ਪ੍ਰਿਅੰਕਾ ਚੋਪੜਾ ਦਿਲੀਪ ਕੁਮਾਰ ਅਤੇ ਉਨ੍ਹਾਂ ਦੀ ਪਤਨੀ ਸਾਇਰਾ ਬਾਨੋ ਨੂੰ ਮਿਲਣ ਪਹੁੰਚੀ ਹੈ। ਪ੍ਰਿਅੰਕਾ ਨੇ 94 ਸਾਲਾ ਦਿਲੀਪ ਕੁਮਾਰ ਦੇ ਨਾਲ ਪੂਰੀ ਸ਼ਾਮ ਗੁਜ਼ਾਰੀ। ਉਨ੍ਹਾਂ ਨੂੰ ਪਿਛਲੇ ਮਹੀਨੇ ਹਸਪਤਾਲ ਵਿੱਚ ਭਰਤੀ ਕੀਤਾ ਗਿਆ ਸੀ।
ਦਿਲੀਪ ਕੁਮਾਰ ਦੇ ਆਫੀਸ਼ਲ ਟਵਿਟਰ ਅਕਾਊਂਟ ਤੋਂ ਉਨ੍ਹਾਂ ਦੇ ਪਰਿਵਾਰਿਕ ਦੋਸਤ ਫੈਸਲ ਫਰੂਕੀ ਨੇ ਟਵੀਟ ਕਰਕੇ ਕਿਹਾ, ਪ੍ਰਿਅੰਕਾ ਚੋਪੜਾ ਨੇ ਸਾਹਿਬ ਅਤੇ ਸਾਇਰਾ ਬਾਜੀ ਦੇ ਨਾਲ ਸ਼ਾਮ ਗੁਜ਼ਾਰੀ। ਸਾਹਿਬ ਦੀ ਸਿਹਤ ਕਾਫ਼ੀ ਬੇਹਤਰ ਹੈ।
ਇਸ ਟਵੀਟ ਦੇ ਨਾਲ ਦੋ ਤਸਵੀਰਾਂ ਵੀ ਸ਼ੇਅਰ ਕੀਤਿਆਂ ਗਈਆਂ ਜਿਨ੍ਹਾਂ ਵਿੱਚ ਪ੍ਰਿਅੰਕਾ ਚੋਪੜਾ , ਦਿਲੀਪ ਕੁਮਾਰ ਅਤੇ ਸਾਇਰਾ ਬਾਨੋ ਤਿੰਨੋਂ ਮੌਜੂਦ ਸਨ।
ਪ੍ਰਿਅੰਕਾ ਨੇ ਆਪਣੇ ਜਵਾਬ ਵਿੱਚ ਲਿਖਿਆ , ਤੁਹਾਡੇ ਦੋਵਾਂ ਨਾਲ ਮਿਲ ਕੇ ਚੰਗਾ ਲੱਗਿਆ। ਧੰਨਵਾਦ ਅਤੇ ਸਾਹਿਬ ਨੂੰ ਬੇਹਤਰ ਵੇਖ ਕੇ ਬਹੁਤ ਚੰਗਾ ਲੱਗਿਆ । ਢੇਰ ਸਾਰਾ ਪਿਆਰ।
ਫਾਰਕੀ ਨੇ ਸੋਮਵਾਰ ਨੂੰ ਦਿਲੀਪ ਕੁਮਾਰ ਦੇ ਟਵਿਟਰ ਅਕਾਊਂਟ ਦੇ ਜ਼ਰੀਏ ਭਰੋਸਾ ਦਿੱਤਾ ਸੀ ਕਿ ਉਨ੍ਹਾਂ ਦੀ ਸਿਹਤ ਬੇਹਤਰ ਹੋ ਰਹੀ ਹੈ ਅਤੇ ਉਨ੍ਹਾਂ ਦੀ ਸਿਹਤ ਨਾਲ ਜੁੜੀ ਸਾਰੀ ਜਾਣਕਾਰੀਆਂ ਰੋਜ਼ਾਨਾ ਇਸ ਮਾਈਕਰੋਬਲਾਗਿੰਗ ਸਾਇਟ ਤੇ ਸ਼ੇਅਰ ਕੀਤੀ ਜਾਵੇਗੀ।
