ਇਕ ਦਿਨ 'ਚ ਆਏ 86,432 ਨਵੇਂ ਪਾਜ਼ੇਟਿਵ ਮਾਮਲੇ ਆਏ
ਨਵੀਂ ਦਿੱਲੀ : ਭਾਰਤ 'ਚ ਸਿਰਫ਼ 13 ਦਿਨ ਦੇ ਅੰਦਰ ਹੀ ਕੋਵਿਡ 19 ਦੇ ਮਰੀਜ਼ਾਂ ਦੀ ਗਿਣਤੀ 30 ਲੱਖ ਤੋਂ ਵੱਧ ਕੇ 40 ਲੱਖ ਦੇ ਪਾਰ ਪਹੁੰਚ ਗਈ, ਜਿਨ੍ਹਾਂ 'ਚ ਸਨਿਚਰਵਾਰ ਨੂੰ ਸਾਹਮਣੇ ਆਏ 86,432 ਨਵੇਂ ਮਾਮਲੇ ਵੀ ਸ਼ਾਮਲ ਹਨ।
Corona virus
ਕੇਂਦਰੀ ਸਿਹਤ ਮੰਤਰਾਲੇ ਮੁਤਾਬਕ, ਸਨਿਚਰਵਾਰ ਤਕ 31,07,223 ਮਰੀਜ਼ ਠੀਕ ਹੋਏ ਹਨ, ਜਿਸ ਦੇ ਨਾਲ ਕੋਵਿਡ 19 ਮਰੀਜ਼ਾਂ ਦੇ ਠੀਕ ਹੋਣ ਦੀ ਦਰ ਵੱਧ ਕੇ 77.23 ਫ਼ੀ ਸਦੀ ਹੋ ਗਈ ਹੈ।
Coronavirus
ਕੇਂਦਰੀ ਸਿਹਤ ਮੰਤਰਾਲੇ ਵਲੋਂ ਸਨਿਚਰਵਾਰ ਸਵੇਰੇ ਜਾਰੀ ਕੀਤੇ ਅੰਕੜਿਆਂ ਮੁਤਾਬਕ ਦੇਸ਼ 'ਚ ਕੁਲ ਕੋਵਿਡ 19 ਮਰੀਜ਼ਾਂ ਦੀ ਗਿਣਤੀ ਵੱਧ ਕੇ 40,23,179 ਹੋ ਗਈ ਹੈ। ਮੰਤਰਾਲੇ ਮੁਤਾਬਕ ਪਿਛਲੇ 24 ਘੰਟਿਆਂ 'ਚ 1,089 ਮਰੀਜ਼ਾਂ ਦੀ ਮੌਤ ਹੋਈ ਹੈ, ਜਿਨ੍ਹਾਂ ਨੂੰ ਮਿਲਾ ਕੇ ਹੁਣ ਤਕ ਦੇਸ਼ 'ਚ ਕੁਲ 69,561 ਪੀੜਤਾਂ ਦੀ ਮੌਤ ਹੋ ਚੁੱਕੀ ਹੈ।
Corona Test
ਅੰਕੜਿਆਂ ਮੁਤਾਬਕ, ਭਾਰਤ 'ਚ ਕੋਵਿਡ 19 ਮਰੀਜ਼ਾਂ ਦੀ ਗਿਣਤੀ 10 ਲੱਖ ਤੋਂ 20 ਲੱਖ ਤਕ ਪਹੁੰਚਣ ਲਈ 21 ਦਿਨਾਂ ਦਾ ਸਮੇਂ ਲਗਿਆ ਸੀ ਜਦੋਂ ਕਿ 20 ਤੋਂ 30 ਲੱਖ ਮਰੀਜ਼ ਹੋਣ 'ਚ 16 ਹੋਰ ਦਿਨ ਲੱਗੇ। ਹਾਲਾਂਕਿ, ਪੀੜਤਾਂ ਦੀ ਗਿਣਤੀ 30 ਲੱਖ ਤੋਂ 40 ਲੱਖ ਤਕ ਪਹੁੰਚਣ 'ਚ ਸਿਰਫ਼ 13 ਦਿਨਾਂ ਦਾ ਸਮੇਂ ਲੱਗਾ ਹੈ।
Corona virus
ਅੰਕੜਿਆਂ ਮੁਤਾਬਕ ਕੋਵਿਡ 19 ਨਾਲ ਮਰਨ ਵਾਲਿਆਂ ਦੀ ਦਰ 'ਚ ਹੋਰ ਗਿਰਾਵਟ ਆਈ ਹੈ ਅਤੇ ਹੁਦ ਇਹ 1.73 ਫ਼ੀ ਸਦੀ ਰਹਿ ਗਈ ਹੈ। ਇਸ ਸਮੇਂ ਦੇਸ਼ 'ਚ ਕੋਵਿਡ 19 ਦੇ 8,46,395 ਮਰੀਜ਼ ਇਲਾਜਅਧੀਨ ਹਨ ਜੋ ਕੁਲ ਮੀਰਜ਼ਾਂ ਦਾ 21.04 ਫ਼ੀ ਸਦੀ ਹੈ।
