11ਵੀਂ ਮੰਜ਼ਿਲ ਤੋਂ ਡਿੱਗਿਆ ਗੱਡੀ ਉੱਤੇ ਪੱਥਰ...
ਮੁੰਬਈ : ਅਦਾਕਾਰਾ ਮੌਨੀ ਰਾਏ ਸੜਕ ਹਾਦਸੇ 'ਚ ਵਾਲ-ਵਾਲ ਬਚੀ ਹੈ। ਉਨ੍ਹਾਂ ਦੀ ਕਾਰ 'ਤੇ ਮੁੰਬਈ ਮੈਟਰੋ ਦੇ ਨਿਰਮਾਣ ਅਧੀਨ ਸਾਈਟ ਤੋਂ ਵੱਡਾ ਪੱਥਰ ਡਿੱਗ ਗਿਆ। ਹਾਦਸੇ 'ਚ ਮੌਨੀ ਦੇ ਕਾਰ ਦੀ ਸਨ ਰੂਫ ਟੁੱਟ ਗਈ। ਸ਼ੁੱਕਰ ਬਸ ਇੰਨਾ ਰਿਹਾ ਹੈ ਕਿ ਮੌਨੀ ਨੂੰ ਸੱਟ ਨਹੀਂ ਆਈ। ਮੌਨੀ ਨੇ ਟਵਿੱਟਰ 'ਤੇ ਵੀਡੀਓ ਪਾ ਕੇ ਮੁੰਬਈ ਮੈਟਰੋ ਨੂੰ ਫਟਕਾਰ ਲਗਾਈ ਹੈ।
Was on my way to work at Juhu signal a huge rock falls on the car 11 floors up. cant help but think what if anybody was crossing the road. Any suggestions as to what to be done with such irresponsibility of the mumbai metro ? pic.twitter.com/UsKF022lpl
— Mouni Roy (@Roymouni) September 18, 2019
ਅਦਾਕਾਰਾ ਨੇ ਵੀਡੀਓ ਸ਼ੇਅਰ ਕਰਦਿਆਂ ਲਿਖਿਆ, 'ਮੈਂ ਆਪਣੇ ਕੰਮ 'ਤੇ ਜਾ ਰਹੀ ਸੀ। ਜੁਹੂ ਸਿਗਨਲ 'ਤੇ ਇਕ ਵੱਡਾ ਜਿਹਾ ਪੱਥਰ ਕਾਰ 'ਤੇ ਡਿੱਗ ਗਿਆ। 11 ਮੰਜ਼ਿਲ ਦੀ ਉਚਾਈ ਤੋਂ। ਮੈਂ ਕੁਝ ਨਹੀਂ ਕਰ ਸਕਦੀ ਸੀ, ਪਰ ਸੋਚੋ ਜੇ ਕੋਈ ਸੜਕ ਤੋਂ ਲੰਘ ਰਿਹਾ ਹੁੰਦਾ ਤਾਂ ਕੀ ਹੁੰਦਾ। ਮੁੰਬਈ ਮੈਟਰੋ ਦੀ ਇਸ ਲਾਪਰਵਾਹੀ 'ਤੇ ਕੀ ਕੀਤਾ ਜਾਣਾ ਚਾਹੀਦਾ। ਕੋਈ ਸੁਝਾਅ ਹੋਵੇ ਤਾਂ ਜ਼ਰੂਰ ਦੱਸਿਓ।'
Mouni Roy
ਵੀਡੀਓ ਦੇਖ ਕੇ ਲੱਗ ਰਿਹਾ ਹੈ ਕਿ ਨਾਗਿਨ ਦੀ ਅਦਾਕਾਰਾ ਮੌਨੀ ਇਸ ਹਾਦਸੇ 'ਚ ਵਾਲ-ਵਾਲ ਬਚੀ ਹੈ। ਵੀਡੀਓ 'ਚ ਦਿਖਾਈ ਦੇ ਰਿਹਾ ਹੈ ਕਿ ਮੌਨੀ ਕਾਰ ਦੀ ਰੂਫ ਨੂੰ ਦਿਖਾ ਰਹੀ ਹੈ, ਜਿਸ 'ਤੇ ਪੱਥਰ ਡਿਗਿਆ ਹੈ। ਕਾਰ 'ਚ ਵੱਡਾ ਜਿਹਾ ਛੇਦ ਨਜ਼ਰ ਆ ਰਿਹਾ ਹੈ।
