ਇਸਰੋ ਨੇ ਇਸ ਗੱਲ ਦੀ ਜਾਣਕਾਰੀ ਦਿੰਦੇ ਹੋਏ ਟਵੀਟ ਕੀਤਾ ਕਿ ਵਾਹਨ ਸਿਸਟਮ ਵਿਚ ਟੀ-56 ਮਿੰਟ ਤੇ ਕੋਈ ਕਮੀ ਦਿਖਾਈ ਦਿੱਤੀ। ਸਾਵਧਾਨੀ ਦੇ ਤੌਰ ਤੇ ਚੰਦਰਯਾਨ-2 ਦਾ ....
ਨਵੀਂ ਦਿੱਲੀ- ਇੰਡੀਅਨ ਸਪੇਸ ਰਿਸਰਚ ਆਰਗੇਨਾਈਜੇਸ਼ਨ (ਇਸਰੋ) ਨੇ ਤਕਨੀਕੀ ਕਮੀਆਂ ਕਾਰਨ ਚੰਦਰਯਾਨ -2 ਦੀ ਲਾਚਿੰਗ ਨੂੰ ਟਾਲ ਦਿੱਤਾ ਹੈ। ਕਾਊਟਡਾਊਨ ਖਤਮ ਹੋਣ ਤੋਂ 56 ਮਿੰਟ 24 ਸੈਕਿੰਡ ਪਹਿਲਾਂ ਇਸ ਵਿਚ ਕੋਈ ਤਕਨੀਕੀ ਕਮੀ ਦਿਖਾਈ ਦਿੱਤੀ ਜਿਸ ਤੋਂ ਬਾਅਦ ਇਹ ਸਲਾਹ ਕੀਤੀ ਗਈ ਕਿ ਇਸ ਨੂੰ ਲਾਂਚ ਕਰਨ ਲਈ ਨਵਾਂ ਦਿਨ ਤੈਅ ਕੀਤਾ ਜਾਵੇਗਾ।
ਇਸਰੋ ਨੇ ਇਸ ਗੱਲ ਦੀ ਜਾਣਕਾਰੀ ਦਿੰਦੇ ਹੋਏ ਟਵੀਟ ਕੀਤਾ ਕਿ ਵਾਹਨ ਸਿਸਟਮ ਵਿਚ ਟੀ-56 ਮਿੰਟ ਤੇ ਕੋਈ ਕਮੀ ਦਿਖਾਈ ਦਿੱਤੀ। ਸਾਵਧਾਨੀ ਦੇ ਤੌਰ ਤੇ ਚੰਦਰਯਾਨ-2 ਦਾ ਪ੍ਰੋਜੈਕਟ ਅੱਜ ਲਈ ਟਾਲ ਦਿੱਤਾ ਗਿਆ ਹੈ। ਨਵੀਂ ਤਾਰੀਖ ਦਾ ਐਲਾਨ ਬਾਅਦ ਵਿਚ ਕੀਤਾ ਜਾਵੇਗਾ। ਸਪੇਸ ਏਜੰਸੀ ਨੇ ਇਸ ਤੋਂ ਪਹਿਲਾਂ ਪ੍ਰੋਜੈਕਟ ਦੀ ਤਾਰੀਖ਼ ਜਨਵਰੀ ਦੇ ਪਹਿਲੇ ਹਫ਼ਤੇ ਰੱਖੀ ਸੀ ਪਰ ਫਿਰ ਇਸ ਨੂੰ ਬਦਲ ਕੇ 15 ਜੁਲਾਈ ਕਰ ਦਿੱਤੀ ਗਿਆ।
chandrayaan-2 launch called off due to technical flaw
ਇਸਰੋ ਦੇ ਮੁਖੀ ਸਿਵਨ ਨੇ ਸ਼ੁਰੂਆਤ ਤੋਂ ਪਹਿਲਾਂ ਦੱਸਿਆ ਕਿ ਜੇਕਰ ਅੱਜ ਇਸਨੂੰ ਟਾਲ ਦਿੱਤਾ ਜਾਂਦਾ ਹੈ ਤਾਂ ਇਸ ਨੂੰ ਦੁਬਾਰਾ ਭੇਜਣ ਬਾਰੇ ਸੋਚਿਆ ਜਾਵੇਗਾ ਪਰ ਲਾਂਚ ਵਿੰਡੋ ਨੂੰ ਕਈ ਤਕਨੀਕੀ ਕਮੀਆਂ ਨੂੰ ਪੂਰਾ ਕਰਨਾ ਪੈਂਦਾ ਹੈ ਇਸ ਲਈ ਨਵੀਂ ਤਾਰੀਖ਼ ਤੈਅ ਕਰਨ ਵਿਚ ਮਹੀਨਾ ਜਾਂ ਦੋ ਮਹੀਨੇ ਵੀ ਲੱਗ ਸਕਦੇ ਹਨ। ਚੰਦਰਯਾਨ-2 ਨੂੰ ਜੀਐਸਐਲਵੀ ਮਾਰਕ-। । । - ਐਮ 1 ਰਾਕੇਟ ਦੇ ਜਰੀਏ ਚੰਨ ਦੇ ਦੱਖਣੀ ਧਰੁਵ ਉੱਤੇ ਲੈ ਜਾਇਆ ਜਾਣਾ ਸੀ।
ਸ਼ਿਰੀਹਰੀਕੋਟਾ ਸਥਿਤ ਸਤੀਸ਼ ਧਵਨ ਸਪੇਸ ਕੇਂਦਰ ਤੋਂ ਸੋਮਵਾਰ ਨੂੰ 2.51 ਤੇ ਚੰਦਰਯਾਨ-2 ਦਾ ਪਰਖੇਪਣ ਹੋਣਾ ਸੀ ਜਿਸ ਉੱਤੇ ਪੂਰੇ ਦੇਸ਼ ਦੀਆਂ ਨਜਰਾਂ ਟਿਕੀਆਂ ਸਨ। ਇਸ 3,850 ਕਿੱਲੋਗ੍ਰਾਮ ਵਜਨੀ ਸਪੇਸ ਯਾਨ ਨੂੰ ਆਪਣੇ ਨਾਲ ਇੱਕ ਆਰਬਿਟਰ , ਇੱਕ ਲੈਂਡਰ ਅਤੇ ਇੱਕ ਰੋਵਰ ਲੈ ਕੇ ਜਾਣਾ ਸੀ, ਹਾਲਾਂਕਿ ਚੰਦਰਯਾਨ-2 ਦੀ ਰਵਾਨਗੀ ਲਈ ਹੋ ਰਹੀ ਉਲਟੀ ਗਿਣਤੀ ਪਰਖੇਪਣ ਤੋਂ 56 ਮਿੰਟ 54 ਸੈਕਿੰਡ ਪਹਿਲਾਂ ਰੋਕ ਦਿੱਤੀ ਗਈ।
