ਕਹਿਰ ਹੜ੍ਹਾਂ ਨੇ ਢਾਇਆ ਵਿਚ ਕੇਰਲਾ ਦੇ, ਲੋਕ ਸੈਂਕੜੇ ਜਾਨਾਂ ਗਵਾ ਬੈਠੇ...

ਕਹਿਰ ਹੜ੍ਹਾਂ ਨੇ ਢਾਇਆ ਵਿਚ ਕੇਰਲਾ ਦੇ, ਲੋਕ ਸੈਂਕੜੇ ਜਾਨਾਂ ਗਵਾ ਬੈਠੇ,
ਲੱਖਾਂ ਲੋਕ ਉੱਥੇ ਘਰੋਂ ਬੇਘਰ ਹੋ ਗਏ, ਪੂੰਜੀ ਸਾਰੀ ਦੀ ਸਾਰੀ ਰੁੜ੍ਹਾ ਬੈਠੇ,
ਪਾਣੀ ਵਿਚ ਰੁੜ੍ਹੇ ਜਾਂਦੇ ਬਚਾਉਣ ਲਈ, ਕਈ ਖ਼ੁਦ ਨੂੰ ਖ਼ਤਰੇ ਵਿਚ ਪਾ ਬੈਠੇ,
ਅਕ੍ਰਿਤਘਣ ਵੀ ਨਜ਼ਰ ਕਈ ਆਏ ਉਥੇ, ਲੁਟਾਂ-ਖੋਹਾਂ ਨੂੰ ਕਿੱਤਾ ਬਣਾ ਬੈਠੇ,

ਹੜ੍ਹ ਪੀੜਤਾਂ ਲਈ ਸਿੱਖਾਂ ਨੇ ਹੋ ਇਕੱਠੇ, ਖਾਣ-ਪੀਣ ਦੇ ਲੰਗਰ ਲਗਾ ਦਿਤੇ,
ਪਾਈ ਪਿਰਤ ਜੋ ਗੁਰੂ ਸਹਿਬਾਨ ਨੇ ਸੀ, ਉਸ ਪਿਰਤ ਨੂੰ ਚਾਰ ਚੰਨ ਲਗਾ ਦਿਤੇ।
-ਜਸਪਾਲ ਸਿੰਘ ਨਾਗਰਾ, ਸੰਪਰਕ : 001-360-448-1989