Oman News : ਦੂਤ ਬਣ ਕੇ ਪਹੁੰਚੀ ਭਾਰਤੀ ਜਲ ਸੈਨਾ, ਜਾਣੋ ਪੂਰੀ ਖ਼ਬਰ

Massive Fire Breaks Out on Oman-Bound Ship Latest News in Punjabi : ਉਮਾਨ ਜਾ ਰਹੇ ਇਕ ਸਮੁੰਦਰੀ ਜਹਾਜ਼ ਦੇ ਇੰਜਣ ਕਮਰੇ ਵਿਚ ਭਿਆਨਕ ਅੱਗ ਲੱਗ ਗਈ ਤੇ ਜਹਾਜ਼ ਦੀ ਪੂਰੀ ਬਿਜਲੀ ਬੰਦ ਹੋ ਗਈ। ਕਾਲ ਮਿਲਣ 'ਤੇ, ਭਾਰਤੀ ਜਲ ਸੈਨਾ ਤੁਰਤ ਪਹੁੰਚੀ ਤੇ ਜਹਾਜ਼ ਵਿਚ ਲੱਗੀ ਅੱਗ ਬੁਝਾਉਣ ਦਾ ਕੰਮ ਕਰ ਰਹੀ ਹੈ।

ਭਾਰਤੀ ਜਲ ਸੈਨਾ ਦੇ ਜੰਗੀ ਜਹਾਜ਼ ਆਈਐਨਐਸ ਤਬਾਰ, ਜੋ ਕਿ ਉਮਾਨ ਦੀ ਖਾੜੀ ਵਿਚ ਮਿਸ਼ਨ 'ਤੇ ਗਿਆ ਸੀ, ਨੂੰ ਐਮਟੀ ਯੀ ਚੇਂਗ 6 ਨਾਮਕ ਜਹਾਜ਼ ਤੋਂ ਇਕ ਸੰਕਟ ਦੀ ਸੂਚਨਾ ਮਿਲੀ, ਜਿਸ ਤੋਂ ਬਾਅਦ ਜਹਾਜ਼ ਨੇ ਤੁਰਤ ਕਾਰਵਾਈ ਕੀਤੀ ਅਤੇ ਅੱਗ ਬੁਝਾਉਣੀ ਸ਼ੁਰੂ ਕਰ ਦਿਤੀ। 13 ਭਾਰਤੀ ਜਲ ਸੈਨਾ ਕਰਮਚਾਰੀ ਅਤੇ 5 ਚਾਲਕ ਦਲ ਦੇ ਮੈਂਬਰ ਇਸ ਸਮੇਂ ਅੱਗ ਬੁਝਾਉਣ ਵਿਚ ਲੱਗੇ ਹੋਏ ਹਨ। ਪੁਲਾਉ-ਝੰਡੇ ਵਾਲਾ ਐਮਟੀ ਯੀ ਚੇਂਗ 6 ਗੁਜਰਾਤ ਦੇ ਕਾਂਡਲਾ ਤੋਂ ਉਮਾਨ ਦੇ ਸ਼ਿਨਾਸ ਜਾ ਰਿਹਾ ਸੀ ਉਸ ਨੇ ਐਤਵਾਰ ਨੂੰ ਸੰਕਟ ਦੀ ਰੀਪੋਰਟ ਕੀਤੀ। ਜਹਾਜ਼ ਵਿਚ 14 ਭਾਰਤੀ ਚਾਲਕ ਦਲ ਦੇ ਮੈਂਬਰ ਸਵਾਰ ਸਨ।

ਭਾਰਤੀ ਜਲ ਸੈਨਾ ਦੇ ਬੁਲਾਰੇ ਨੇ ਟਵੀਟ ਕਰ ਕੇ ਕਿਹਾ ਕਿ ਉਮਾਨ ਦੀ ਖਾੜੀ ਵਿਚ ਤਾਇਨਾਤ ਭਾਰਤੀ ਜਲ ਸੈਨਾ ਦੇ ਸਟੀਲਥ ਫ੍ਰੀਗੇਟ ਆਈਐਨਐਸ ਤਬਾਰ ਨੇ 29 ਜੂਨ ਨੂੰ ਪੁਲਾਉ-ਝੰਡੇ ਵਾਲੇ ਐਮਟੀ ਯੀ ਚੇਂਗ 6 ਤੋਂ ਇਕ ਸੰਕਟ ਕਾਲ ਦਾ ਜਵਾਬ ਦਿਤਾ। ਜਹਾਜ਼ ਦੇ ਇੰਜਣ ਰੂਮ ਵਿਚ ਭਿਆਨਕ ਅੱਗ ਲੱਗ ਗਈ ਅਤੇ ਜਹਾਜ਼ ਦੀ ਪੂਰੀ ਬਿਜਲੀ ਬੰਦ ਹੋ ਗਈ। ਆਈਐਨਐਸ ਤਬਾਰ ਤੋਂ ਅੱਗ ਬੁਝਾਊ ਟੀਮਾਂ ਅਤੇ ਉਪਕਰਣਾਂ ਨੂੰ ਜਹਾਜ਼ ਦੀ ਕਿਸ਼ਤੀ ਅਤੇ ਹੈਲੀਕਾਪਟਰ ਰਾਹੀਂ ਜਹਾਜ਼ ਵਿਚ ਤਬਦੀਲ ਕੀਤਾ ਗਿਆ। 13 ਭਾਰਤੀ ਜਲ ਸੈਨਾ ਦੇ ਕਰਮਚਾਰੀ ਅਤੇ 5 ਚਾਲਕ ਦਲ ਦੇ ਮੈਂਬਰ ਇਸ ਸਮੇਂ ਅੱਗ ਬੁਝਾਉਣ ਦੇ ਕਾਰਜਾਂ ਵਿਚ ਲੱਗੇ ਹੋਏ ਹਨ, ਜਿਸ ਨਾਲ ਜਹਾਜ਼ ਵਿਚ ਲੱਗੀ ਅੱਗ ਦੀ ਤੀਬਰਤਾ ਕਾਫ਼ੀ ਘੱਟ ਗਈ ਹੈ। ਅਜੇ ਤਕ ਕਿਸੇ ਦੀ ਮੌਤ ਦੀ ਖ਼ਬਰ ਸਾਹਮਣੇ ਨਹੀਂ ਆਈ ਹੈ।