ਕੇਂਦਰੀ ਯੂਨੀਵਰਸਿਟੀ ਅਤੇ ਉਸ ਦੇ ਅਧੀਨ ਆਉਣ ਵਾਲੇ ਕਾਲਜਾਂ ਵਿਚ ਵਿਦਿਆਰਥੀ ਯੂਨੀਅਨ ਦੀਆਂ ਚੌਣਾਂ ਦੌਰਾਨ ਸੁਰੱਖਿਆ ਦੇ ਪੁਖਤਾ ਪ੍ਰਬੰਧਾਂ ਦੇ ਬਾਵਜੂਦ ਬੰਬ ਵਿਸਫੋਟ
ਇਲਾਹਾਬਾਦ : ਕੇਂਦਰੀ ਯੂਨੀਵਰਸਿਟੀ ਅਤੇ ਉਸ ਦੇ ਅਧੀਨ ਆਉਣ ਵਾਲੇ ਕਾਲਜਾਂ ਵਿਚ ਵਿਦਿਆਰਥੀ ਯੂਨੀਅਨ ਦੀਆਂ ਚੌਣਾਂ ਦੌਰਾਨ ਕੈਂਪਸ ਵਿਚ ਸੁਰੱਖਿਆ ਦੇ ਪੁਖਤਾ ਪ੍ਰਬੰਧਾਂ ਦੇ ਬਾਵਜੂਦ ਸੀਐਮਪੀ ਡਿਗਰੀ ਕਾਲਜ ਦੇ ਬਾਹਰ ਬੰਬ ਵਿਸਫੋਟ ਹੋ ਗਿਆ ਜਿਸ ਨਾਲ ਵਿਦਿਆਰਥੀਆਂ ਵਿਚ ਭਜਦੌੜ ਮਚ ਗਈ। ਮੌਕੇ ਤੇ ਪੁਲਿਸ ਅਤੇ ਪੀਏਸੀ ਪਹੁੰਚ ਗਈ ਤੇ ਫਰਜ਼ੀ ਵੋਟ ਪਾਉਣ ਜਾ ਰਹੇ ਵਿਦਿਆਰਥੀਆਂ ਨੂੰ ਪੁਲਿਸ ਨੇ ਹਿਰਾਸਤ ਵਿਚ ਲੈ ਕੇ ਕੈਂਟ ਥਾਣੇ ਵਿਚ ਭੇਜ ਦਿਤਾ।
Security
19 ਹਜ਼ਾਰ ਤੋਂ ਵੱਧ ਵਿਦਿਆਰਥੀਆਂ ਨੇ ਸਥਾਪਿਤ ਕੀਤੇ ਗਏ 44 ਵੋਟ ਬੂਥਾਂ ਤੇ 55 ਉਮੀਦਵਾਰਾਂ ਦੇ ਭਵਿਖ ਲਈ ਵੋਟਾਂ ਪਾਈਆਂ। ਇਸ ਵਿਚ ਪ੍ਰਧਾਨ ਅਤੇ ਉਪ ਪ੍ਰਧਾਨ ਦੇ ਅਹੁਦੇ ਲਈ 7-7 ਉਮੀਦਵਾਰ ਮੈਦਾਨ ਵਿਚ ਹਨ। ਇਲਾਹਾਬਾਦ ਯੂਨੀਵਰਸਿਟੀ ਵਿਚ ਚੌਣਾਂ ਦੌਰਾਨ ਦੂਜੀ ਵਾਰ ਨੋਟਾ ਦਾ ਵਿਕਲਪ ਦਿਤਾ ਗਿਆ ਸੀ। ਵਿਦਿਆਰਥੀ ਯੂਨੀਅਨ ਚੌਣਾਂ ਨੂੰ ਸਾਂਤਮਈ ਤਰੀਕੇ ਨਾਲ ਨਬੇੜਨ ਲਈ ਯੂਨੀਵਰਸਿਟੀ ਕੈਂਪਸ ਦੇ ,
RAF Deployed
ਅੰਦਰ ਅਤੇ ਬਾਹਰ ਪੁਲਿਸ ਪੀਏਸੀ ਦੇ ਨਾਲ ਹੀ ਆਰਏਐਫ ਜਵਾਨਾਂ ਦੀ ਤੈਨਾਤੀ ਕੀਤੀ ਗਈ ਅਤੇ ਡਰੋਨ ਕੈਮਰੇ ਦੀ ਵਰਤੋਂ ਵੀ ਕੀਤੀ ਗਈ। ਕੈਂਪਸ ਵਿਚ ਸਾਰੇ ਪਾਸੇ ਸੀਸੀਟੀਵੀ ਕੈਮਰੇ ਲਗੇ ਹੋਏ ਹਨ। ਵੋਟਾਂ ਦੀ ਗਿਣਤੀ ਸ਼ੁਰੂ ਹੋ ਚੁੱਕੀ ਹੈ। ਵੋਟਾਂ ਪਾਉਣ ਤੋਂ ਲੈ ਕੇ ਵੋਟਾਂ ਦੀ ਗਿਣਤੀ ਤਕ ਹਰ ਬੂਥ ਦੀ ਵੀਡਿਓ ਰਿਕਾਰਡਿੰਗ ਦਾ ਪ੍ਰਬੰਧ ਹੈ। ਅੱਜ ਦੇਰ ਰਾਤ ਤੱਕ ਨਤੀਜਿਆਂ ਦਾ ਐਲਾਨ ਕਰ ਦਿਤਾ ਜਾਵੇਗਾ।
