ਉਹਨਾਂ ਦੇ ਇਕ ਦੋਸਤ ਨੇ ਸਲਾਹ ਦਿੱਤੀ ਸੀ ਕਿ ਫਸਲਾਂ ਤੋਂ ਹਟ ਕੇ ਇਸ...
ਫਤਿਹਗੜ੍ਹ ਸਾਹਿਬ: ਹੁਣ ਤਕ ਪੋਲਟਰੀ ਫਾਰਮ ਦਾ ਕੰਮ ਹੱਥਾਂ ਨਾਲ ਹੀ ਕੀਤਾ ਜਾਂਦਾ ਹੈ। ਪਰ ਇਕ ਅਜਿਹਾ ਵੀ ਪੋਲਟਰੀ ਫਾਰਮ ਹੈ ਜਿੱਥੇ ਕਿ ਸਾਰੇ ਕੰਮ ਮਸ਼ੀਨਾਂ ਰਾਹੀਂ ਹੁੰਦੇ ਹਨ। ਮੁਰਗੀਆਂ ਨੂੰ ਫੀਡ ਪਾਉਣ ਤੋਂ ਲੈ ਕੇ ਅੰਡੇ ਵਾਸ਼ ਹੋਣ ਤੋਂ ਬਾਅਦ ਸਟੋਰ ਹੋਣ ਤਕ ਦਾ ਕੰਮ ਵੀ ਮਸ਼ੀਨਾਂ ਰਾਹੀਂ ਕੀਤਾ ਜਾਂਦਾ ਹੈ। ਇਹ ਪੋਲਟਰੀ ਫਾਰਮ ਹਰਜੀਤ ਸਿੰਘ ਵੱਲੋਂ ਖੋਲ੍ਹਿਆ ਗਿਆ ਹੈ।
Poultry Farming
ਉਹਨਾਂ ਦੇ ਇਕ ਦੋਸਤ ਨੇ ਸਲਾਹ ਦਿੱਤੀ ਸੀ ਕਿ ਫਸਲਾਂ ਤੋਂ ਹਟ ਕੇ ਇਸ ਪਾਸੇ ਕਿਸਮਤ ਅਜ਼ਮਾਉਣੀ ਚਾਹੀਦੀ ਹੈ। ਉਹਨਾਂ ਨੇ ਪਿਛਲੇ ਸਾਲ ਮਈ ਵਿਚ ਇਸ ਦੇ ਲਈ ਜ਼ਮੀਨ ਖਰੀਦੀ ਸੀ ਤੇ ਅਗਲੇ ਸਾਲ 1 ਜਨਵਰੀ ਤੋਂ ਇਸ ਦੀ ਪ੍ਰੋਟਕਸ਼ਨ ਸ਼ੁਰੂ ਕਰ ਦਿੱਤੀ ਸੀ। ਉਹਨਾਂ ਨੇ 50 ਹਜ਼ਾਰ ਮੁਰਗੀ ਤੋਂ ਸ਼ੁਰੂਆਤ ਸੀ ਤੇ ਹੁਣ ਵੀ ਇਹਨਾਂ ਦੀ ਗਿਣਤੀ ਇੰਨੀ ਹੈ।
Poultry Farming
ਜਦੋਂ ਉਹਨਾਂ ਨੇ ਇਸ ਦੀ ਪ੍ਰੋਟਕਸ਼ਨ ਸ਼ੁਰੂ ਕੀਤੀ ਹੈ ਤਾਂ ਉਸ ਸਮੇਂ ਤੋਂ ਲਾਕਡਾਊਨ ਲੱਗ ਗਿਆ ਅਤੇ ਅਜੇ ਤਕ ਤਾਂ ਉਹ ਅਪਣੇ ਕੋਲੋਂ ਹੀ ਸਾਰਾ ਖਰਚਾ ਕਰ ਰਹੇ ਤੇ ਉਹਨਾਂ ਨੂੰ ਫਿਲਹਾਲ ਕੋਈ ਮੁਨਾਫਾ ਨਹੀਂ ਹੋਇਆ। ਉਹਨਾਂ ਅੱਗੇ ਕਿ ਜੇ ਕਿਸੇ ਕਿਸਾਨ ਜਾਂ ਕਿਸੇ ਹੋਰ ਵਿਅਕਤੀ ਨੇ ਇਸ ਪਾਸੇ ਕੰਮ ਸ਼ੁਰੂ ਕਰਨਾ ਹੈ ਤਾਂ ਉਸ ਨੂੰ ਸਰਕਾਰ ਦੀ ਮਦਦ ਲੋੜ ਹੋਵੇਗੀ। ਉਹ ਇਕੱਲੇ ਇਸ ਦਾ ਜ਼ਿਆਦਾ ਖਰਚ ਨਹੀਂ ਚੁੱਕ ਸਕਦੇ।
Poultry Farming
ਜੇ ਬਜਟ ਦੀ ਗੱਲ ਕੀਤੀ ਜਾਵੇ ਤਾਂ ਉਹਨਾਂ ਨੇ ਜਿੰਨਾ ਬਜਟ ਬਾਰੇ ਸੋਚਿਆ ਸੀ ਉਸ ਤੋਂ ਵਧ ਹੀ ਖਰਚ ਆਇਆ ਹੈ। ਇਸ ਤਰ੍ਹਾਂ ਉਹਨਾਂ ਅੱਗੇ ਦਸਿਆ ਕਿ ਇਸ ਕੰਮ ਵਿਚ ਉਹਨਾਂ ਨੂੰ ਬਹੁਤ ਘਟ ਮਾਤਰਾ ਵਿਚ ਨੁਕਸਾਨ ਹੁੰਦਾ ਹੈ ਤੇ ਜ਼ਿਆਦਾ ਕੰਮ ਤਾਂ ਸਹੀ ਤਰੀਕੇ ਨਾਲ ਹੋ ਜਾਂਦਾ ਹੈ। ਹਰ ਖਾਨੇ ਵਿਚ 9 ਮੁਰਗੀਆਂ ਰੱਖੀਆਂ ਜਾ ਸਕਦੀਆਂ ਹਨ।
Poultry Farming
ਮੁਰਗੀਆਂ ਦੀ ਫੀਡ ਨੂੰ ਲੈ ਕੇ ਉਹਨਾਂ ਕਿਹਾ ਕਿ ਉਹ ਘਰ ਵਿਚ ਤਿਆਰ ਕਰ ਕੇ ਮੁਰਗੀਆਂ ਲਈ ਫੀਡ ਬਣਾਉਂਦੇ ਹਨ ਜੋ ਕਿ ਮਸ਼ੀਨਾਂ ਰਾਹੀਂ ਮੁਰਗੀਆਂ ਤਕ ਪਹੁੰਚ ਜਾਂਦੀ ਹੈ। ਫੀਡ ਬਣਾਉਣ ਲਈ ਮੱਕੀ, ਬਾਜਰਾ, ਸੋਇਆਬੀਨ, ਮਸਟਰਡ, ਕੈਲਸ਼ੀਅਮ ਤੇ ਦਵਾਈਆਂ। ਮੁਰਗੀਆਂ ਨੂੰ ਬਿਮਾਰੀਆਂ ਤੋਂ ਬਚਾਉਣ ਲਈ ਇਕ ਖਾਸ ਡਾਕਟਰ ਦੀ ਡਿਊਟੀ ਲਗਾਈ ਗਈ ਹੈ ਜੋ ਕਿ ਹਰ ਹਫ਼ਤੇ ਆ ਕੇ ਮੁਰਗੀਆਂ ਦੀ ਜਾਂਚ ਕਰਦਾ ਹੈ ਤੇ ਉਹਨਾਂ ਨੂੰ ਟੀਕਾ ਲਗਾ ਕੇ ਜਾਂਦਾ ਹੈ।
Poultry Farming
ਇਹ ਮੁਰਗੀਆਂ 18 ਮਹੀਨੇ ਅੰਡੇ ਦਿੰਦੀਆਂ ਹਨ ਤੇ ਇਕ ਮੁਰਗੀ ਮਹੀਨੇ ਵਿਚ ਲਗਭਗ 26 ਅੰਡੇ ਦਿੰਦੀ ਹੈ ਅਤੇ ਜਦੋਂ ਇਹ ਅੰਡੇ ਦੇਣੇ ਬੰਦ ਕਰ ਦਿੰਦੀਆਂ ਹਨ ਤਾਂ ਇਹਨਾਂ ਨੂੰ ਵੇਚ ਦਿੱਤਾ ਜਾਂਦਾ ਹੈ। ਮੁਰਗੀ ਫਾਰਮ ਲਈ ਜਿਹੜੀਆਂ ਮਸ਼ੀਨਾਂ ਲਗਾਈਆਂ ਗਈਆਂ ਹਨ ਇਹ ਖਾਸ ਤੌਰ ਤੇ ਬੰਬੇ ਤੋਂ ਮੰਗਵਾਈਆਂ ਗਈਆਂ ਹਨ।
ਇਸ ਤੋਂ ਇਲਾਵਾ ਮੰਡੀਕਰਨ ਵਿਚ ਵੀ ਉਹਨਾਂ ਨੂੰ ਕੋਈ ਦਿੱਕਤ ਨਹੀਂ ਆਈ ਕਿਉਂ ਕਿ ਉਹਨਾਂ ਦੇ ਸੇਲਰ ਚੰਡੀਗੜ੍ਹ, ਮੁਹਾਲੀ ਵਿਚ ਹਨ ਜੋ ਕਿ ਸਮੇਂ ਸਮੇਂ ਤੇ ਅੰਡੇ ਸੇਲ ਕਰਦੇ ਰਹਿੰਦੇ ਹਨ। ਮੌਸਮ ਨੂੰ ਲੈ ਕੇ ਉਹਨਾਂ ਕਿਹਾ ਕਿ ਗਰਮੀਆਂ ਵਿਚ ਅੰਡੇ ਦੀ ਕੀਮਤ ਘਟ ਜਾਂਦੀ ਹੈ ਤੇ ਸਰਦੀਆਂ ਵਿਚ ਅੰਡੇ ਤੋਂ ਜ਼ਿਆਦਾ ਮੁਨਾਫ਼ਾ ਮਿਲਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
