ਪਾਕਿਸਤਾਨ ਦੇ ਪੰਜਾਬ ਸੂਬੇ ਵਿਚ 15 ਸਾਲਾਂ ਸਿੱਖ ਲੜਕੀ ਨਾਲ ਦੋ ਵਿਅਕਤੀਆਂ ਨੇ ਇਕ ਐਂਬੁਲੈਂਸ ਵਿਚ ਕਥਿਤ ਤੌਰ ਨਾਲ ਬਲਾਤਕਾਰ ਕੀਤਾ। ਪੁਲਿਸ ਨੇ ਦੱਸਿਆ...

ਲਾਹੌਰ : (ਪੀਟੀਆਈ) ਪਾਕਿਸਤਾਨ ਦੇ ਪੰਜਾਬ ਸੂਬੇ ਵਿਚ 15 ਸਾਲਾਂ ਸਿੱਖ ਲੜਕੀ ਨਾਲ ਦੋ ਵਿਅਕਤੀਆਂ ਨੇ ਇਕ ਐਂਬੁਲੈਂਸ ਵਿਚ ਕਥਿਤ ਤੌਰ ਨਾਲ ਬਲਾਤਕਾਰ ਕੀਤਾ। ਪੁਲਿਸ ਨੇ ਦੱਸਿਆ ਕਿ ਕੁੜੀ ਮਾਨਸਿਕ ਤੌਰ 'ਤੇ ਅਸਥਿਰ ਦੱਸੀ ਜਾਂਦੀ ਹੈ। ਉਹ ਇਥੋਂ ਲਗਭੱਗ 80 ਕਿਲੋਮੀਟਰ ਦੂਰ ਗੁਰਦੁਆਰਾ ਨਨਕਾਨਾ ਸਾਹਿਬ ਸ਼ਹਿਰ ਤੋਂ ਪਿਛਲੇ ਸ਼ਨਿਚਰਵਾਰ ਨੂੰ ਲਾਪਤਾ ਹੋ ਗਈ ਸੀ। ਜਦੋਂ ਉਹ ਨਹੀਂ ਪਰਤੀ ਤਾਂ ਉਸ ਦੇ ਪਰਵਾਰ ਨੇ ਪੁਲਿਸ ਨੂੰ ਸੁਚੇਤ ਕੀਤਾ। ਕੁੜੀ ਦੇ ਪਿਤਾ ਨੇ ਕਿਹਾ ਕਿ ਪਰਵਾਰ ਨੇ ਪੰਜਾਬ ਆਪਾਤ ਸੇਵਾ ਰਾਹਤ 1122 ਦੀ ਇਕ ਐਂਬੁਲੈਂਸ ਨਨਕਾਨਾ ਬਾਈਪਾਸ 'ਤੇ ਖੜੀ ਵੇਖੀ।  

ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਐਂਬੁਲੈਂਸ ਵਿਚ ਇਕ ਕੁੜੀ ਨੂੰ ਚੀਖਦੇ ਸੁਣਿਆ। ਅਸੀਂ ਵਾਹਨ ਕੋਲ ਪੁੱਜੇ ਅਤੇ ਵੇਖਿਆ ਕਿ ਦੋ ਵਿਅਕਤੀ ਮੇਰੀ ਕੁੜੀ ਨਾਲ ਕੁੱਟ ਮਾਰ ਕਰ ਰਹੇ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਦੋਹੇਂ ਉੱਥੋਂ ਭੱਜ ਗਏ ਅਤੇ ਲਗਭੱਗ ਦੋ ਕਿਲੋਮੀਟਰ ਦੂਰ ਕੁੜੀ ਨੂੰ ਵਾਹਨ ਤੋਂ ਸੁੱਟ ਦਿਤਾ। ਪਰਵਾਰ ਕੁੜੀ ਨੂੰ ਹਸਪਤਾਲ ਲੈ ਗਿਆ ਜਿੱਥੇ ਉਸ ਦੀ ਹਾਲਤ ਸਥਿਰ ਦੱਸੀ ਗਈ ਹੈ।  

ਨਨਕਾਨਾ ਸ਼ਹਿਰ ਪੁਲਿਸ ਅਧਿਕਾਰੀ ਨਦੀਮ ਅਹਿਮਦ ਨੇ ਦੱਸਿਆ ਕਿ ਅਹਸਨ ਅਲੀ ਅਤੇ ਸਮੀਨ ਹੈਦਰ ਵਿਰੁਧ ਐਫਆਈਆਰ ਦਰਜ ਕਰ ਲਈ ਗਈ ਹੈ। ਦੋਹੇਂ 1122 ਆਪਾਤ ਸੇਵਾ ਦੇ ਸਰਕਾਰੀ ਕਰਮਚਾਰੀ ਹਨ। ਉਨ੍ਹਾਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।  ਉਨ੍ਹਾਂ ਨੇ ਕਿਹਾ ਕਿ ਪੀੜਤਾ ਦਾ ਮੈਡੀਕਲ ਕਰਾਇਆ ਗਿਆ ਹੈ ਅਤੇ ਰਿਪੋਰਟ ਦਾ ਇੰਤਜ਼ਾਰ ਹੈ।