ਅਮਰੀਕਾ ਦੇ ਇਕ ਜੱਜ ਨੇ ਉਰੇਗਨ ਦੀ ਸੰਘੀ ਜੇਲ ਵਿਚ ਰੱਖੇ ਗਏ 52 ਭਾਰਤੀਆਂ ਸਮੇਤ 120 ਪ੍ਰਵਾਸੀਆਂ ਨੂੰ ਤੁਰਤ ਵਕੀਲਾਂ ਨੂੰ ਮਿਲਣ ਦੀ ਇਜਾਜ਼ਤ ਦੇ ਕੇ ...
ਵਾਸ਼ਿੰਗਟਨ: ਅਮਰੀਕਾ ਦੇ ਇਕ ਜੱਜ ਨੇ ਉਰੇਗਨ ਦੀ ਸੰਘੀ ਜੇਲ ਵਿਚ ਰੱਖੇ ਗਏ 52 ਭਾਰਤੀਆਂ ਸਮੇਤ 120 ਪ੍ਰਵਾਸੀਆਂ ਨੂੰ ਤੁਰਤ ਵਕੀਲਾਂ ਨੂੰ ਮਿਲਣ ਦੀ ਇਜਾਜ਼ਤ ਦੇ ਕੇ ਕਾਨੂੰਨੀ ਮਦਦ ਮੁਹੱਈਆ ਕਰਵਾਏ ਜਾਣ ਦਾ ਆਦੇਸ਼ ਦਿਤਾ ਹੈ।ਅਮਰੀਕਾ ਦੀ ਦਖਣੀ ਸਰਹੱਦ ਤੋਂ ਦੇਸ਼ 'ਚ ਗ਼ੈਰ-ਕਾਨੂੰਨੀ ਰੂਪ ਨਾਲ ਦਾਖ਼ਲ ਹੋਣ ਦੇ ਦੋਸ਼ ਵਿਚ ਲਗਭਗ 100 ਭਾਰਤੀ ਹਿਰਾਸਤ ਵਿਚ ਲਏ ਗਏ ਹਨ,
ਇਨ੍ਹਾਂ ਵਿਚੋਂ ਜ਼ਿਆਦਾਤਰ ਪੰਜਾਬੀ ਹਨ। ਅਧਿਕਾਰੀਆਂ ਮੁਤਾਬਕ ਲਗਭਗ 40-45 ਭਾਰਤੀ ਦਖਣੀ ਅਮਰੀਕੀ ਰਾਜ ਨਿਊ ਮੈਕਸੀਕੋ ਦੇ ਸੰਘੀ ਹਿਰਾਸਤ 'ਚ ਹਨ, ਜਦਕਿ 52 ਭਾਰਤੀ ਉਰਗੇਨ ਵਿਚ ਹਨ। ਇਨ੍ਹਾਂ 52 ਭਾਰਤੀਆਂ ਵਿਚੋਂ ਜ਼ਿਆਦਾਤਰ ਸਿੱਖ ਅਤੇ ਈਸਾਈ ਹਨ। ਓਰਗੇਨ ਸੰਘੀ ਜੱਜ ਨੇ ਸ਼ੇਰੀਡੈਨ ਜੇਲ ਵਿਚ ਰੱਖੇ ਗਏ ਪ੍ਰਵਾਸੀਆਂ ਲਈ ਤੁਰਤ ਕਾਨੂੰਨੀ ਮਦਦ ਮਨਜ਼ੂਰ ਕਰ ਲਈ ਹੈ।
ਅਮਰੀਕੀ ਜ਼ਿਲ੍ਹਾ ਜੱਜ ਮਾਈਕਲ ਸਿਮੋਨ ਨੇ ਗ਼ੈਰ-ਲਾਭਕਾਰੀ ਸੰਗਠਨਾਂ 'ਅਮਰੀਕਨ ਸਿਵਲ ਲਿਬਟਰੀਜ਼ ਯੂਨੀਅਨ' ਅਤੇ 'ਇੰਨੋਵੇਸ਼ਨ ਲੋਲ ਲੈਬ' ਦੀ ਮੰਗ ਮਨਜ਼ੂਰ ਕੀਤੀ। ਸਿਮੋਨ ਨੇ ਕਿਹਾ, ''ਸਾਡਾ ਦੇਸ਼ ਕਾਨੂੰਨ ਦੇ ਸ਼ਾਸਨ ਨਾਲ ਚੱਲਣ ਵਾਲਾ ਦੇਸ਼ ਹੈ। ਕਾਨੂੰਨ ਦਾ ਸ਼ਾਸਨ ਸਾਡੇ ਸਭ ਤੋਂ ਵੱਡੇ ਸਿਧਾਂਤਾਂ 'ਚੋਂ ਇਕ ਹੈ। (ਪੀਟੀਆਈ)
