉਸ ਵਲੋਂ ਜਾਰੀ ਹੁਕਮ ’ਚ ਪਟਾਕੇ ਚਲਾਉਣ ’ਤੇ ਪੂਰੀ ਤਰ੍ਹਾਂ ਪਾਬੰਦੀ ਨਹੀਂ ਹੈ। ਪਾਬੰਦੀ ਸਿਰਫ਼ ਉਨ੍ਹਾਂ ਪਟਾਕਿਆਂ ਨੂੰ ਚਲਾਉਣ ’ਤੇ ਹੈ ਜਿਨ੍ਹਾਂ ’ਚ ਬੇਰੀਅਮ ਰਸਾਇਣ ਹੁੰਦਾ ਹੈ। ਅਦਾਲਤ ਨੇ ਕਿਹਾ, ‘‘ਸਾਡੇ ਪੁਰਾਣੇ ਹੁਕਮਾਂ ’ਚ ਅਸੀਂ ਪਟਾਕਿਆਂ ’ਤੇ ਪੂਰਨ ਪਾਬੰਦੀ ਦਾ ਮੁੱਦਾ ਸਥਾਨਕ ਸਰਕਾਰ ’ਤੇ ਛੱਡ ਦਿਤਾ ਸੀ ਅਤੇ ਹਸਪਤਾਲਾਂ ਵਰਗੀਆਂ ਸਿਹਤ-ਸੰਵੇਦਨਸ਼ੀਲ ਥਾਵਾਂ ’ਤੇ ਪਟਾਕੇ ਚਲਾਉਣ ਲਈ ਸਮਾਂ ਸੀਮਾ ਤੈਅ ਕਰਨ ਲਈ ਕਿਹਾ ਸੀ।’’

ਇਹ ਸਪੱਸ਼ਟੀਕਰਨ ਤਿਉਹਾਰਾਂ ਦੌਰਾਨ ਬੇਰੀਅਮ ਪਟਾਕਿਆਂ ’ਤੇ ਪਾਬੰਦੀ ਅਤੇ ਹਵਾ ਤੇ ਸ਼ੋਰ ਪ੍ਰਦੂਸ਼ਣ ਨੂੰ ਘੱਟ ਕਰਨ ਬਾਰੇ ਸੁਪਰੀਮ ਕੋਰਟ ਦੇ ਹੁਕਮਾਂ ਦੀ ਪਾਲਣਾ ਕਰਨ ਲਈ ਰਾਜਸਥਾਨ ਸਰਕਾਰ ਨੂੰ ਹੁਕਮ ਦੇਣ ਦੀ ਮੰਗ ਕੀਤੀ ਗਈ ਸੀ। ਇਹ ਕਹਿੰਦਿਆਂ ਕਿ ਕਿਸੇ ਨਵੇਂ ਹੁਕਮ ਦੀ ਜ਼ਰੂਰਤ ਨਹੀਂ ਹੈ, ਅਦਾਲਤ ਨੇ ਰਾਜਸਥਾਨ ਨੂੰ ਪਿਛਲੇ ਹੁਕਮਾਂ ’ਤੇ ਵਿਸ਼ੇਸ਼ ਧਿਆਨ ਦੇਣ ਦਾ ਹੁਕਮ ਦਿਤਾ ਅਤੇ ਦੁਹਰਾਇਆ ਕਿ ਉਸ ਦੇ ਹੁਕਮ ਦੇਸ਼ ਦੇ ਸਾਰੇ ਸੂਬਿਆਂ ’ਤੇ ਲਾਗੂ ਹੋਣਗੇ।

(For more news apart from Preventing Pollution Is Not The Job Of The Court Alone, stay tuned to Rozana Spokesman).