ਅਮੀਤਾਭ ਬੱਚਨ ਨੇ ਮੇਨਹੋਲ ਅਤੇ ਸੀਵਰੇਜਾਂ ਦੀਆਂ ਹੱਥਾਂ ਨਾਲ ਸਫਾਈ ਕਰਨ ਵਾਲੇ ਸਫਾਈ......
ਨਵੀਂ ਦਿੱਲੀ (ਭਾਸ਼ਾ): ਅਮੀਤਾਭ ਬੱਚਨ ਨੇ ਮੇਨਹੋਲ ਅਤੇ ਸੀਵਰੇਜਾਂ ਦੀਆਂ ਹੱਥਾਂ ਨਾਲ ਸਫਾਈ ਕਰਨ ਵਾਲੇ ਸਫਾਈ ਕਰਮਚਾਰੀਆਂ ਦੀ ਮਦਦ ਦੇ ਅਪਣੇ ਵਾਦੇ ਨੂੰ ਪੂਰਾ ਕਰਦੇ ਹੋਏ ਉਨ੍ਹਾਂ ਦੇ ਲਈ ਮਸ਼ੀਨਾਂ ਦਾ ਇੰਤਜਾਮ ਕੀਤਾ ਹੈ। ਅਮਿਤਾਭ ਨੇ ਐਤਵਾਰ ਨੂੰ ਟਵੀਟ ਕਰ ਕੇ ਕਿਹਾ ‘ਹੱਥਾਂ ਨਾਲ ਸਫਾਈ ਕਰਨ ਵਾਲੇ ਕਰਮਚਾਰੀਆਂ ਦੀ ਅਣਮਨੁੱਖੀ ਹਾਲਤ ਨੂੰ ਦੇਖਦੇ ਹੋਏ ਮੈਂ ਉਨ੍ਹਾਂ ਦੇ ਲਈ 50 ਮਸ਼ੀਨਾਂ ਖਰੀਦਣ ਦਾ ਵਾਅਦਾ ਕੀਤਾ ਸੀ। ਅੱਜ ਮੈਂ ਉਸ ਵਾਅਦੇ ਨੂੰ ਪੂਰਾ ਕਰ ਦਿਤਾ ਹੈ!’
Amitabh Bachchan
ਸਫਾਈ ਕਰਮਚਾਰੀਆਂ ਨੂੰ 25 ਛੋਟੀਆਂ ਵੱਖ-ਵੱਖ ਮਸ਼ੀਨਾਂ ਅਤੇ ਬੀ.ਐਮ.ਸੀ ਨੂੰ ਇਕ ਵੱਡੀ ਟਰੱਕ ਮਸ਼ੀਨ ਤੋਹਫੇ ਵਿਚ ਦਿਤੀ ਹੈ। 24 ਨਵੰਬਰ ਨੂੰ ਇਕ ਪੱਤਰ ਲਿਖ ਕੇ ਅਮਿਤਾਭ ਨੇ ਮੈਨੁਅਲ ਸਕੇਵੇਂਜਰਸ ਐਸੋਸਿਏਸ਼ਨ (ਐਮ.ਐਸ.ਏ) ਅਤੇ ਬ੍ਰਹਮੁੰਬਈ ਨਗਰ ਨਿਗਮ (ਬੀ.ਐਮ.ਸੀ) ਵਲੋਂ ਕਿਹਾ ਸੀ ਕਿ ਉਹ ਮੇਨਹੋਲ ਅਤੇ ਸੀਵਰੇਜ ਨਾਲੀਆਂ ਵਿਚ ਸਫਾਈ ਲਈ ਉਨ੍ਹਾਂ ਵਿਚ ਉਤਰਨ ਵਾਲੇ ਸਫਾਈ ਕਰਮਚਾਰੀਆਂ ਲਈ ਕੁਝ ਕਰਨਾ ਚਾਹੁੰਦੇ ਹਨ। ਉਨ੍ਹਾਂ ਨੇ ਕਿਹਾ ਮੇਰਾ ਯੋਗਦਾਨ ਸਫਾਈ ਕਰਮਚਾਰੀਆਂ ਨੂੰ ਇਸ ਅਣਮਨੁੱਖੀ ਕਾਰਜ ਨੂੰ ਕਰਨ ਤੋਂ ਰੋਕਣ ਅਤੇ ਉਨ੍ਹਾਂ ਨੂੰ ਸਮਾਜ ਵਿਚ ਸਨਮਾਨ ਅਤੇ ਮਾਣ ਦਵਾਉਣ ਲਈ ਹੈ।
T 3005 - At the NDTV Cleanathon , 'banega swachch india' , seeing the inhuman plight of the manual scavenger, I had committed to buy 50 machines for them .. today I fulfilled that promise ! 25 small individual machines and one large truck machine gifted to BMC ! pic.twitter.com/6Xn8PFmv3i
— Amitabh Bachchan (@SrBachchan) November 24, 2018
ਅਮਿਤਾਭ ਨੇ ਸਫਾਈ ਕਰਮਚਾਰੀਆਂ ਲਈ ਮਸ਼ੀਨਾਂ ਖਰੀਦਣ ਲਈ 50 ਲੱਖ ਰੁਪਏ ਦੇਣ ਦਾ ਵਾਅਦਾ ਕੀਤਾ ਸੀ। ਅਮਿਤਾਭ ਨੇ ਟਵੀਟ ਕਰ ਕੇ ਕਿਹਾ ਮੈਂ ਬੀ.ਐਮ.ਸੀ ਨੂੰ ਇਕ ਵੱਡੀ ਮਸ਼ੀਨ ਅਤੇ ਸਫਾਈ ਕਰਮਚਾਰੀਆਂ ਨੂੰ ਛੋਟੀਆਂ ਮਸ਼ੀਨਾਂ ਦਾਨ ਕਰ ਰਿਹਾ ਹਾਂ। ਉਨ੍ਹਾਂ ਨੇ ਬੀ.ਐਮ.ਸੀ ਅਤੇ ਐਮ.ਐਸ.ਏ ਵਲੋਂ ਮਸ਼ੀਨਾਂ ਦੇ ਠੀਕ ਪ੍ਰਯੋਗ ਦੀ ਲਗਾਤਾਰ ਰਿਪੋਰਟ ਦੇਣ ਦੀ ਵੀ ਬੇਨਤੀ ਕੀਤੀ ਹੈ। ਅਦਾਕਾਰ ਕਿਸਾਨਾਂ ਦੀ ਮਦਦ ਲਈ ਵੀ ਸਰਗਰਮ ਰੂਪ ਨਾਲ ਕੰਮ ਕਰ ਰਹੇ ਹਨ।
