ਫਿਲਮ ਦੇ ਟਰੇਲਰ ਦੇਖਣ ਤੋਂ ਬਾਅਦ ਪਤਾ ਲਗਦਾ ਹੈ ਕਿ ਆਲੀਆ ਦਾ ਕਿਰਦਾਰ ਬਹੁਤ ਹੀ ਚੁਸਤ ਅਤੇ ਤੇਜ਼ ਦਿਮਾਗ ਵਾਲੀ ਲੜਕੀ ਦਾ ਹੈ
11 ਮਈ ਨੂੰ ਰੀਲੀਜ਼ ਹੋਣ ਜਾ ਰਹੀ ਹੈ ਆਲੀਆ ਭੱਟ ਦੀ ਫਿਲਮ 'ਰਾਜ਼ੀ' ਕਾਫੀ ਚਰਚਾ 'ਚ ਹੈ। ਕੁਝ ਦਿਨ ਪਹਿਲਾਂ ਇਸ ਫਿਲਮ ਦੇ ਪੋਸਟਰ ਅਤੇ ਟਰੇਲਰ ਰੀਲੀਜ਼ ਹੋ ਚੁਕੇ ਹਨ | ਰਾਜ਼ੀ ਇਕ ਥ੍ਰਿਲਰ ਫਿਲਮ ਹੈ ਜੋ ਕਿ ਇਤਿਹਾਸਿਕ ਘਟਨਾ ਨਾਲ ਜੁੜੀ ਹੋਈ ਹੈ | ਫਿਲਮ ਦੇ ਟਰੇਲਰ ਦੇਖਣ ਤੋਂ ਬਾਅਦ ਪਤਾ ਲਗਦਾ ਹੈ ਕਿ ਆਲੀਆ ਦਾ ਕਿਰਦਾਰ ਬਹੁਤ ਹੀ ਚੁਸਤ ਅਤੇ ਤੇਜ਼ ਦਿਮਾਗ ਵਾਲੀ ਲੜਕੀ ਦਾ ਹੈ | ਆਲੀਆ ਇਸ ਫਿਲ ਵਿਚ ਇਕ ਜਾਸੂਸ ਦੀ ਭੂਮਿਕਾ ਨਿਭਾ ਰਹੀ ਹੈ |
raazi
ਤੁਹਾਨੂੰ ਦੱਸ ਦੇਈਏ ਕਿ ਰਾਜ਼ੀ ਫਿਲਮ ਇਕ ਜਾਸੂਸ ਦੀ ਕਹਾਣੀ ਹੈ ਜੋ ਪਾਕਿਸਤਾਨ 'ਚ ਰਹਿ ਕੇ ਭਾਰਤ ਲਈ ਜਾਸੂਸੀ ਕਰਦਾ ਹੈ। ਇਸ ਫਿਲਮ ਵਿਚ ਆਲੀਆ ਸਹਿਮਤ ਨਾਮ ਦੀ ਲੜਕੀ ਦਾ ਕਿਰਦਾਰ ਨਿਭਾ ਰਹੀ ਹੈ ਜੋ ਕਿ ਮੂਲ ਰੂਪ ਵਿਚ ਭਾਰਤੀ ਹੈ | ਸਹਿਮਤ ਦੇ ਪਿਤਾ ਉਸਦਾ ਵਿਆਹ ਪਾਕਿਸਤਾਨ ਦੇ ਇਕ ਸਰਕਾਰੀ ਅਫਸਰ ਨਾਲ ਕਰਵਾ ਦਿੰਦੇ ਹਨ ਅਤੇ ਉਸਦਾ ਵਿਆਹ ਕਰਵਾਉਣ ਦਾ ਮਕਸਦ ਪਾਕਿਸਤਾਨ ਵਿਚ ਰਹਿ ਕਿ ਭਾਰਤ ਲਈ ਜਾਸੂਸੀ ਕਰਨਾ ਹੁੰਦਾ ਹੈ |
raazi
ਦੱਸਣਯੋਗ ਹੈ ਕਿ ਫਿਲਮ 'ਰਾਜ਼ੀ' ਦਾ ਨਿਰਦੇਸ਼ਨ ਮੇਘਨਾ ਗੁਲਜ਼ਾਰ ਕਰ ਰਹੀ ਹੈ। ਫਿਲਮ ਦੀ ਕਹਾਣੀ ਹਰਿੰਦਰ ਸਿੱਕਾ ਦੇ ਨਾਵਲ ਸਹਿਮਤ 'ਤੇ ਆਧਾਰਿਤ ਹੈ। ਫਿਲਮ 'ਚ ਲੀਡ ਅਭਿਨੇਤਾ ਦੇ ਤੌਰ 'ਤੇ ਵਿੱਕੀ ਕੌਸ਼ਲ ਅਹਿਮ ਭੂਮਿਕਾ 'ਚ ਨਜ਼ਰ ਆਉਣਗੇ। ਫਿਲਮ 'ਚ ਆਲੀਆ ਇਕ ਕਸ਼ਮੀਰੀ ਲੜਕੀ ਦਾ ਕਿਰਦਾਰ ਨਿਭਾਅ ਰਹੀ ਹੈ।
