ਫ਼ਿਲਮ ਦੇ ਭੰਗੜਾ ਟਰੈਕ ਦੇ ਲਾਂਚ ਹੋਣ ਨਾਲ ਲੋਕਾਂ ਵਿਚ ਕਾਫੀ ਉਮੀਦਾਂ ਵਧ ਗਈਆਂ ਹਨ, ਗੀਤ ਨੂੰ ਲੋਕਾਂ ਦਾ ਬਹੁਤ ਪਿਆਰ ਮਿਲ ਰਿਹਾ ਹੈ।
ਦੁਬਈ: ਪੰਜਾਬੀ ਫ਼ਿਲਮ ਛੋਲੇ ਕੁਲਚੇ ਦਾ ਭੰਗੜਾ ਟਰੈਕ ‘ਪੰਜਾਬੀ ਜੱਚਦੇ’ 15 ਅਕਤੂਬਰ ਨੂੰ ਦੁਬਈ ਵਿਚ ਲਾਂਚ ਕੀਤਾ ਗਿਆ। ਇਸ ਗੀਤ ਨੇ ਲਾਂਚ ਹੁੰਦਿਆਂ ਹੀ ਦੁਬਈ ਵਿਚ ਆਪਣੀ ਧੂੰਮ ਮਚਾ ਦਿੱਤੀ ਹੈ। ਮਸ਼ਹੂਰ ਗਲੋਬਲ ਫਿਲਮ ਅਤੇ ਸੰਗੀਤ ਪ੍ਰੋਡਕਸ਼ਨ ਹਾਊਸ ਸਾਗਾ ਸਟੂਡੀਓ ਦੇ ਬੈਨਰ ਹੇਠ ਬਣਾਈ ਗਈ ਇਹ ਫਿਲਮ 11 ਨਵੰਬਰ 2022 ਨੂੰ ਦੁਨੀਆ ਭਰ ਦੇ ਸਿਨੇਮਾ ਘਰਾਂ ਵਿਚ ਰਿਲੀਜ਼ ਹੋਣ ਜਾ ਰਹੀ ਹੈ। ਫ਼ਿਲਮ ਦੇ ਭੰਗੜਾ ਟਰੈਕ ਦੇ ਲਾਂਚ ਹੋਣ ਨਾਲ ਲੋਕਾਂ ਵਿਚ ਕਾਫੀ ਉਮੀਦਾਂ ਵਧ ਗਈਆਂ ਹਨ, ਗੀਤ ਨੂੰ ਲੋਕਾਂ ਦਾ ਬਹੁਤ ਪਿਆਰ ਮਿਲ ਰਿਹਾ ਹੈ।
Film Kulche Chole Team charges up Dubai with their Bhangra Track
ਭੰਗੜਾ ਟਰੈਕ 'ਪੰਜਾਬੀ ਜੱਚਦੇ' ਦਾ ਸ਼ਾਨਦਾਰ ਸੰਗੀਤ ਲਾਂਚ ਲੀਜੈਂਡਜ਼ ਰੈਸਟੋ ਬਾਰ ਐਂਡ ਕਲੱਬ ਵਿਖੇ ਹੋਇਆ, ਜਿਸ ਵਿਚ ਫਿਲਮ ਦੇ ਨਿਰਮਾਤਾ ਸੁਮੀਤ ਸਿੰਘ, ਨਿਰਦੇਸ਼ਕ ਸਿਮਰਨਜੀਤ ਹੁੰਦਲ, ਜੰਨਤ ਜ਼ੁਬੈਰ ਅਤੇ ਦਿਲਰਾਜ ਗਰੇਵਾਲ ਅਤੇ ਪ੍ਰਸਿੱਧ ਕਾਮੇਡੀਅਨ ਜਸਵੰਤ ਸਿੰਘ ਰਾਠੌਰ ਸ਼ਾਮਲ ਸਨ। ਇਸ ਮੌਕੇ 'ਇੰਟਰਨੈਸ਼ਨਲ ਇੰਫਲੂਐਂਸਰ ਕਵਿੱਕ ਸਟਾਈਲ' ਡਾਂਸ ਗਰੁੱਪ ਵੀ ਮੌਜੂਦ ਸੀ, ਜਿਸ ਨੇ ਪਹਿਲਾਂ ਰਿਲੀਜ਼ ਹੋਏ ਟਰੈਕ 'ਕਾਲਾ ਚਸ਼ਮਾ' 'ਤੇ ਆਪਣੇ ਦਮਦਾਰ ਡਾਂਸ ਮੂਵਜ਼ ਨਾਲ ਲੋਕਾਂ ਦਾ ਦਿਲ ਜਿੱਤਿਆ। ‘ਪੰਜਾਬੀ ਜੱਚਦੇ’ ਦੀ ਤਾਲ ਨੇ ਦੁਬਈ ਸ਼ਹਿਰ ਨੂੰ ਵੀ ਨੱਚਣ ਲਈ ਮਜਬੂਰ ਕਰ ਦਿੱਤਾ ਹੈ।
Film Kulche Chole Team charges up Dubai with their Bhangra Track
ਫਿਲਮ 'ਕੁਲਚੇ ਛੋਲੇ' ਦੇ ਨਿਰਮਾਤਾ ਸੁਮੀਤ ਸਿੰਘ ਨੇ ਕਿਹਾ, 'ਇਹ ਫਿਲਮ ਮੇਰੇ ਦਿਲ ਦੇ ਬਹੁਤ ਕਰੀਬ ਹੈ। ਨਾ ਸਿਰਫ ਇਹ ਫਿਲਮ ਖਾਸ ਹੈ, ਸਗੋਂ ਮੇਰੇ ਇਸ ਫਿਲਮ ਨੂੰ ਬਣਾਉਣ ਦਾ ਕਾਰਨ ਹੋਰ ਵੀ ਖਾਸ ਹੈ। ਉਹਨਾਂ ਕਿਹਾ ਕਿ ਮੈਨੂੰ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਅਤੇ ਉਹਨਾਂ ਨੂੰ ਸਫਲ ਬਣਾਉਣ ਲਈ ਸਖ਼ਤ ਮਿਹਨਤ ਕਰਨਾ ਪਸੰਦ ਹੈ। ਇਸ ਲਈ ਇਸ ਫਿਲਮ ਨੂੰ ਬਿਲਕੁਲ ਨਵੀਂ ਸਟਾਰ ਕਾਸਟ, ਖਾਸ ਕਰਕੇ ਲੀਡ ਜੋੜੀ ਨਾਲ ਬਣਾਉਣਾ ਮੁਸ਼ਕਲ ਅਤੇ ਰੋਮਾਂਚਕ ਰਿਹਾ ਹੈ। ਮੇਰਾ ਮੰਨਣਾ ਹੈ ਕਿ ਨਵੀਂ ਪੀੜ੍ਹੀ ਨੂੰ ਪਲੇਟਫਾਰਮ ਦੇਣਾ ਇਕ ਨਿਰਮਾਤਾ ਦੇ ਰੂਪ ਵਿਚ ਮੇਰੀ ਜ਼ਿੰਮੇਵਾਰੀ ਦਾ ਹਿੱਸਾ ਹੈ।
'ਪੰਜਾਬੀ ਜਾਚਦੇ' ਗੀਤ ਦਾ ਸੰਗੀਤ 'ਜਸ ਕੀਜ਼' ਦੁਆਰਾ ਦਿੱਤਾ ਗਿਆ ਹੈ। ਇਸ ਦੀ ਕੋਰੀਓਗ੍ਰਾਫੀ ਰਿਚੀ ਬਰਟਨ ਨੇ ਕੀਤੀ ਹੈ ਅਤੇ ਇਸ ਨੂੰ ਸਾਗਾ ਸੰਗੀਤ ਦੇ ਅਧਿਕਾਰਤ ਹੈਂਡਲ 'ਤੇ ਰਿਲੀਜ਼ ਕੀਤਾ ਗਿਆ ਹੈ।
