ਅਧਿਕਾਰੀਆਂ ਨੇ ਦਸਿਆ ਕਿ ਮਹਿਲਾ ਸਕੂਲ ਕੋਲ ਕਿਸੇ ਕੰਮ ਲਈ ਗਈ ਸੀ ਪਰ ਸਕੂਲ ਨਾਲ ਉਸ ਦਾ ਕੋਈ ਲੈਣਾ ਦੇਣਾ ਨਹੀਂ ਹੈ।
ਇੰਫ਼ਾਲ: ਮਣੀਪੁਰ ਦੇ ਇੰਫ਼ਾਲ ਵੈਸਟ ਜ਼ਿਲ੍ਹੇ ’ਚ ਵੀਰਵਾਰ ਨੂੰ ਅਣਪਛਾਤੇ ਬੰਦੂਕਧਾਰੀਆਂ ਨੇ ਇਕ ਸਕੂਲ ਦੇ ਬਾਹਰ ਇਕ ਮਹਿਲਾ ਦਾ ਗੋਲੀ ਮਾਰ ਕੇ ਕਤਲ ਕਰ ਦਿਤਾ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿਤੀ। ਇਹ ਘਟਨਾ ਲਾਮਫ਼ੇਲ ਪੁਲਿਸ ਥਾਣੇ ਅਧੀਨ ਕਵਾਕੀਥੇਲ ਮਾਯਾਈ ਕੋਈਬੀ ਵਿਚ ਵਾਪਰੀ। ਇਕ ਦਿਨ ਪਹਿਲਾਂ ਰਾਜ ਵਿਚ ਪਹਿਲੀ ਤੋਂ ਅੱਠਵੀਂ ਤਕ ਦੀ ਜਮਾਤਾਂ ਸ਼ੁਰੂ ਹੋਈਆਂ ਸਨ ਜੋ ਦੋ ਮਹੀਨੇ ਤੋਂ ਹਿੰਸਾ ਕਾਰਨ ਬੰਦ ਸੀ। ਅਧਿਕਾਰੀਆਂ ਨੇ ਦਸਿਆ ਕਿ ਮਹਿਲਾ ਸਕੂਲ ਕੋਲ ਕਿਸੇ ਕੰਮ ਲਈ ਗਈ ਸੀ ਪਰ ਸਕੂਲ ਨਾਲ ਉਸ ਦਾ ਕੋਈ ਲੈਣਾ ਦੇਣਾ ਨਹੀਂ ਹੈ।
ਇਹ ਵੀ ਪੜ੍ਹੋ: 14 ਜੁਲਾਈ ਨੂੰ ਲਾਂਚ ਕੀਤਾ ਜਾਵੇਗਾ ਚੰਦਰਯਾਨ-3, ਇਸਰੋ ਨੇ ਕੀਤਾ ਐਲਾਨ
ਮਣੀਪੁਰ ਦੇ ਕਾਂਗਪੋਕਪੀ ਜ਼ਿਲ੍ਹੇ ਦੇ ਇਕ ਪਿੰਡ ਵਿਚ ਵੀਰਵਾਰ ਸਵੇਰ ਤੋਂ ਹੀ ਰੁਕ ਰੁਕ ਕੇ ਗੋਲੀਬਾਰੀ ਦੀਆਂ ਆਵਾਜ਼ਾਂ ਸੁਣਾਈ ਦੇ ਰਹੀਆਂ ਸਨ। ਆਟੋਮੈਟਿਕ ਅਥਿਆਰਾਂ ਨਾਲ ਕੁੱਝ ਲੋਕਾਂ ਨੇ ਪਿੰਡ ਵਾਸੀਆਂ ’ਤੇ ਹਮਲਾ ਕਰ ਦਿਤਾ ਪਰ ਸੁਰੱਖਿਆ ਬਲਾਂ ਨੇ ਝੜੱਪ ਨੂੰ ਸ਼ਾਂਤ ਕਰਾ ਦਿਤਾ। ਸੂਤਰਾਂ ਨੇ ਇਹ ਜਾਣਕਾਰੀ ਦਿਤੀ।
ਇਹ ਵੀ ਪੜ੍ਹੋ: ਸਾਬਕਾ ਮੁੱਖ ਮੰਤਰੀ ਕੈਪਟਨ ਵੱਲ ਹੈਲੀਕਾਪਟਰ ਹਾਇਰਿੰਗ ਕੰਪਨੀ ਦਾ ਸਾਢੇ 3 ਕਰੋੜ ਰੁਪਏ ਬਕਾਇਆ : ਪ੍ਰਤਾਪ ਸਿੰਘ ਬਾਜਵਾ
ਸੂਤਰਾਂ ਨੇ ਦਸਿਆ ਕਿ ਨੇੜਲੇ ਇਲਾਕਿਆਂ ਵਿਚ ਹਥਿਆਰਬੰਦ ਸਮੂਹ ਖੇਤਰ ਵਿਚ ਇੱਕਠੇ ਹੋ ਗਏ ਜਿਸ ਨਾਲ ਤਣਾਅ ਵਧ ਗਿਆ ਸੀ। ਉਨ੍ਹਾਂ ਕਿਹਾ ਕਿ ਲਗਭਗ 1000 ਤੋਂ 1500 ਔਰਤਾਂ ਨੇ ਸੜਕਾਂ ਨੂੰ ਜਾਮ ਕਰ ਦਿਤਾ ਸੀ ਤਾਕਿ ਇਲਾਕੇ ਵਿਚ ਵਾਧੂ ਸੁਰੱਖਿਆ ਬਲ ਨਾ ਪਹੁੰਚ ਸਕੇ। ਪਰ ਇਲਾਕੇ ਵਿਚ ਅਸਾਮ ਰਾਈਫ਼ਲਜ਼ ਦੇ ਜਵਾਨਾਂ ਦੀ ਤੈਨਾਤੀ ਕਾਰਨ ਸਥਿਤੀ ਕੰਟਰੋਲ ਵਿਚ ਆ ਗਈ।
