ਬੀਤੇ ਕੱਲ੍ਹ ‘ਦ ਕਪਿਲ ਸ਼ਰਮਾ ਸ਼ੋਅ’ ਵਿਚ ਫ਼ਿਲਮ ‘ਉਰੀ’ ਦੀ ਸਟਾਰ ਕਾਸਟ ਵਿੱਕੀ ਕੌਸ਼ਲ ਅਤੇ ਯਾਮੀ ਗੌਤਮ....
ਮੁੰਬਈ : ਬੀਤੇ ਕੱਲ੍ਹ ‘ਦ ਕਪਿਲ ਸ਼ਰਮਾ ਸ਼ੋਅ’ ਵਿਚ ਫ਼ਿਲਮ ‘ਉਰੀ’ ਦੀ ਸਟਾਰ ਕਾਸਟ ਵਿੱਕੀ ਕੌਸ਼ਲ ਅਤੇ ਯਾਮੀ ਗੌਤਮ ਪਹੁੰਚੇ। ਇਸ ਦੌਰਾਨ ਵਿੱਕੀ ਅਤੇ ਯਾਮੀ ਸਰੋਤਿਆਂ ਨੂੰ ਅਪਣੀ ਫ਼ਿਲਮ ਦੇ ਬਾਰੇ ਵਿਚ ਦੱਸਿਆ ਅਤੇ ਨਾਲ ਹੀ ਅਪਣੇ ਸਕੂਲ ਸਮੇਂ ਦੇ ਕਿੱਸੇ ਵੀ ਸੁਣਾਏ। ਅਜਿਹਾ ਹੀ ਇਕ ਕਿੱਸਾ ਦੱਸਦੇ ਹੋਏ ਵਿੱਕੀ ਕੌਸ਼ਲ ਨੇ ਖੁਲਾਸਾ ਕੀਤਾ ਕਿ ਕਿਵੇਂ ਇਕ ਸਕੂਲ ਜਸ਼ਨ ਵਿਚ ਸਭ ਦੇ ਸਾਹਮਣੇ ਉਨ੍ਹਾਂ ਦੀ ਪੈਂਟ ਉਤਰ ਗਈ ਸੀ ਅਤੇ ਉਹ ਸ਼ਰਮਿੰਦਾ ਹੋ ਗਏ ਸਨ।
Yami Gautam-Vicky Kaushal
ਵਿੱਕੀ ਨੇ ਦੱਸਿਆ ਕਿ ਸਕੂਲ ਦੇ ਜਸ਼ਨ ਵਿਚ ਇਕ ਵਾਰ ਉਨ੍ਹਾਂ ਨੂੰ ਸਟੇਜ ਉਤੇ ਡਾਂਸ ਪਰਫਾਰਮ ਕਰਨਾ ਸੀ। ਇਸ ਦੌਰਾਨ ਸਭ ਦੇ ਕੋਲ ਬੈਲਟ ਸੀ, ਪਰ ਉਨ੍ਹਾਂ ਦੇ ਕੋਲ ਨਹੀਂ ਸੀ ਤਾਂ ਵਿੱਕੀ ਨੇ ਸਕਾਰਫ ਲੱਕ ਉਤੇ ਬੰਨ੍ਹ ਲਿਆ। ਪਰ ਜਦੋਂ ਉਨ੍ਹਾਂ ਨੇ ਡਾਂਸ ਕੀਤਾ ਤਾਂ ਸਕਾਰਫ ਖੁੱਲ ਗਿਆ ਅਤੇ ਉਨ੍ਹਾਂ ਦੀ ਪੈਂਟ ਸਭ ਦੇ ਸਾਹਮਣੇ ਉੱਤਰ ਗਈ। ਵਿੱਕੀ ਦੀ ਇਹ ਗੱਲ ਸੁਣ ਕੇ ਸਾਰੇ ਹੱਸਣ ਲੱਗੇ।
Yami Gautam
ਜਦੋਂ ਵਿਕੀ ਤੋਂ ਪੁੱਛਿਆ ਗਿਆ ਕਿ ਉਹ ਬਾਲੀਵੁੱਡ ਵਿਚ ਕਿਸ ਨੂੰ ਡੇਟ ਕਰਨਾ ਚਾਹੁੰਦੇ ਹਨ? ਤਾਂ ਉਨ੍ਹਾਂ ਨੇ ਅਪਣੀ ਸਟਾਰ ਯਾਮੀ ਦਾ ਨਾਮ ਲਿਆ ਅਤੇ ਕਿਹਾ ਕਿ ਉਹ ਉਨ੍ਹਾਂ ਨੂੰ ਡੇਟ ਕਰਨਾ ਪਸੰਦ ਕਰਨਗੇ। ਜਦੋਂ ਇਹੀ ਸਵਾਲ ਯਾਮੀ ਨਾਲ ਕੀਤਾ ਗਿਆ ਤਾਂ ਉਨ੍ਹਾਂ ਨੇ ਵਿੱਕੀ ਦਾ ਨਾਮ ਲਿਆ।
