ਦਿੱਗਜ ਹਸਤੀ ਅਮਿਤਾਭ ਬੱਚਨ ਅਤੇ ਰੇਖਾ ਦੀ ਮੁਹੱਬਤ ਦੀਆਂ ਯਾਦਾਂ ਉਸ ਸਮੇਂ ਤਾਜ਼ਾ ਹੋ ਜਾਂਦੀਆਂ ਹਨ, ਜਦੋਂ ਬਾਲੀਵੁਡ ਦੇ ਕਿਸੇ ਇਵੈਂਟ ਉਤੇ ਦੋਵੇਂ ਆਮਨੇ - ਸਾਹਮਣੇ ...
ਮੁੰਬਈ : ਦਿੱਗਜ ਹਸਤੀ ਅਮਿਤਾਭ ਬੱਚਨ ਅਤੇ ਰੇਖਾ ਦੀ ਮੁਹੱਬਤ ਦੀਆਂ ਯਾਦਾਂ ਉਸ ਸਮੇਂ ਤਾਜ਼ਾ ਹੋ ਜਾਂਦੀਆਂ ਹਨ, ਜਦੋਂ ਬਾਲੀਵੁਡ ਦੇ ਕਿਸੇ ਇਵੈਂਟ ਉਤੇ ਦੋਵੇਂ ਆਮਨੇ - ਸਾਹਮਣੇ ਹੁੰਦੇ ਹਨ। ਕਈ ਵਾਰ ਕਿਸੇ ਐਵਾਰਡ ਸਮਾਰੋਹ ਵਿਚ, ਤਾਂ ਕਦੇ ਕਿਸੇ ਇਵੈਂਟ ਵਿਚ ਜਾਂ ਫਿਰ ਕਿਸੇ ਫ਼ਿਲਮ ਦੇ ਪ੍ਰੀਮੀਅਰ ਦੇ ਦੌਰਾਨ ਦੋਵੇਂ ਰੈਡ ਕਾਰਪੈਟ 'ਤੇ ਟਕਰਾਏ ਤਾਂ ਖੂਬ ਖਬਰਾਂ ਬਣੀਆਂ। ਸੋਮਵਾਰ ਦੀ ਰਾਤ ਮੁੰਬਈ ਵਿਚ ਇਕ ਵਾਰ ਫਿਰ ਤੋਂ ਅਮਿਤਾਭ ਬੱਚਨ ਨਾਲ ਰੇਖਾ ਟਕਰਾ ਗਈ।
ਦਰਅਸਲ ਸੇਲਿਬ੍ਰਿਟੀ ਫੋਟੋਗ੍ਰਾਫਰ ਡੱਬੂ ਰਤਨਾਨੀ ਹਰ ਸਾਲ ਇਕ ਕਲੰਡਰ ਦਾ ਲਾਂਚ ਕਰਦੇ ਹਨ। ਉਹ ਬਾਲੀਵੁਡ ਦੇ ਸਾਲ ਭਰ ਦੇ ਮੁਖ ਰਹੇ ਸਿਤਾਰਿਆਂ ਦੀਆਂ ਤਸਵੀਰਾਂ ਨੂੰ ਮਿਲਾ ਕੇ ਨਵੇਂ ਸਾਲ ਦਾ ਕਲੰਡਰ ਬਣਾਉਂਦੇ ਹਨ। ਡੱਬੂ ਦਾ ਇਹ ਕਲੰਡਰ ਜਦੋਂ ਵੀ ਆਉਂਦਾ ਹੈ, ਸੁਰਖੀਆਂ ਵਿਚ ਹੁੰਦਾ ਹੈ। ਸੋਮਵਾਰ ਨੂੰ ਡੱਬੂ ਨੇ ਅਪਣੇ ਕਲੰਡਰ ਦਾ ਲਾਂਚ ਕੀਤਾ ਅਤੇ ਇਸ ਮੌਕੇ 'ਤੇ ਬਾਲੀਵੁਡ ਦੇ ਤਮਾਮ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ।
Rekha's reaction
ਜਦੋਂ ਰੇਖਾ ਇਸ ਇਵੈਂਟ 'ਤੇ ਪਹੁੰਚੀ ਤਾਂ ਮੀਡੀਆ ਫੋਟੋਗ੍ਰਾਫਰ ਰੇਖਾ ਦੀ ਤਸਵੀਰ ਖਿੱਚਦੇ ਹੋਏ ਉਨ੍ਹਾਂ ਨੂੰ ਕਿਹਾ ਕਿ ਉਹ ਕਲੰਡਰ ਦੀਆਂ ਤਸਵੀਰਾਂ ਨੂੰ ਵੇਖਦੇ ਹੋਏ ਪੋਜ਼ ਦੇਣ। ਰੇਖਾ ਫੋਟੋਗ੍ਰਾਫਰ ਦੀ ਗੱਲ ਮੰਨਦੇ ਹੋਏ, ਇਸ਼ਾਰੇ ਵਿਚ ਕਿਹਾ ਕਿ ਠੀਕ ਹੈ ਪਰ ਜਿਵੇਂ ਹੀ ਉਹ ਅਪਣੇ ਪਿੱਛੇ ਮੁੜ ਕੇ ਤਸਵੀਰਾਂ ਨੂੰ ਵੇਖਣਾ ਸ਼ੁਰੂ ਕੀਤਾ, ਉਨ੍ਹਾਂ ਦੀ ਨਜ਼ਰ ਸੱਭ ਤੋਂ ਪਹਿਲਾਂ ਸਾਹਮਣੇ ਲੱਗੀ ਅਮਿਤਾਭ ਬੱਚਨ ਦੀ ਤਸਵੀਰ ਉਤੇ ਗਈ।
Rekha's reaction
ਬਿੱਗ ਬੀ ਦੀ ਤਸਵੀਰ ਵੇਖਦੇ ਹੀ ਰੇਖਾ ਦੀ ਬਾਡੀ ਲੈਂਗਵੇਜ ਤੇਜੀ ਨਾਲ ਬਦਲ ਗਈ। ਰੇਖਾ ਉਥੇ ਰੁਕ ਕੇ ਪੋਜ਼ ਦੇਣ ਵਾਲੀ ਸੀ ਪਰ ਬਿੱਗ ਬੀ ਦੀ ਤਸਵੀਰ ਵੇਖਦੇ ਹੀ ਉਨ੍ਹਾਂ ਨੇ ਤੇਜ਼ੀ ਨਾਲ ਮੁੰਹ ਫੇਰ ਲਿਆ ਅਤੇ ਉਥੇ ਤੋਂ ਫਟਾਫਟ ਭੱਜਣ ਲੱਗੀ। ਰੇਖਾ ਦੀ ਪ੍ਰਤੀਕਿਰਿਆ ਵੇਖ, ਫੋਟੋਗ੍ਰਾਫਰ ਜ਼ੋਰ ਨਾਲ ਹੱਸਣ ਲੱਗੇ। ਉਂਝ ਇਹ ਪਹਿਲਾ ਮੌਕਾ ਨਹੀਂ ਹੈ ਜਦੋਂ ਅਮਿਤਾਭ ਬੱਚਨ ਨੂੰ ਲੈ ਕੇ ਰੇਖਾ ਨੇ ਖੁਦ ਹੀ ਅਪਣੇ ਰਿਐਕਸ਼ਨ ਨਾਲ ਮੀਡੀਆ ਨੂੰ ਫੁਟੇਜ ਦਿਤਾ ਹੋਵੇ।
