ਮੀਟੂ ਮੁਹਿੰਮ ਦੀ ਸ਼ੁਰੁਆਤ ਕਰਨ ਵਾਲੀ ਤਨੁਸ਼ਰੀ ਦੱਤਾ ਇੱਕ ਵਾਰ ਆਪਣੇ ਦੋਸ਼ਾਂ ਨੂੰ ਲੈ ਕੇ ਸਾਹਮਣੇ ਆਈ ਹੈ...
ਨਵੀਂ ਦਿੱਲੀ : ਮੀਟੂ ਮੁਹਿੰਮ ਦੀ ਸ਼ੁਰੁਆਤ ਕਰਨ ਵਾਲੀ ਤਨੁਸ਼ਰੀ ਦੱਤਾ ਇੱਕ ਵਾਰ ਆਪਣੇ ਦੋਸ਼ਾਂ ਨੂੰ ਲੈ ਕੇ ਸਾਹਮਣੇ ਆਈ ਹੈ। ਇਸ ਵਾਰ ਤਨੁਸ਼ਰੀ ਦੱਤਾ ਨੇ ਅਜੇ ਦੇਵਗਨ ‘ਤੇ ਵੱਡਾ ਇਲਜ਼ਾਮ ਲਗਾਇਆ ਹੈ। ਹਾਲ ਹੀ ‘ਚ ਅਜੇ ਦੇਵਗਨ ਦੀ ਆਉਣ ਵਾਲੀ ਫਿਲਮ ਦੇ ਪਿਆਰ ਦੇ ਦੇ ਟ੍ਰੇਲਰ ਨੂੰ ਰਿਲੀਜ ਕੀਤਾ ਗਿਆ ਹੈ। ਜਿਸ ਵਿਚ ਮੀਟੂ ਦੇ ਅਧੀਨ ਦੋਸ਼ਾਂ ‘ਚ ਘਿਰੇ ਅਲੋਕਨਾਥ ਵੀ ਸਨ। ਟ੍ਰੇਲਰ ਤੋਂ ਬਾਅਦ ਫਿਲਮ ਦੇ ਮੇਕਰਜ਼ ਤੇ ਅਜੇ ਦੇਵਗਨ ‘ਤੇ ਵੀ ਸਵਾਲ ਖੜੇ ਹੋਏ ਸਨ ਪਰ ਅਜੇ ਨੇ ਇਨ੍ਹਾਂ ਸਾਰੇ ਸਵਾਲਾਂ ਤੋਂ ਕਿਨਾਰਾ ਕਰ ਲਿਆ।
MeToo
ਮੀਟੂ ਮੂਵਮੈਂਟ ਦੀ ਸ਼ੁਰੁਆਤ ਕਰਨ ਵਾਲੀ ਤਨੁਸ਼ਰੀ ਦੱਤਾ ਨੇ ਅਲੋਕਨਾਥ ਨੂੰ ਫਿਲਮ ਵਿੱਚ ਲੈਣ ‘ਤੇ ਅਜੇ ਦੇਵਗਨ ‘ਤੇ ਨਿਸ਼ਾਨਾ ਸਾਧਿਆ ਹੈ। ਤਨੁਸ਼ਰੀ ਦੱਤਾ ਨੇ ਕਿਹਾ ਕਿ ਬਾਲੀਵੂਡ ਸਿਨੇਮਾ ਝੂਠਾ ਹੈ, ਦਿਖਾਵਾ ਕਰਨ ਵਾਲਿਆਂ ਅਤੇ ਪਖੰਡੀਆਂ ਨਾਲ ਭਰਿਆ ਹੋਇਆ ਹੈ। ਤਨੁਸ਼ਰੀ ਨੇ ਕਿਹਾ ਕਿ ਅਲੋਕਨਾਥ ਦੇ ਸੀਨ ਨੂੰ ਦੁਬਾਰਾ ਫਿਲਮਾਇਆ ਜਾ ਸਕਦਾ ਸੀ ਪਰ ਉਨ੍ਹਾਂ ਨੇ ਅਜਿਹਾ ਨਹੀਂ ਕੀਤਾ। ਤਨੁਸ਼ਰੀ ਦੱਤਾ ਇਥੇ ਹੀ ਨਹੀਂ ਰੁਕੀ ਉਨ੍ਹਾਂ ਨੇ ਕਿਹਾ ਕਿ ਫਿਲਮ ਦੇ ਮੇਕਰਜ਼ ਨੇ ਇਕ ਰੇਪਿਸਟ ਨੂੰ ਫਿਲਮ ਦਾ ਹਿੱਸਾ ਬਣਾਈ ਰੱਖਿਆ।
Tanu Shree Dutta
ਦੇ ਦੇ ਪਿਆਰ ਦੇ ਦੇ ਟ੍ਰੇਲਰ ਅਤੇ ਪੋਸਟਰ ਸਾਹਮਣੇ ਨਾ ਆਉਣ ਤੱਕ ਕਿਸੇ ਨੂੰ ਪਤਾ ਨਹੀਂ ਸੀ ਕਿ ਆਲੋਕਨਾਥ ਫਿਲਮ ਦਾ ਹਿੱਸਾ ਹਨ। ਅਜੇ ਦੇਵਗਨ ਅਤੇ ਮੇਕਰਜ਼ ਚਾਹੁੰਦੇ ਤਾਂ ਉਹ ਚੁੱਪਚਾਪ ਨਾਲ ਅਲੋਕਨਾਥ ਨੂੰ ਰਿਪਲੇਸ ਕਰ ਸਕਦੇ ਸਨ। ਟ੍ਰੇਲਰ ਲਾਂਚਿੰਗ ਦੇ ਦੌਰਾਨ ਜਦੋਂ ਫਿਲਮ ਦੇ ਲੇਖਕ ਅਤੇ ਪ੍ਰੋਡਿਊਸਰ ਲਵ ਰੰਜਨ ਨਾਲ ਆਲੋਕ ਨਾਥ ਦੀ ਹਾਜ਼ਰੀ ਨੂੰ ਲੈ ਕੇ ਸਵਾਲ ਪੁੱਛਿਆ ਗਿਆ ਤਾਂ ਅਜੇ ਦੇਵਗਨ ਨੇ ਤੁਰੰਤ ਜਵਾਬ ਦਿੰਦੇ ਹੋਏ ਕਿਹਾ ਇਹ ਇਸ ਬਾਰੇ ‘ਚ ਗੱਲ ਕਰਨ ਦਾ ਠੀਕ ਸਮਾਂ ਨਹੀਂ ਹੈ। ਉਂਝ ਵੀ ਇਹ ਫਿਲਮ ਅਲੋਕ ਨਾਥ ‘ਤੇ ਮੀਟੂ ਦਾ ਇਲਜ਼ਾਮ ਲੱਗਣ ਤੋਂ ਪਹਿਲਾਂ ਸ਼ੂਟ ਹੋ ਗਈ ਸੀ।
