ਦੁਨੀਆ ਦੀ ਸਭ ਤੋਂ ਵੱਡੀ ਸੋਸ਼ਲ ਸਾਇਟ ਫੇਸਬੁਕ ਦਾ ਉਹ ਸਭ ਤੋਂ ਖਾਸ ਫੀਚਰ ਜੋ ਤੁਹਾਨੂੰ ਸਭ ਤੋਂ ਜ਼ਿਆਦਾ ਖੁਸ਼ੀ ਦਿੰਦਾ ਹੈ ਉਹ ਹੁਣ ਬੰਦ ਹੋਣ ਵਾਲਾ ਹੈ।
ਨਵੀਂ ਦਿੱਲੀ : ਦੁਨੀਆ ਦੀ ਸਭ ਤੋਂ ਵੱਡੀ ਸੋਸ਼ਲ ਸਾਇਟ ਫੇਸਬੁਕ ਦਾ ਉਹ ਸਭ ਤੋਂ ਖਾਸ ਫੀਚਰ ਜੋ ਤੁਹਾਨੂੰ ਸਭ ਤੋਂ ਜ਼ਿਆਦਾ ਖੁਸ਼ੀ ਦਿੰਦਾ ਹੈ ਉਹ ਹੁਣ ਬੰਦ ਹੋਣ ਵਾਲਾ ਹੈ। ਹੁਣ ਤੁਸੀ ਸੋਚ ਰਹੇ ਹੋਵੋਗੇ ਕਿ ਅਜਿਹਾ ਕਿਹੜਾ ਫੀਚਰ ਹੈ ਜੋ ਸਭ ਤੋਂ ਜ਼ਿਆਦਾ ਖੁਸ਼ੀ ਦਿੰਦਾ ਹੈ ਤਾਂ ਇਸਦਾ ਜਵਾਬ ਹੈ ਲਾਈਕ। ਜਦੋਂ ਵੀ ਤੁਸੀਂ ਫੇਸਬੁਕ 'ਤੇ ਕੋਈ ਫੋਟੋ ਜਾਂ ਪ੍ਰੋਫਾਇਲ ਫੋਟੋ ਅਪਲੋਡ ਕਰਦੇ ਹੋ ਤਾਂ ਤੁਹਾਡੇ ਦੋਸਤ ਉਸਨੂੰ ਲਾਈਕ ਕਰਦੇ ਹਨ ਅਤੇ ਜਿਆਦਾ ਤੋਂ ਜਿਆਦਾ ਲਾਇਕਸ ਦੇਖਕੇ ਤੁਸੀ ਖੁਸ਼ ਹੁੰਦੇ ਹੋ ਕਿ ਤੁਹਾਡੀ ਫੋਟੋ ਨੂੰ 500 / 1000 ਲੋਕਾਂ ਨੇ ਲਾਈਕ ਕੀਤਾ ਪਰ ਫੇਸਬੁਕ ਇਸ ਫੀਚਰ ਨੂੰ ਬੰਦ ਕਰਨ ਦੀ ਤਿਆਰੀ ਵਿੱਚ ਹੈ।
Facebook
ਦਰਅਸਲ, ਜਦੋਂ ਵੀ ਕੋਈ ਕਿਸੇ ਫੋਟੋ ਨੂੰ ਫੇਸਬੁੱਕ ’ਤੇ ਲਾਈਕ ਕਰਦਾ ਹੈ ਤਾਂ ਫੋਟੋ ਦੇ ਨਾਲ ਇਹ ਦਿਖਾਈ ਦਿੰਦਾ ਹੈ ਕਿ ਕਿੰਨੇ ਲੋਕਾਂ ਨੇ ਉਸ ਨੂੰ ਲਾਈਕ ਕੀਤਾ ਹੈ। ਇਸ ਫੀਚਰ ਨੂੰ ਲਾਈਕ ਕਾਊਂਟ ਯਾਨੀ ਲਾਈਕ ਦੀ ਗਿਣਤੀ ਕਿਹਾ ਜਾਂਦਾ ਹੈ। ਹੁਣ ਇਸ ਲਾਈਕ ਕਾਊਂਟ ਫੀਚਰ ਨੂੰ ਫੇਸਬੁੱਕ ਬੰਦ ਕਰ ਰਹੀ ਹੈ। ਇਸ ਦੀ ਜਾਣਕਾਰੀ ਐਪ ਰਿਸਰਚਰ Jane Manchun Wong ਨੇ ਦਿੱਤੀ ਹੈ।
Facebook
ਉਨ੍ਹਾਂ ਫੇਸਬੁੱਕ ਦੇ ਐਂਡਰਾਇਡ ਐਪ ’ਚ ਇਕ ਕੋਡ ਦਾ ਖੁਲਾਸਾ ਕੀਤਾ ਹੈ। ਇਹ ਕੋਡ ਫੇਸਬੁੱਕ ਪੋਸਟ ਕਾਊਂਟ ਨੂੰ ਹਟਾਉਣ ਵਾਲਾ ਹੈ। ਉਥੇ ਹੀ ਫੇਸਬੁੱਕ ਨੇ ਵੀ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਲਾਈਕ ਕਾਊਂਟ ਨੂੰ ਹਾਈਡ ਯਾਨੀ ਲੁਕਾਉਣ ਵਾਲੀ ਹੈ, ਹਾਲਾਂਕਿ ਇਹ ਫੀਚਰ ਕਦੋਂ ਜਾਰੀ ਹੋਵੇਗੀ ਇਸ ਦੀ ਕੋਈ ਜਾਣਕਾਰੀ ਅਜੇ ਤਕ ਨਹੀਂ ਮਿਲੀ।
Facebook
ਇਸ ਫੀਚਰ ਦੇ ਆਉਣ ਤੋਂ ਬਾਅਦ ਤੁਹਾਨੂੰ ਗਿਣਤੀ ’ਚ ਇਹ ਨਹੀਂ ਦਿਸੇਗਾ ਕਿ ਕਸੇ ਪੋਸਟ ਨੂੰ ਕਿੰਨੇ ਲੋਕਾਂ ਨੇ ਲਾਈਕ ਕੀਤਾ ਹੈ। ਦੱਸ ਦੇਈਏ ਕਿ ਇਹ ਲਾਈਕ ਕਾਊਂਟ ਹਾਈਡ ਕਰਨ ਦਾ ਫੀਚਰ ਇੰਸਟਾਗ੍ਰਾਮ ’ਚ ਕੁਝ ਮਹੀਨੇ ਪਹਿਲਾਂ ਹੀ ਜਾਰੀ ਹੋਇਆ ਹੈ। ਇਸੇ ਫੀਚਰ ਨੂੰ ਹੁਣ ਕੰਪਨੀ ਫੇਸਬੁੱਕ ’ਤੇ ਟਰਾਈ ਕਰਨਾ ਚਾਹੁੰਦੀ ਹੈ। ਹਾਲਾਂਕਿ, ਇੰਸਟਾਗ੍ਰਾਮ ’ਚ ਲਾਈਕ ਕਾਊਂਟ ਫੀਚਰ ਅਜੇ ਭਾਰਤ ’ਚ ਲਾਈਵ ਨਹੀਂ ਹੋਇਆ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
