ਫੇਸਬੁੱਕ ਵੱਲੋਂ ਨਿੱਜਤਾ ਦੀ ਉਲੰਘਣਾ ਤੋਂ ਬਾਅਦ ਹੁਣ ਯੂਟਿਊਬ ਨੂੰ ਇੱਕ ਵੱਡਾ ਝਟਕਾ ਲੱਗਿਆ ਹੈ। ਜੋ ਕਿ ਅਮਰੀਕੀ ਰੈਗੂਲੇਟਰੀ ਵਲੋਂ 20 ਕਰੋੜ ਡਾਲਰ ਯਾਨੀ
ਵਾਸ਼ਿੰਗਟਨ: ਫੇਸਬੁੱਕ ਵੱਲੋਂ ਨਿੱਜਤਾ ਦੀ ਉਲੰਘਣਾ ਤੋਂ ਬਾਅਦ ਹੁਣ ਯੂਟਿਊਬ ਨੂੰ ਇੱਕ ਵੱਡਾ ਝਟਕਾ ਲੱਗਿਆ ਹੈ। ਜੋ ਕਿ ਅਮਰੀਕੀ ਰੈਗੂਲੇਟਰੀ ਵਲੋਂ 20 ਕਰੋੜ ਡਾਲਰ ਯਾਨੀ ਕਿ 1400 ਕਰੋੜ ਰੁਪਏ ਦੇ ਜੁਰਮਾਨੇ ਦੇ ਰੂਪ 'ਚ ਲਾਇਆ ਗਿਆ ਹੈ। ਇਹ ਕਾਰਵਾਈ ਬੱਚਿਆਂ ਦੀ ਨਿੱਜਤਾ ਦੀ ਉਲੰਘਣਾ ਦੇ ਮਾਮਲੇ ਵਿਚ ਕੀਤੀ ਗਈ ਹੈ। ਬੱਚਿਆਂ ਦੀ ਪ੍ਰਾਇਵੇਸੀ ਨਾਲ ਜੁੜੇ ਕਿਸੇ ਮਾਮਲੇ ਵਿਚ ਇਹ ਹੁਣ ਤੱਕ ਦਾ ਸਭ ਤੋਂ ਵੱਡਾ ਜੁਰਮਾਨਾ ਦੱਸਿਆ ਜਾ ਰਿਹਾ ਹੈ। ਅਮਰੀਕੀ ਉਪਭੋਗਤਾ ਸੁਰੱਖਿਆ ਏਜੰਸੀ ਫੈਡਰਲ ਟ੍ਰੇਡ ਕਮੀਸ਼ਨ (ਐਫ.ਟੀ.ਸੀ.) ਨੇ ਯੂ-ਟਿਊਬ 'ਤੇ ਲੱਗੇ ਦੋਸ਼ਾਂ ਦਾ ਨਿਪਟਾਰਾ ਕਰਦੇ ਹੋਏ ਇਹ ਜੁਰਮਾਨਾ ਲਗਾਇਆ ਹੈ।
Youtube Fined rs 1400 crore for breach of Privacy
ਇਸ 'ਤੇ ਅਜੇ ਅਮਰੀਕਾ ਦੇ ਨਿਆ ਵਿਭਾਗ ਦੀ ਮੋਹਰ ਲੱਗਣੀ ਬਾਕੀ ਹੈ। ਐਫ.ਟੀ.ਸੀ. ਦੇ ਫੈਸਲੇ ਦੀ ਵਿਸਥਾਰਤ ਜਾਣਕਾਰੀ ਅਜੇ ਤੱਕ ਜਾਰੀ ਨਹੀਂ ਕੀਤੀ ਗਈ ਹੈ। ਇਸ ਮਾਮਲੇ ਨਾਲ ਜੁੜੇ ਤਿੰਨ ਲੋਕਾਂ ਨੇ ਇਹ ਜਾਣਕਾਰੀ ਦਿੱਤੀ ਹੈ। ਬੱਚਿਆਂ ਦੀ ਪ੍ਰਾਇਵੇਸੀ ਨਾਲ ਜੁੜੇ ਇਕ ਮਾਮਲੇ ਵਿਚ ਐਫ.ਟੀ.ਸੀ. ਨੇ ਇਸੇ ਸਾਲ ਸੋਸ਼ਲ ਮੀਡੀਆ ਸ਼ੇਅਰਿੰਗ ਐਪ ਟਿਕਟਾਕ ਦੇ ਮਾਲਕਾਂ 'ਤੇ ਰਿਕਾਰਡ 57 ਲੱਖ ਡਾਲਰ (ਤਕਰੀਬਨ 40 ਕਰੋੜ ਰੁਪਏ) ਦਾ ਜੁਰਮਾਨਾ ਲਗਾਇਆ ਸੀ।
Youtube Fined rs 1400 crore for breach of Privacy
20 ਸਮੂਹਾਂ ਨੇ ਕੀਤੀ ਸੀ ਸ਼ਿਕਾਇਤ
ਬੱਚਿਆਂ ਦੀ ਪ੍ਰਾਇਵੇਸੀ ਦੇ ਤਕਰੀਬਨ 20 ਹਮਾਇਤੀ ਸਮੂਹਾਂ ਨੇ ਪਿਛਲੇ ਸਾਲ ਐਫ.ਟੀ.ਸੀ. ਵਿਚ ਯੂ-ਟਿਊਬ ਖਿਲਾਫ ਸ਼ਿਕਾਇਤ ਦਰਜ ਕਰਵਾਈ ਸੀ। ਇਸ ਵਿਚ ਦੋਸ਼ ਲਗਾਇਆ ਗਿਆ ਸੀ ਕਿ ਇਹ ਵੀਡੀਓ ਪਲੇਟਫਾਰਮ ਬੱਚਿਆਂ ਦੀ ਨਿੱਜੀ ਜਾਣਕਾਰੀ ਇਕੱਠੀ ਕਰ ਰਿਹਾ ਹੈ ਅਤੇ ਲਾਭ ਲੈ ਰਿਹਾ ਹੈ। ਇਹ ਸੰਘੀ ਪ੍ਰਾਇਵੇਸੀ ਕਾਨੂੰਨ ਦੀ ਉਲੰਘਣਾ ਹੈ। ਇਸ ਮਾਮਲੇ ਨਾਲ ਜੁੜੇ ਗੈਰ ਲਾਭਕਾਰੀ ਸਮੂਹ ਕਮਰਸ਼ੀਅਲ-ਫ੍ਰੀ ਚਾਈਲਡਹੁਡ ਦੇ ਕਾਰਜਕਾਰੀ ਅਧਿਕਾਰੀ ਜੋਸ਼ ਗੋਲਿਨ ਨੇ ਕਿਹਾ ਕਿ ਯੂ-ਟਿਊਬ ਨੇ ਬੱਚਿਆਂ ਦੀ ਪ੍ਰਾਇਵੇਸੀ ਸਬੰਧੀ ਕਾਨੂੰਨ ਨੂੰ ਨਜ਼ਰਅੰਦਾਜ਼ ਕਰਦੇ ਹੋਏ ਨਾਜਾਇਜ਼ ਤੌਰ 'ਤੇ ਡਾਟਾ ਇਕੱਠਾ ਕੀਤਾ ਅਤੇ ਭਾਰੀ ਮੁਨਾਫਾ ਕਮਾਇਆ।
Youtube Fined rs 1400 crore for breach of Privacy
ਅਮਰੀਕੀ ਸੰਸਦ ਵਿਚ ਪੇਸ਼ ਕੀਤੇ ਗਏ ਕਈ ਬਿਲ
ਅਮਰੀਕੀ ਨਾਗਰਿਕਾਂ ਦੇ ਸੋਸ਼ਲ ਮੀਡੀਆ ਡਾਟਾ ਅਤੇ ਜੇਨੇਟਿਕ ਡਾਟਾ ਸਮੇਤ ਕਈ ਦੂਜੀਆਂ ਜਾਣਕਾਰੀਆਂ ਦੀ ਸੁਰੱਖਿਆ ਨੂੰ ਹੋਰ ਪੁਖਤਾ ਕਰਨ ਲਈ ਇਸ ਸਾਲ ਸੰਸਦ ਵਿਚ ਕਈ ਬਿੱਲ ਪੇਸ਼ ਕੀਤੇ ਗਏ ਹਨ। ਇਹੀ ਨਹੀਂ ਕਈ ਅਮਰੀਕੀ ਸੰਸਦ ਮੈਂਬਰ ਅਤੇ ਰੈਗੂਲੇਟਰੀ ਫੇਸਬੁੱਕ ਅਤੇ ਗੂਗਲ ਵਰਗੀਆਂ ਦਿੱਗਜ ਕੰਪਨੀਆਂ ਦੇ ਵਰਤਾਓ 'ਤੇ ਚਿੰਤਾ ਵੀ ਜ਼ਾਹਿਰ ਕਰ ਚੁੱਕੇ ਹਨ। ਡਾਟਾ ਦੀ ਦੁਰਵਰਤੋਂ ਨੂੰ ਲੈ ਕੇ ਇਨ੍ਹਾਂ 'ਤੇ ਰੋਕ ਲਗਾਉਣ ਦੀ ਮੰਗ ਕੀਤੀ ਗਈ ਹੈ।
Youtube Fined rs 1400 crore for breach of Privacy
ਫੇਸਬੁੱਕ 'ਤੇ ਲੱਗਾ ਸੀ 35 ਹਜ਼ਾਰ ਕਰੋੜ ਦਾ ਜੁਰਮਾਨਾ
ਸੋਸ਼ਲ ਨੈਟਵਰਕ ਦੀ ਗੁਪਤ ਅਤੇ ਡਾਟਾ ਸੁਰੱਖਿਆ ਵਿਚ ਖਾਮੀਆਂ ਨੂੰ ਲੈ ਕੇ ਐਫ.ਟੀ.ਸੀ. ਨੇ ਬੀਤੀ ਜੁਲਾਈ ਵਿਚ ਦੁਨੀਆ ਦੀ ਧਾਕੜ ਨੈਟਵਰਕਿੰਗ ਕੰਪਨੀ ਫੇਸਬੁੱਕ 'ਤੇ ਜਾਂਚ ਅਰਬ ਡਾਲਰ (ਤਕਰੀਬਨ 35 ਹਜ਼ਾਰ ਕਰੋੜ ਰੁਪਏ) ਦੇ ਜੁਰਮਾਨੇ ਨੂੰ ਮਨਜ਼ੂਰੀ ਦਿੱਤੀ ਸੀ। ਪ੍ਰਾਇਵੇਸੀ ਉਲੰਘਣਾ ਦੇ ਮਾਮਲੇ ਵਿਚ ਇਹ ਹੁਣ ਤੱਕ ਦਾ ਸਭ ਤੋਂ ਵੱਡਾ ਜੁਰਮਾਨਾ ਦੱਸਿਆ ਜਾਂਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
