ਪਿੰਡ ਗਾਗੋਵਾਲ ਦੇ ਨਜ਼ਦੀਕ ਮੂਸਾ ਰਜਵਾਹੇ 'ਚ ਪਈ ਦਰਾਰ
ਮਾਨਸਾ: ਬੀਤੇ ਦਿਨੀਂ ਹੋਈ ਭਾਰੀ ਬਰਸਾਤ ਜਿੱਥੇ ਕਈਆਂ ਲਈ ਰਾਹਤ ਬਣ ਕੇ ਉਭਰੀ ਓਥੇ ਹੀ ਮਾਨਸਾ ਦੇ ਪਿੰਡ ਗਾਗਵਾਲ ਦੇ ਲੋਕਾਂ ਲਈ ਇਹ ਬਰਸਾਤ ਆਫਤ ਬਣ ਕੇ ਆਈ। ਦਰਅਸਲ ਇੱਥੇ ਬਰਸਾਤ ਨੇ ਸਭ ਖਤਮ ਕਰ ਕੇ ਰੱਖ ਦਿੱਤਾ। ਜਿੱਥੇ ਮੂਸਾ ਰਜਾਵਾਹਾ 'ਚ 80 ਫੁੱਟ ਦੇ ਕਰੀਬ ਪਾੜ ਪੈਣ ਨਾਲ ਕਈ ਕਿਸਾਨਾਂ ਦੀਆਂ ਫਸਲਾਂ ਤਬਾਹ ਕਰ ਦਿੱਤੀਆਂ।
Mansa
ਦਰਅਸਲ ਬੀਤੇ ਰਾਤ ਆਏ ਤੇਜ਼ ਝਖੜ ਕਾਰਨ ਨਹਿਰ ਵਿਚ ਦਰਖਤ ਡਿੱਗਣ ਕਾਰਨ ਵੱਡਾ ਪੈਣ ਪੈ ਗਿਆ ਜਿਸ ਤੋਂ ਬਅਦ ਪਿੰਡ ਦੇ ਲੋਕਾਂ ਨੇ ਪਾੜ ਨੂੰ ਪੂਰਨ ਦੀ ਕੋਸ਼ਿਸ਼ ਕੀਤੀ ਪਰ ਪਾਣੀ ਦੇ ਤੇਜ਼ ਵਹਾਅ ਕਾਰਨ ਇਹ ਸੰਭਵ ਨਾ ਹੋ ਸਕਿਆ ਜਿਸ ਤੋਂ ਬਾਅਦ ਦਰਾਰ ਵਧਦੀ ਗਈ ਤੇ ਕਿਸਾਨਾਂ ਦੀਆਂ ਫਸਲਾਂ ਪਾਣੀ ਦੀ ਮਾਰ ਹੇਠ ਆਉਂਦੀਆਂ ਗਈਆਂ।
Farmer
ਲੋਕਾਂ ਦਾ ਇਲਜ਼ਾਮ ਹੈ ਕਿ ਪ੍ਰਸ਼ਾਸਨ ਨੂੰ ਇਸ ਸਬੰਧੀ ਸੂਚਿਤ ਕੀਤਾ ਗਿਆ ਹੈ ਪਰ ਕਿਸੇ ਨੇ ਦਰਾਰ ਨੂੰ ਭਰਨ ਦਾ ਯਤਨ ਨਾ ਕੀਤਾ। ਓਨ੍ਹਾਂ ਕਿਹਾ ਜੇਕਰ ਜਲਦ ਇਸ ਦਾ ਹੱਲ ਨਾ ਕੀਤਾ ਗਿਆ ਤਾਂ ਇਹ ਦਰਾਰ ਵਧ ਕੇ 200 ਫੁੱਟ ਦੇ ਕਰੀਬ ਜਾ ਸਕਦੀ ਹੈ ਜਿਸ ਨਾਲ ਉਹਨਾਂ ਦੀਆਂ ਰਹਿੰਦੀਆਂ ਖੁਹਦੀਆਂ ਫਸਲ਼ਾਂ ਵੀ ਤਬਾਹ ਹੋ ਜਾਣਗੀਆਂ। ਲੋਕਾਂ ਦਾ ਇਹ ਵੀ ਇਲਜ਼ਾਮ ਹੈ ਕਿ ਸਮੇਂ ਸਿਰ ਸਫਾਈ ਨਹੀਂ ਕੀਤੀ ਗਈ ਜਿਸ ਦਾ ਖਮਿਆਜ਼ਾ ਉਨ੍ਹਾਂ ਨੂੰ ਭੁੱਗਤਣਾ ਪੈ ਰਿਹਾ।
Mansa
ਪਿੰਡ ਵਾਸੀ ਦਾ ਕਹਿਣਾ ਹੈ ਕਿ ਇਸ ਨਹਿਰ ਦੇ ਪਾਣੀ ਕਾਰਨ ਰਕਬਾ ਦੱਬ ਚੁੱਕਾ ਤੇ ਜੀਰੀ ਵੀ ਪੂਰੀ ਤਰ੍ਹਾਂ ਤਬਾਹ ਹੋ ਚੁੱਕੀ ਹੈ। ਮੌਕੇ ਤੇ ਪ੍ਰਸ਼ਾਸ਼ਨ ਤਾਂ ਪਹੁੰਚ ਗਿਆ ਹੈ ਪਰ ਹੁਣ ਉਹਨਾਂ ਕੋਲ ਕੋਈ ਹੱਲ ਨਹੀਂ ਹੈ। ਨਹਿਰ ਦਾ ਪਾਣੀ ਡੇਢ ਤੋਂ 200 ਏਕੜ ਤੱਕ ਫੈਲ ਸਕਦਾ ਹੈ।
Mansa
ਕਿਸਾਨ ਤਾਂ ਪਹਿਲਾਂ ਹੀ ਮਾਰ ਹੇਠ ਹਨ ਉਤੋਂ ਇਹ ਕੁਦਰਤੀ ਆਫ਼ਤਾਂ। ਓਧਰ ਮੌਕੇ 'ਤੇ ਪਹੁੰਚੇ ਨਹਿਰੀ ਵਿਭਾਗ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਦਰਖਤ ਡਿੱਗਣ ਕਾਰਨ ਪਾਣੀ ਓਵਰ ਫਲੋ ਹੋਣ ਕਾਰਨ ਦਰਾਰ ਪਈ ਹੈ ਜਿਸ ਤੋਂ ਬਾਅਦ ਪਿੱਛੋਂ ਪਾਣੀ ਦਾ ਵਹਾਅ ਘਟਾ ਕੇ ਦਰਾਰ ਭਰਨ ਲਈ ਹਰ ਸਭੰਵ ਯਤਨ ਕੀਤੇ ਜਾ ਰਹੇ ਹਨ।
Mansa
ਅਧਿਕਾਰੀ ਦਾ ਕਹਿਣਾ ਹੈ ਕਿ ਉਹਨਾਂ ਨੇ ਜੇਸੀਬੀ ਮੰਗਵਾ ਕੇ ਏਜੰਸੀ ਲਗਾ ਦਿੱਤੀ ਹੈ ਤੇ ਇਸ ਪਾਣੀ ਨੂੰ ਰੋਕਣ ਦੇ ਪੂਰੇ ਪ੍ਰਬੰਧ ਕੀਤੇ ਜਾਣਗੇ। ਦੱਸ ਦੇਈਏ ਕਿ ਸੂਬੇ 'ਚ ਬਰਸਾਤ ਦੇ ਮੌਸਮ ਆਉਣ ਤੋਂ ਪਹਿਲਾਂ ਹੀ ਲੋਕਾਂ ਵੱਲ ਨਹਿਰ ਨਾਲੀਆਂ ਦੀਆਂ ਸਫਾਈਆਂ ਕਰਨ ਦੀ ਮੰਗ ਕੀਤੀ ਜਾ ਰਹੀ ਹੈ ਪਰ ਮਾਨਸੂਨ ਦੀ ਸ਼ੁਰੂਆਤ 'ਚ ਹੀ ਪਈ ਇਸ ਦਰਾਰ ਨੇ ਪ੍ਰਸ਼ਾਸਨ ਦੀ ਕਾਰਗੁਜ਼ਾਰੀ ਤੇ ਸਵਾਲ ਖੜੇ ਕਰ ਦਿੱਤੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
