Operation Sindoor: ਮਲੇਸ਼ੀਆ, ਇੰਡੋਨੇਸ਼ੀਆ ਸਮੇਤ 9 ਦੇਸ਼ਾਂ ਦਾ ਕੀਤਾ ਦੌਰਾ, 8 ਜੂਨ ਤੱਕ ਵਾਪਸ ਆ ਜਾਣਗੇ ਹੋਰ ਵਫ਼ਦ
Sanjay Jha and Shinde's delegation returns home: ਜੇਡੀ (ਯੂ) ਦੇ ਸੰਸਦ ਮੈਂਬਰ ਸੰਜੇ ਝਾਅ ਅਤੇ ਸ਼ਿਵ ਸੈਨਾ ਦੇ ਸੰਸਦ ਮੈਂਬਰ ਸ਼੍ਰੀਕਾਂਤ ਸ਼ਿੰਦੇ ਦੀ ਅਗਵਾਈ ਵਾਲਾ ਵਫ਼ਦ ਬੁੱਧਵਾਰ ਨੂੰ ਭਾਰਤ ਵਾਪਸ ਆ ਗਿਆ। ਸੰਜੇ ਝਾਅ ਅੱਠ ਹੋਰ ਮੈਂਬਰਾਂ ਦੇ ਨਾਲ ਪੰਜ ਦੇਸ਼ਾਂ ਦਾ ਦੌਰੇ ’ਤੇ ਗਏ ਸਨ। ਇਨ੍ਹਾਂ ਵਿੱਚ ਇੰਡੋਨੇਸ਼ੀਆ, ਮਲੇਸ਼ੀਆ, ਕੋਰੀਆ, ਜਾਪਾਨ ਅਤੇ ਸਿੰਗਾਪੁਰ ਸ਼ਾਮਲ ਹਨ।
ਇਸ ਦੇ ਨਾਲ ਹੀ ਸ਼ਿੰਦੇ ਦੇ ਨਾਲ ਸੱਤ ਹੋਰ ਮੈਂਬਰ ਚਾਰ ਦੇਸ਼ਾਂ ਯੂਏਈ, ਲਾਇਬੇਰੀਆ, ਕਾਂਗੋ ਗਣਰਾਜ ਅਤੇ ਸੀਅਰਾ ਲਿਓਨ ਦੇ ਦੌਰੇ ’ਤੇ ਸਨ। ਮੰਗਲਵਾਰ ਨੂੰ ਭਾਜਪਾ ਸੰਸਦ ਮੈਂਬਰ ਬੈਜਯੰਤ ਪਾਂਡਾ ਦੀ ਅਗਵਾਈ ਵਾਲਾ ਵਫ਼ਦ ਵਾਪਸ ਆ ਗਿਆ। ਇਸ ਸਮੂਹ ਵਿੱਚ ਏਆਈਐਮਆਈਐਮ ਦੇ ਸੰਸਦ ਮੈਂਬਰ ਅਸਦੁਦੀਨ ਓਵੈਸੀ ਸਮੇਤ ਸੱਤ ਹੋਰ ਮੈਂਬਰ ਸਨ। ਉਨ੍ਹਾਂ ਨੇ ਚਾਰ ਦੇਸ਼ਾਂ ਸਾਊਦੀ ਅਰਬ, ਕੁਵੈਤ, ਬਹਿਰੀਨ ਅਤੇ ਅਲਜੀਰੀਆ ਦਾ ਦੌਰਾ ਕੀਤਾ ਸੀ।
ਬਾਕੀ ਪੰਜ ਵਫ਼ਦ 8 ਜੂਨ ਤੱਕ ਆਪਣੇ ਵਿਦੇਸ਼ੀ ਦੌਰੇ ਤੋਂ ਵਾਪਸ ਆ ਜਾਣਗੇ। ਕੇਂਦਰ ਸਰਕਾਰ ਨੇ ਦੁਨੀਆ ਨੂੰ ਆਪ੍ਰੇਸ਼ਨ ਸਿੰਦੂਰ ਦਾ ਉਦੇਸ਼ ਦੱਸਣ ਲਈ ਸਾਰੀਆਂ ਪਾਰਟੀਆਂ ਦੇ ਕੁੱਲ 59 ਸੰਸਦ ਮੈਂਬਰਾਂ ਨੂੰ 33 ਦੇਸ਼ਾਂ ਵਿੱਚ ਭੇਜਿਆ ਹੈ। ਇਨ੍ਹਾਂ ਸੰਸਦ ਮੈਂਬਰਾਂ ਦੇ ਸੱਤ ਵਫ਼ਦ ਸਮੂਹ ਵੱਖ-ਵੱਖ ਦੇਸ਼ਾਂ ਦੇ ਦੌਰੇ ’ਤੇ ਹਨ। ਅੱਠ ਸਾਬਕਾ ਡਿਪਲੋਮੈਟ ਵੀ ਇਨ੍ਹਾਂ ਵਫ਼ਦਾਂ ਦਾ ਹਿੱਸਾ ਹਨ।
(For more news apart from Operation Sindoor Latest News, stay tuned to Rozana Spokesman)
