ਇਸ ਨਿਧੀ ਤੇ 75 ਹਜ਼ਾਰ ਕਰੋੜ ਦੇ ਬਜਟ ਨੂੰ ਵਧਾ ਕੇ 87 ਹਜ਼ਾਰ ਕਰੋੜ ਕਰ ਦਿੱਤਾ ਗਿਆ ਸੀ।
ਨਵੀਂ ਦਿੱਲੀ: ਪ੍ਰਧਾਨ ਮੰਤਰੀ ਕਿਸਾਨ ਸਮਾਨ ਨਿਧੀ ਸਕੀਮ ਤਹਿਤ ਹੁਣ ਤਕ ਦੇਸ਼ ਦੇ 7.45 ਕਰੋੜ ਕਿਸਾਨਾਂ ਨੂੰ ਪੈਸਾ ਦਿੱਤਾ ਗਿਆ ਹੈ। ਪਰ ਇਹਨਾਂ ਵਿਚੋਂ ਸਿਰਫ 2.99 ਕਰੋੜ ਲੋਕਾਂ ਨੂੰ ਹੀ ਤੀਜੀ ਕਿਸ਼ਤ ਵੀ ਮਿਲੀ ਹੈ।। ਇਸ ਤਰ੍ਹਾਂ ਦੇਸ਼ ਦੇ 11.5 ਕਰੋੜ ਕਿਸਾਨਾਂ ਤਕ ਆਖਰੀ ਕਿਸ਼ਤ ਦਾ ਪੈਸਾ ਨਹੀਂ ਪਹੁੰਚਿਆ ਹੈ। ਅਜਿਹੇ ਵਿਚ ਲੋਕਾਂ ਕੋਲ ਨਵੰਬਰ ਦੇ ਆਖੀਰ ਤਕ ਪੈਸਾ ਪਹੁੰਚਾਉਣ ਦੀ ਕੋਸ਼ਿਸ਼ ਵਿਚ ਕੇਂਦਰੀ ਖੇਤੀ ਵਿਭਾਗ ਜੁੱਟਿਆ ਹੋਇਆ ਹੈ।
Bank Account
ਕੇਂਦਰੀ ਖੇਤੀ ਰਾਜ ਮੰਤਰੀ ਕੈਲਾਸ਼ ਚੌਧਰੀ ਮੁਤਾਬਕ ਹੁਣ ਤਕ ਪਹਿਲੀ, ਦੂਜੀ ਅਤੇ ਤੀਜੀ ਕਿਸ਼ਤ ਦੇ ਰੂਪ ਵਿਚ 27 ਹਜ਼ਾਰ ਕਰੋੜ ਤੋਂ ਵਧ ਦੀ ਰਕਮ ਭੇਜੀ ਜਾ ਚੁੱਕੀ ਹੈ। ਇਸ ਦਾ ਮਤਲਬ ਇਹ ਹੋਇਆ ਕਿ ਅਗਲੇ ਕੁੱਝ ਹੀ ਮਹੀਨਿਆਂ ਵਿਚ ਕਿਸਾਨਾਂ ਦੇ ਬੈਂਕ ਅਕਾਉਂਟ ਵਿਚ 60 ਹਜ਼ਾਰ ਕਰੋੜ ਦਾ ਫੰਡ ਹੋਰ ਆਉਣ ਵਾਲਾ ਹੈ। ਤੁਹਾਨੂੰ ਦਸ ਦਈਏ ਕਿ 14.5 ਕਰੋੜ ਕਿਸਾਨਾਂ ਨੂੰ ਤਿੰਨਾਂ ਕਿਸ਼ਤਾਂ ਦਾ ਪੈਸਾ ਦੇਣ ਵਿਚ 87 ਹਜ਼ਾਰ ਕਰੋੜ ਰੁਪਏ ਦਾ ਖਰਚ ਆਵੇਗਾ।
Farmer
ਕਿਸਾਨਾਂ ਦੇ ਬੈਂਕ ਅਕਾਉਂਟ ਨਾਲ ਆਧਾਰ ਨਾ ਲਿੰਕ ਰਹਿਣ ਦੀ ਵਜ੍ਹਾ ਨਾਲ ਪੈਸਾ ਨਹੀਂ ਪਹੁੰਚ ਰਿਹਾ ਸੀ। ਅਜਿਹੇ ਵਿਚ ਸਰਕਾਰ ਨੇ 30 ਨਵੰਬਰ ਤਕ ਆਧਾਰ ਲਿੰਕ ਕਰਵਾਉਣ ਦੇ ਨਿਯਮ ਵਿਚ ਛੋਟ ਦਿੱਤੀ ਹੈ। ਉਦੋਂ ਤਕ ਕਾਫੀ ਕਿਸਾਨਾਂ ਦੇ ਬੈਂਕ ਅਕਾਉਂਟ ਵਿਚ ਪੈਸਾ ਚਲਿਆ ਜਾਵੇਗਾ। ਇਸ ਯੋਜਨਾ ਤਹਿਤ ਆਧਾਰ ਸੀਡਿੰਗ ਵਿਚ ਛੋਟ ਨੂੰ ਕੇਂਦਰੀ ਕੈਬਨਿਟ ਦੀ ਮਨਜ਼ੂਰੀ ਦਿੱਤੀ ਹੋਈ ਹੈ।
Agriculture
ਕੈਲਾਸ਼ ਚੌਧਰੀ ਮੁਤਾਬਕ ਇਸ ਨਾਲ ਉਹਨਾਂ ਕਿਸਾਨਾਂ ਨੂੰ ਤਤਕਾਲ ਧਨਰਾਸ਼ੀ ਜਾਰੀ ਕੀਤੀ ਜਾ ਸਕੇਗੀ ਜੋ ਇਸ ਸਕੀਮ ਤੋਂ ਵਾਂਝੇ ਸਨ। ਮੋਦੀ ਸਰਕਾਰ ਨੇ ਅਪਣੇ ਦੂਜੇ ਕਾਰਜਕਾਲ ਦੀ ਪਹਿਲੀ ਕੈਬਨਿਟ ਬੈਠਕ ਵਿਚ ਹੀ ਦੇਸ਼ ਦੇ ਸਾਰੇ 14.5 ਕਰੋੜ ਕਿਸਾਨ ਪਰਵਾਰਾਂ ਨੂੰ ਕਿਸਾਨ ਸਮਾਨ ਨਿਧੀ ਦਾ ਲਾਭ ਦੇਣ ਦੇ ਪ੍ਰਸਤਾਵ ਤੇ ਮੋਹਰ ਲਗਾ ਦਿੱਤੀ ਸੀ। ਜਦਕਿ ਪਹਿਲਾਂ ਇਸ ਯੋਜਨਾ ਵਿਚ ਛੋਟੇ ਕਿਸਾਨਾਂ ਨੂੰ ਲਿਆਇਆ ਗਿਆ ਸੀ। ਜਿਹਨਾਂ ਕੋਲ ਪੰਜ ਹੈਕਟੇਅਰ ਜ਼ਮੀਨ ਸੀ।
Money
ਇਸ ਲਈ ਇਸ ਨਿਧੀ ਤੇ 75 ਹਜ਼ਾਰ ਕਰੋੜ ਦੇ ਬਜਟ ਨੂੰ ਵਧਾ ਕੇ 87 ਹਜ਼ਾਰ ਕਰੋੜ ਕਰ ਦਿੱਤਾ ਗਿਆ ਸੀ। ਜੇ ਤੁਹਾਡੇ ਬੈਂਕ ਅਕਾਉਂਟ ਵਿਚ ਕਿਸਾਨ ਸਮਾਨ ਨਿਧੀ ਦਾ ਪੈਸਾ ਨਹੀਂ ਪਹੁੰਚਿਆ ਤਾਂ ਸਭ ਤੋਂ ਪਹਿਲਾਂ ਅਪਣੇ ਰੇਵੇਨਿਊ ਅਧਿਕਾਰੀ ਅਤੇ ਯੋਜਨਾ ਦੇ ਨੋਡਲ ਅਧਿਕਾਰੀ ਨਾਲ ਸੰਪਰਕ ਕਰੋ।
ਜੇ ਉੱਥੇ ਕੋਈ ਹੱਲ ਨਹੀਂ ਨਿਕਲ ਰਿਹਾ ਤਾਂ ਸੋਮਵਾਰ ਤੋਂ ਸ਼ੁੱਕਰਵਾਰ ਤਕ ਪੀਐਮ-ਕਿਸਾਨ ਹੈਲਪ ਡੈਸਕ ਦੇ ਈ-ਮੇਲ ਤੇ ਸੰਪਰਕ ਕਰ ਸਕਦੇ ਹੋ। ਉੱਥੋਂ ਵੀ ਕੰਮ ਨਾ ਬਣੇ ਤਾਂ ਇਸ ਮੇਲ ਦੇ ਫੋਨ ਨੰਬਰ 011-23381092 ਤੇ ਫੋਨ ਕਰੋ। ਇਸ ਯੋਜਨਾ ਦੇ ਵੈਲਫੇਅਰ ਸੈਕਸ਼ਨ ਵਿਚ ਵੀ ਸੰਪਰਕ ਕਰ ਸਕਦੇ ਹੋ। ਦਿੱਲੀ ਵਿਚ ਇਸ ਦਾ ਫੋਨ ਨੰਬਰ ਹੈ 011-23382401।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
