ਦੋ ਜਣਿਆਂ ਦੀ ਮੌਤ, ਇਕ ਲਾਪਤਾ
ਉਜੈਨ: ਮੱਧ ਪ੍ਰਦੇਸ਼ ਦੇ ਉਜੈਨ ਜ਼ਿਲ੍ਹੇ ’ਚ ਵੀਰਵਾਰ ਨੂੰ 12 ਵਿਅਕਤੀਆਂ ਅਤੇ ਇਕ ਦੇਵੀ ਦੀ ਮੂਰਤੀ ਨੂੰ ਵਿਸਰਜਨ ਲਈ ਲੈ ਕੇ ਜਾ ਰਹੀ ਟਰੈਕਟਰ-ਟਰਾਲੀ ਚੰਬਲ ਦੇ ਨਦੀ ’ਚ ਡਿੱਗਣ ਕਾਰਨ 8-16 ਸਾਲ ਦੀ ਉਮਰ ਦੇ ਦੋ ਬੱਚਿਆਂ ਦੀ ਮੌਤ ਹੋ ਗਈ ਅਤੇ ਇਕ ਹੋਰ ਲੜਕਾ ਲਾਪਤਾ ਹੋ ਗਿਆ।
ਵਧੀਕ ਪੁਲਿਸ ਕਪਤਾਨ ਅਭਿਸ਼ੇਕ ਰੰਜਨ ਨੇ ਦਸਿਆ ਕਿ ਇਹ ਘਟਨਾ ਜ਼ਿਲ੍ਹਾ ਹੈੱਡਕੁਆਰਟਰ ਤੋਂ ਕਰੀਬ 30 ਕਿਲੋਮੀਟਰ ਦੂਰ ਨਰਸਿੰਘਾ ਪਿੰਡ ਨੇੜੇ ਵਾਪਰੀ, ਜਦੋਂ ਟਰੈਕਟਰ ਵਿਜੇਦਸ਼ਮੀ ਦੇ ਮੌਕੇ ਉਤੇ ਮੂਰਤੀ ਵਿਸਰਜਨ ਲਈ ਬਡਨਗਰ ਤਹਿਸੀਲ ਦੇ ਪਿਰਝਾਲਾਰ ਪਿੰਡ ਤੋਂ ਜਾ ਰਿਹਾ ਸੀ।
ਵਧੀਕ ਐਸ.ਪੀ. ਨੇ ਦਸਿਆ ਕਿ ਇਕ 12 ਸਾਲ ਦੇ ਲੜਕੇ ਨੇ ਗਲਤੀ ਨਾਲ ਟਰੈਕਟਰ ਦੀ ਇਗਨੀਸ਼ਨ ਚਾਬੀ ਨੂੰ ਘੁੰਮਾਇਆ, ਜਿਸ ਕਾਰਨ ਇਹ ਟਰੈਕਟਰ ਸਟਾਰਟ ਹੋ ਗਿਆ ਅਤੇ ਅੱਗੇ ਵਧਣ ਲੱਗਾ। ਟਰੈਕਟਰ ਪੁਲ ਤੋਂ ਖਿਸਕ ਕੇ ਮੂਰਤੀ ਅਤੇ ਟਰਾਲੀ ’ਚ ਸਵਾਰ 12 ਵਿਅਕਤੀਆਂ ਨਾਲ ਨਦੀ ਵਿਚ ਚਲਾ ਗਿਆ।
ਗਿਆਰਾਂ ਲੋਕਾਂ ਨੂੰ ਬਚਾ ਲਿਆ ਗਿਆ। ਹਾਲਾਂਕਿ, ਸ਼ੁਭਮ ਵਜੋਂ ਪਛਾਣਿਆ ਗਿਆ ਇਕ 16 ਸਾਲ ਦਾ ਲੜਕਾ ਲਾਪਤਾ ਹੈ। ਰਾਜ ਆਫ਼ਤ ਪ੍ਰਬੰਧਨ ਬਲ (ਐਸ.ਆਰ.ਡੀ.ਐਫ.) ਦੇ ਜਵਾਨਾਂ ਨੇ ਡਰਾਈਵਰਾਂ ਨਾਲ ਮਿਲ ਕੇ ਉਸ ਦੀ ਭਾਲ ਮੁਹਿੰਮ ਚਲਾਈ ਹੈ। ਇੰਗੋਰੀਆ ਥਾਣੇ ਦੇ ਐਸ.ਐਚ.ਓ. ਦੀਪੇਸ਼ ਵਿਆਸ ਨੇ ਦਸਿਆ ਕਿ ਹਸਪਤਾਲ ਵਿਚ ਦਾਖਲ ਦੋ ਵਿਅਕਤੀਆਂ ਦੀ ਪਛਾਣ ਵੰਸ਼ (8) ਅਤੇ ਪ੍ਰਿਥਵੀਰਾਜ (16) ਵਜੋਂ ਹੋਈ ਹੈ। ਦੋ ਹੋਰ ਜ਼ਖਮੀ ਬੱਚਿਆਂ, ਭਰਤ ਦਾ ਪੁੱਤਰ ਅਨੀਸ (10) ਅਤੇ ਅਰਜੁਨ ਦੇ ਪੁੱਤਰ ਅੰਸ਼ (6) ਨੂੰ ਇਲਾਜ ਲਈ ਉਜੈਨ ਰੈਫਰ ਕਰ ਦਿਤਾ ਗਿਆ ਹੈ। ਚਾਰ ਹੋਰ ਲੋਕਾਂ ਨੂੰ ਸਥਾਨਕ ਹਸਪਤਾਲ ’ਚ ਦਾਖਲ ਕਰਵਾਇਆ ਗਿਆ ਹੈ। (ਪੀਟੀਆਈ)
