ਲੰਡਨ— ਇਕ ਬ੍ਰਿਟਿਸ਼ ਮਹਿਲਾ ਸੈਲਾਨੀ ਨੂੰ ਡਿਪੋਰਟ ਕੀਤੇ ਜਾਣ 'ਤੇ ਸ਼੍ਰੀਲੰਕਾ ਤੋਂ 80 ਲੱਖ ਰੁਪਏ ਦਾ ਮੁਆਵਜ਼ਾ ਮਿਲਿਆ ਹੈ। ਬ੍ਰਿਟੇਨ ਦੀ ਰਹਿਣ ਵਾਲੀ ਨਾਓਮੀ ਕੋਲਮੈਨ 2014 'ਚ ਸ਼੍ਰੀਲੰਕਾ ਘੁੰਮਣ ਆਈ ਸੀ। ਉਦੋਂ ਉਸ ਨੇ ਆਪਣੀ ਸੱਜੀ ਬਾਂਹ 'ਤੇ ਬੁੱਧ ਦਾ ਟੈਟੂ ਬਣਵਾਇਆ ਸੀ।
ਸ਼੍ਰੀਲੰਕਾ ਦੀ ਰਾਜਧਾਨੀ ਕੋਲੰਬੋ 'ਚ ਰਹਿਣ ਦੌਰਾਨ ਉਸ ਨੂੰ ਪੁਲਸ ਨੇ ਬੁੱਧ ਦਾ ਟੈਟੂ ਬਣਵਾਉਣ ਕਾਰਨ ਗ੍ਰਿਫਤਾਰ ਕਰ ਲਿਆ ਸੀ। ਪੁਲਸ ਦਾ ਦੋਸ਼ ਸੀ ਕਿ ਕੋਲਮੈਨ ਨੇ ਅਜਿਹਾ ਟੈਟੂ ਬਣਵਾ ਕੇ ਲੋਕਾਂ ਦੀਆਂ ਧਾਰਮਿਕ ਭਾਵਨਾਵਾਂ ਨਾਲ ਖਿਲਵਾੜ ਕੀਤਾ ਹੈ। ਪੁਲਸ ਨੇ ਉਸ ਨੂੰ ਚਾਰ ਦਿਨ ਹਿਰਾਸਤ 'ਚ ਰੱਖਿਆ ਸੀ, ਜਿਸ ਤੋਂ ਬਾਅਦ ਉਸ ਨੂੰ ਡਿਪੋਰਟ ਕਰ ਦਿੱਤਾ ਗਿਆ ਸੀ।
ਬ੍ਰਿਟਿਸ਼ ਔਰਤ ਨੇ ਸ਼੍ਰੀਲੰਕਾ ਸਰਕਾਰ ਦੇ ਇਸ ਰਵੱਈਏ ਖਿਲਾਫ ਅਦਾਲਤ 'ਚ ਪਟੀਸ਼ਨ ਦਾਇਰ ਕੀਤੀ। ਇਸ ਮਾਮਲੇ ਦੀ ਸੁਣਵਾਈ ਕਰਦੇ ਹੋਏ ਜਸਟਿਸ ਇਵਾ ਵੰਸੁਡੇਰਾ ਤੇ ਨਲਿਨ ਪਾਰੇਰਾ ਦੇ ਨਾਲ ਜਸਟਿਸ ਅਨਿਲ ਗੋਨੇਰਟੇਨ ਨੇ ਕੋਲਮੈਨ ਨੂੰ 80 ਲੱਖ ਦਾ ਮੁਆਵਜ਼ਾ ਦੇਣ ਦਾ ਫੈਸਲਾ ਸੁਣਾਇਆ।
