ਇਕ ਪ੍ਰਸ਼ੰਸਕ ਦੇ ਵਲੋਂ ਫੜੇ ਪੋਸਟ ’ਤੇ ਦਿਲਜੀਤ ਦੋਸਾਂਝ ਦਾ ਨਾਹਰਾ ‘ਪੰਜਾਬੀ ਆ ਗਏ ਓਏ’ ਦਾ ਨਾਹਰਾ ਪੜ੍ਹਿਆ
ਨਵੀਂ ਦਿੱਲੀ : ਕੋਲਡਪਲੇਅ ਦੇ ਫਰੰਟਮੈਨ ਕ੍ਰਿਸ ਮਾਰਟਿਨ ਨੇ ਅਬੂ ਧਾਬੀ ’ਚ ਅਪਣੇ ਸੰਗੀਤ ਸਮਾਰੋਹ ਦੌਰਾਨ ਇਕ ਪ੍ਰਸ਼ੰਸਕ ਪੋਸਟਰ ’ਤੇ ਲਿਖਿਆ ਦਿਲਜੀਤ ਦੋਸਾਂਝ ਦਾ ਮਸ਼ਹੂਰ ਤਕੀਆਕਲਾਮ ‘ਪੰਜਾਬੀ ਆ ਗਏ ਓਏ’ ਪੜ੍ਹ ਕੇ ਅਪਣੇ ਭਾਰਤੀ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿਤਾ।
ਮਾਰਟਿਨ ਇਸ ਮਹੀਨੇ ਦੇ ਅਖੀਰ ’ਚ ਭਾਰਤ ’ਚ ਪ੍ਰਦਰਸ਼ਨ ਕਰਨਗੇ। ਉਹ ਜ਼ਾਇਦ ਸਪੋਰਟਸ ਸਿਟੀ ਸਟੇਡੀਅਮ ’ਚ ਅਪਣੇ ਸੰਗੀਤ ਸਮਾਰੋਹ ਦੌਰਾਨ ਦਰਸ਼ਕਾਂ ਨਾਲ ਗੱਲਬਾਤ ਕਰ ਰਹੇ ਸਨ। ਅਪਣੀ ਪੇਸ਼ਕਾਰੀ ਦੌਰਾਨ, ਮਾਰਟਿਨ ਇਕ ਪ੍ਰਸ਼ੰਸਕ ਕੋਲ ਗਿਆ ਜਿਸ ਨੇ ਪੋਸਟਰ ਫੜਿਆ ਹੋਇਆ ਸੀ ਜਿਸ ’ਤੇ ਲਿਖਿਆ ਸੀ ‘ਪੰਜਾਬੀ ਆ ਗਏ ਓਏ’। ਇਹ ਅਕਸਰ ਦੁਸਾਂਝ ਵਲੋਂ ਅਪਣੀ ਪੇਸ਼ਕਾਰੀ ’ਚ ਵਰਤਿਆ ਜਾਂਦਾ ਹੈ।
ਗਾਇਕ ਨੇ ਤੁਰਤ ਵਾਕ ਪੜ੍ਹਿਆ, ਜਿਸ ਤੋਂ ਬਾਅਦ ਭੀੜ ਖੁਸ਼ੀ ਨਾਲ ਖੁਸ਼ ਹੋ ਗਈ। ਦਰਸ਼ਕਾਂ ਨੇ ਕਿਹਾ, ‘‘ਅਸੀਂ ਵੀ ਤੈਨੂੰ ਪਿਆਰ ਕਰਦੇ ਹਾਂ।’’ ਇਹ ਨਾਅਰਾ ਵਿਸ਼ਵ ਪੱਧਰ ’ਤੇ ਪੰਜਾਬੀ ਮਾਣ ਅਤੇ ਪ੍ਰਤੀਨਿਧਤਾ ਦਾ ਸਮਾਨਾਰਥੀ ਬਣ ਗਿਆ ਹੈ। ਦੁਸਾਂਝ ਦੀ ਟੀਮ ਵਲੋਂ ਇੰਸਟਾਗ੍ਰਾਮ ਸਟੋਰੀਜ਼ ’ਤੇ ਸਾਂਝਾ ਕੀਤੇ ਜਾਣ ਤੋਂ ਬਾਅਦ ਇਹ ਵੀਡੀਉ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਗਿਆ। (ਪੀਟੀਆਈ)
