ਸੋਮਵਾਰ ਦੇ ਸ਼ੁਰੂਆਤੀ ਕੰਮ-ਕਾਜ ਵਿਚ ਰੁਪਿਆ 9 ਪੈਸੇ ਟੁੱਟ ਕੇ 72.02 ਦੇ ਪੱਧਰ 'ਤੇ ਪਹੁੰਚ ਗਿਆ। ਹਾਲਾਂਕਿ ਕੁੱਝ ਦੇਰ ਬਾਅਦ ਇਸ ਵਿਚ ਸੁਧਾਰ ਦੇਖਣ ਨੂੰ ਮਿਲਿਆ ਅਤੇ ...

ਨਵੀਂ ਦਿੱਲੀ (ਭਾਸ਼ਾ) :- ਸੋਮਵਾਰ ਦੇ ਸ਼ੁਰੂਆਤੀ ਕੰਮ-ਕਾਜ ਵਿਚ ਰੁਪਿਆ 9 ਪੈਸੇ ਟੁੱਟ ਕੇ 72.02 ਦੇ ਪੱਧਰ 'ਤੇ ਪਹੁੰਚ ਗਿਆ। ਹਾਲਾਂਕਿ ਕੁੱਝ ਦੇਰ ਬਾਅਦ ਇਸ ਵਿਚ ਸੁਧਾਰ ਦੇਖਣ ਨੂੰ ਮਿਲਿਆ ਅਤੇ ਇਹ ਇਕ ਵਾਰ ਫਿਰ ਤੋਂ 72 ਦੇ ਪੱਧਰ ਦੇ ਹੇਠਾਂ ਆ ਗਿਆ। ਸਵੇਰੇ 10:55 'ਤੇ ਡਾਲਰ ਦੇ ਮੁਕਾਬਲੇ ਰੁਪਿਆ 71.97 ਦੇ ਪੱਧਰ ਉੱਤੇ ਕੰਮ-ਕਾਜ ਕਰਦਾ ਵੇਖਿਆ ਗਿਆ।  ਬੀਤੇ ਸ਼ੁੱਕਰਵਾਰ ਦੇ ਕੰਮ-ਕਾਜ ਵਿਚ ਰੁਪਿਆ 71.93 ਦੇ ਪੱਧਰ 'ਤੇ ਬੰਦ ਹੋਇਆ ਸੀ।

Rupee

ਕੇਡਿਆ ਕਮੋਡਿਟੀ ਦੇ ਪ੍ਰਮੁੱਖ ਅਜੈ ਕੇਡੀਆ ਦੇ ਮੁਤਾਬਕ ਦਸੰਬਰ 2018 ਤੱਕ ਦੀ ਗੱਲ ਕਰੋ ਤਾਂ ਜੇਕਰ ਰੁਪਏ ਵਿਚ ਅਜਿਹਾ ਹੀ ਸਮਰਥਨ ਜਾਰੀ ਰਿਹਾ ਤਾਂ ਉਹ ਡਾਲਰ ਦੇ ਮੁਕਾਬਲੇ 70.40 ਦਾ ਘੱਟ ਤੋਂ ਘੱਟ ਅਤੇ ਜੇਕਰ ਵਿਧਾਨ ਸਭਾ ਚੋਣ ਦੇ ਨਤੀਜਿਆਂ ਦੀ ਗੱਲ ਕਰੀਏ ਤਾਂ ਇਹ 74 ਦਾ ਉੱਚਤਮ ਪੱਧਰ ਛੂ ਸਕਦਾ ਹੈ। ਰੁਪਏ ਦੀ ਮਜਬੂਤੀ ਦਾ ਇਕਮਾਤਰ ਹੋਰ ਵੱਡਾ ਕਾਰਨ ਕਰੂਡ ਦੀਆਂ ਕੀਮਤਾਂ ਵਿਚ ਆ ਰਹੀ ਲਗਾਤਾਰ ਗਿਰਾਵਟ ਹੈ।

Crude Oil

ਸਤੰਬਰ 2018 ਤੋਂ ਹੁਣ ਤੱਕ ਕਰੂਡ ਦੀਆਂ ਕੀਮਤਾਂ ਵਿਚ 30 ਫੀਸਦੀ ਤੱਕ ਦੀ ਗਿਰਾਵਟ ਦੇਖਣ ਨੂੰ ਮਿਲ ਚੁੱਕੀ ਹੈ। ਭਾਰਤ ਦੇ ਆਯਾਤ ਬਿਲ ਵਿਚ ਕਰੂਡ ਦੀ ਵੱਡੀ ਹਿੱਸੇਦਾਰੀ ਹੁੰਦੀ ਹੈ, ਕਿਉਂਕਿ ਅਸੀਂ ਆਪਣੀ ਜ਼ਰੂਰਤ ਦਾ 80 ਫੀਸਦੀ ਤੇਲ ਆਯਾਤ ਕਰਦੇ ਹਾਂ। ਲਿਹਾਜਾ ਕਰੂਜ ਦੇ ਸਸਤੇ ਹੋਣ ਨਾਲ ਸਾਡਾ ਆਯਾਤ ਵੀ ਸਸਤਾ ਹੋਇਆ ਹੈ ਜਿਸ ਵਜ੍ਹਾ ਨਾਲ ਰੁਪਏ ਵਿਚ ਮਜਬੂਤੀ ਵਿੱਖ ਰਹੀ ਹੈ। ਦੁਨੀਆ ਵਿਚ ਦੋ ਤਰ੍ਹਾਂ ਦੇ ਕਰੂਡ ਆਇਲ ਦੀ ਸਪਲਾਈ ਹੁੰਦੀ ਹੈ। ਇਕ ਡਬਲਿਯੂਟੀਆਈ ਕਰੂਡ ਅਤੇ ਦੂਜਾ ਬਰੈਂਟ ਕਰੂਡ।